Jerimaya 12:11 - Ika

¹¹ Wẹ k'e mẹ ẹ wụrụ alị la iwi, alị ọkpọ-nkụn hụn rị a kwanghọsị m; alịnị ile k'a la iwi, makẹni onwọnni onyẹ ọ rị mkpa.

Jerimaya 12:11 Iomraidhean Croise

Ẹkịliziastisi 7:2

Ọ ka mma ijẹn ụlọ wẹ nọ a kwan ozun karị ijẹn ụlọ wẹ nọ e ri oriri, makẹni ọnwụn rị e che ịhịan ile; ndị rị ndụn furu nị w'a nyanhan a.

Azaya 42:25

Ya ọ nọ gi eje-olulu ẹ sọn wẹ, gi agha lẹ ogbugbu lẹ ntikpọ rịn'a sọn wẹ; agha nọ kpumẹ wẹ lekẹ ọkụn rị e nwunni — aghọtakwọnị wẹ; agha e bu wẹ ri kẹ ọkụn, egizikwọnị w'a dọn.

Azaya 57:1

Ndị ezi-omumẹ hụ a nwụn, onwọnni onyẹ e ron'ẹ; wẹ hụ e weri ndị gi obi wẹ ile e fe Osolobuẹ, onwọnni onyẹ a ghọtanị nị w'e weri ndị ezi-omumẹ makẹ eje-ihiẹn gha e kunrun wẹ;

Jerimaya 10:22

Gọn ntịn! Ẹnyi hụ a nụ ozi, okẹn mkpọtụ ndị agha alị rị ẹbamịn-ugu! Wẹ k'e mẹ obodo ndị rịsọnmẹ alị Juda gba okpokoro, ọ wụrụ ebe nkitẹ-ọfịa e bi.

Jerimaya 10:25

Gi ọnụma ị sọn alị ndị ahụn ghalẹni e fe i, ndị ahụn ghalẹni a kpọku ẹfan ị. Makẹni e gbuchanrịngụọ wẹ ebọn Jekọpụ; e gbuchanrịngụọ wẹ wẹ, tikpọchanrịn alị a.

Jerimaya 14:2

“Juda ile rị nwan a kwan; obodo ndị rịn'a rị a la iwi; wẹ hụ e goo alị Juda; okẹn ẹkwan rị imẹ Jerusalẹm.

Jerimaya 19:8

M k'e tikpọchanrịn obodoni, o họnrin ihiẹn w'a mụ ẹmụ; onyẹ ghafe, egun a tụ a, o finfin isi, ma ọsụa (ọsụọ) makẹ eje-ihiẹn hụn mẹ obodoni.

Jerimaya 23:10

Alịnị ile e mẹ ndị ughẹrẹ ndị ughẹrẹ; abụmọnụ Osolobuẹ e mẹgụọ alị kpọpụ nkụn, ẹfịfịa rị ebe wẹ nọ a zụn anụ e shinwụn — makẹni wẹ rị e bi eje-obibi, e gi ikẹn wẹ e mẹ ihiẹn ile.

Jerimaya 25:11

Ebeni ile jẹnkọ d'a gba okpokoro, la iwi; alị ndịnị ile k'e fe eze alị Babilọnụ ọrọgbọ ahụa iri kwasị ọgụn-ẹtọ.

Jerimaya 4:20

Ntikpọ hụ a bịa, ọbịbịa-ọbịbịa; alịnị ile e mẹ mkpọkọ-mkpọkọ. Imẹ njube-ẹnya ohu e tikpọchanrịn wẹ ụlọ m ile, imẹ njube-ẹnya ohu e tikpọ wẹ ebe m'e butọ isi.

Jerimaya 4:27

Osolobuẹ sị, “Alịnị ile jẹnkọ d'a gba okpokoro, kanị etikpọchanrịnkọ m'a.

Jerimaya 4:28

Ya wụ, ụwa jẹnkọ d'a kwan nwan ẹkwan, igwere a gba ishi, makẹni e kuọlẹ m'a, e rotọgụọ m'a; ekuhutọkọ m ọnụ, erohutọkọ m.”

Jerimaya 6:8

Ịyụ wụ Jerusalẹm, nụkwọ nwan, amamgbe m'a la ị tọ, mẹ alị ị họnrin atụ — alị nwọnlẹni onyẹ bin'ẹ.”

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Jerimaya 9:9

Kị k'e mẹ m eyelẹ wẹ afụnfụn ihiẹnni?” Ya kẹ Osolobuẹ ku — “Kị k'e mẹ m emẹgwarịlẹ alị nọ ẹnịna?”

Juwẹlụ 1:10

Ihiẹn wẹ kụn ugbo a lagụọ iwi, akpak'alị a kpọpụ nkụn; ọka ile e lagụọ iwi; manya hụ a kọ akọwaye; ofugbọn-olivu a kọgbu enwẹn ẹ!

Lẹvitikọsụ 26:32

Ẹghẹẹ, mmẹ lẹ enwẹn m k'e tikpọ alị ụnụ la iwi, nke wụ nị ndị iṅẹnrẹn ụnụ hụn k'a bịa d'e biri ebẹhụ hụngụ k'ọ nọ, a jụsọhị wẹ.

Zẹkaraya 7:5

“Sị ndị alị Juda ile lẹ ndị nchụn-ẹjan nị m sị: ‘Ogẹn hụ ụnụ gi rị e bu ọnụ hụ, a kwan ẹkwan ifọn nke isẹn lẹ nke ẹsa, ọrọgbọ ahụa iri-kwasị ọgụn-ẹtọnị, mmẹ kẹ ụnụ bun'ẹ?

Malakaị 2:2

ụnụ jụ nị ụnụ egọnkọ m ntịn, nị ụnụ egikọ oku iye ẹfan m ọghọ dọn, m k'a bụ ụnụ ọnụ; m k'e gi ịbụ-ọnụ nọkin ngọzi ụnụ — e mẹgụọdẹ m'a, makẹni ụnụ egini oku iye ẹfan m ọghọ dọn. Ya kẹ Osolobuẹ ihiẹn ile rị okpuru ẹ ku.

Ndị Rom 8:22

Makẹni ẹnyi a marịnghọ nị ihiẹn ile Osolobuẹ ke hụkwọ nwan a sụn udẹn kẹ okpoho imẹ rị e mẹ d'e ru ogẹnni.