Jerimaya 12:10 - Ika

¹⁰ Ndị-nze alị ichẹn-ichẹn kịla ndị-agha wẹ nọkẹ atụnrụn d'a zọgbu ugbo-vaịnị m wụ Izrẹlụ; wẹ sikọ d'a zọkpụkpọ ihiẹn-ugbo m; wẹ k'e mẹ ugbo m hụn ma mma họnrin alị la iwi ihiẹn anaị rịlẹni.

Jerimaya 12:10 Iomraidhean Croise

Azaya 3:14

Osolobuẹ a mama ndị-ichẹn lẹ ndị-ndu ndị nke ẹ ikpe: “Ụnụ haịn alị vaịnị m wụ Juda gi wiwi; ihiẹn ụnụ kwanarịn ndị-igbẹnnyẹ jun iwe ụnụ.

Azaya 43:28

M jẹnkọ nwan d'a fa ndị okẹn ịhịan rị imẹ Ụlọ-nsọ ụnụ, m k'e gi Jekọpụ họnrin ihiẹn wẹ k'e tikpọ, ẹghẹẹ, e we m Izrẹlụ ye wẹ kpari.”

Azaya 63:18

Makẹni ndị nke i e te werigụọ alị nsọ ị ẹkẹrẹ ogẹn, kanị ndị-iṅẹnrẹn ẹnyi nọ nwan bịa d'a zọtịta Ụlọ-nsọ ị.

Jerimaya 23:1

Eje-nsọngbu rị e che ndị-ndu ndị nke m hụn rị e mẹ wẹ a la iwi, a gbayịya. Ya kẹ Osolobuẹ ku.

Jerimaya 25:37

Osolobuẹ k'e tikpọdẹ alị ile te mẹ jụụ — makẹ olulu Osolobuẹ hụn rị a dụn kẹ ọkụn.

Jerimaya 25:38

Ọ ghagụọ ebe o bi pụ nọkẹ ẹwọrọ; alị wẹ k'a gba okpokoro, yeni olulu onyẹ rị e mẹshi wẹ ikẹn, olulu ẹ hụn rị a dụn kẹ ọkụn.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 3:19

“Mmẹ nwẹn, m te sị enwẹn m, ‘Nkẹ ọ sụọka m nị m mẹ ụnụ kẹ ụmụ, ye ụnụ alị rị mma, alị manahịn nke ndị alị ọzọ ile mma.’ M te ro ni ụnụ k'a kpọ m, ‘Baba’; nị ụnụ esọnbehikọ m.

Jerimaya 39:3

Ya kẹ ndị-isi ile eze Babilọnụ zihẹ nọ banhan, weri ọnọdị ẹhụ Ọnụ-mgbọn-Etintinnaị — kẹ Nẹgalụ-Shareza onyẹ Samga kẹ Nẹbo-Sasẹkim hụn rị ndị-isi agha kanị kẹ Nẹgalụ-Shareza hụn rị ndị-isi ọkịkị kẹ ndị-isi ọzọ ile.

Jerimaya 6:3

Ndị-iṅẹnrẹn wẹ k'e duhẹ ndị-agha wẹ lekẹ atụnrụn d'a maye ẹ; wẹ k'e tumẹsọnmẹ ọdụ wẹ ghahunmẹ ẹ, onyẹ-onyẹ lẹ ndị ọ kịha e weri ọnọdị ebe ru ẹ ẹka.”

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Izikẹlụ 34:2

“Nwa-ịhịan, bu amụma, ku ihiẹn k'e mẹ ndị-ndu Izrẹlụ; bu amụma sị wẹ wụ ndị-ndu: Osolobuẹ Nwọn Ihiẹn Ile sị: ‘O k'a jọ ndị-ndu Izrẹlụ njọ, nị enwẹn wẹ sụọ kẹ w'e lepụ ẹnya! Ẹlẹ anụ kẹ ndị e du anụ k'a gha e lepụ ẹnya?

Izikẹlụ 34:5

“ ‘A gbayịya wẹ makẹni onyẹ k'e duni wẹ arịa; eje-anụ ile rị ọfịa hụ e bu wẹ e ri.

Daniẹlụ 8:13

Ya m nọ nụ kẹ onyẹ-nsọ ohu rị e ku oku, onyẹ-nsọ ọzọ nọ sị a, “Nanị ọhụnnị e biehan d'e mẹ — ọhụn ahụn gbashịarịnị ẹjan w'a chụsọnmẹ ụhụọhịn-ụhụọhịn lẹ arụ ahụn k'e buhẹ ntikpọ, lẹzi ọlatọ wẹ k'a latọn'a Ụlọ-nsọ lẹ igunrun ndị nsọ o k'a zọkpụkpọ?”

Zẹkaraya 7:14

E gi m ndị-iṅẹnrẹn feyịya wẹ kẹ okẹn ufere dọn e feyịya ihiẹn, fe wẹ ye alị ndị ọzọ wẹ marịnlẹni. Ẹrịra kẹ alị wẹ dọn gba okpokoro, onwọnzini onyẹ a gha a e jẹn, onwọnzini onyẹ a gha a a la; alị ọma nwẹn nọ gba okpokoro.

Luku 21:14

Kwademẹ ni nwan obi nị ụnụ erotọkọ ihiẹn ụnụ e gi kinrin ọnụ ụnụ.

Rẹvẹleshọnụ 11:2

Ka amalẹ ihun-ezi Ụlọ-NSỌ, hapụ ọhụn makẹni o bugụọ a che ẹka ndị alị ọzọ. Wẹ k'a zọ obodo nsọ hụ ụkụ ọrọgbọ ifọn ẹbụọ kwasị ọgụnnaị.