Jerimaya 11:8 - Ika

⁸ Kanị, egọndẹni wẹ ntịn mọbụ gi ẹ dọn; e mẹsọnmẹ wẹ ihiẹn eje-obi wẹ gwa wẹ. Ya m nọ gi ọnụ-ẹsọn ile rị imẹ nkwerigbama ahụn m butọnị wẹ hụn wẹ dọnmẹlẹni sọn wẹ.’ ”

Jerimaya 11:8 Iomraidhean Croise

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Nehemiah 9:29

“Ị nọ gba wẹ mkpịnsịn ẹka, sị wẹ dọnmẹmẹzi Iwu i; kanị wẹ nọ mẹkarịma enwẹn wẹ, femẹn'i isi, pama iwu i tumẹsọnmẹ hụn o mẹ ni, onyẹ dọnmẹ wẹ, o gi ẹ rị ndụn. Wẹ nọ bọnmẹmẹ gbakitọ ị azụụn; bu isi-ikẹn, jụ n'e gọnkọ wẹ i ntịn.

Jerimaya 13:10

ndị-ejẹni jụ nị egikọ wẹ oku m dọn, ndịnị rị a gba isi-akwanran kẹ eje-obi wẹ dọn gwa wẹ, e sọn mmọn, e fe wẹ, a kụnị wẹ isi-alị, wẹ jẹnkọ d'a nọkẹ nwa-mpeni wiwini nwọnlẹni ihiẹn wẹ k'e gi ẹ mẹ!

Jerimaya 3:17

O ru ogẹn ahụn, wẹ k'a kpọ Jerusalẹm Ukpo-eze Osolobuẹ, alị ile k'a gha e zu imẹ Jerusalẹm ebẹhụ d'e ye ẹfan Osolobuẹ ọghọ. Esọnkọzị wẹ eje-obi wẹ hụn wẹ gi a gba isi-akwanran.

Jerimaya 31:32

Ọ rịkọ kẹ Iwu hụn m tumẹ ẹgbata mmẹ lẹ ndị nẹdi wẹ ogẹn hụ m gi kwọndọn wẹ ẹka, gha alị Ijiptu wepụha wẹ. Ọ nọkọ kẹ nke mbụ hụ, makẹni ndị nẹdi wẹ tikpọ nkwerigbama m, ọsụọn'a nị mmẹ wụ di wẹ.” Ya kẹ Osolobuẹ ku.

Jerimaya 32:23

Wẹ nọ banhan a, weri ẹ. Kanị, egini wẹ oku i dọn, e gini wẹ Iwu i ye wẹ bi: emẹni wẹ ihiẹn ị sị wẹ e mẹ. Ị nọ nwan hu eje-ihiẹnni ile kpu wẹ.

Jerimaya 34:14

‘Ahụa nke ẹsa ọwụlẹ, ụnụ jẹnkọ d'a haturịrị onyẹ Hibru ibe ụnụ ọwụlẹ te re enwẹn ẹ ye ụnụ. Ahụa isin k'o k'e fe i, y'a hatu ẹ n'o weri enwẹn ẹ.’ Kanị, ndị nẹdi ụnụ egọnni m ntịn, efeyedẹni wẹ ẹ ẹnya.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 35:17

“Ufiri ẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, rị nwan a sị, ‘Gọn nị ntịn! M jẹnkọ d'e mẹ alị Juda lẹ ndị ile bi imẹ Jerusalẹm eje-ihiẹn ile m sị nị m jẹnkọ d'e mẹ wẹ. Makẹni kẹ m gwa wẹ oku, egọnni wẹ ntịn; a kpọ m wẹ oku, azanị wẹ.’ ”

Jerimaya 38:20

Jerimaya nọ sị a, “Ewekọ wẹ i ye wẹ. Dodo gọn ntịn ihiẹn Osolobuẹ ku, hụn m rị a gwa ị. Mẹ ẹ kẹni ọ rịn'ị mma, y'a hụn isi.

Jerimaya 44:16

“Ẹnyi e gọnkọdẹ ntịn ihiẹn ahụn ị sị nị ya kẹ Osolobuẹ sị ẹnyi mẹ!

Jerimaya 44:17

Ẹnyi jẹnkọ d'e mẹrịrị ihiẹn ile ẹnyi kwe mmọn nkwa: Ẹnyi k'a chụnyeni mmọn hụ wụ Eze-okpoho Elu-igwee ẹjan — mụyen'ẹ nsẹnsi, tụyen'ẹ manya, kẹ ẹnyi lẹ ndị nẹdi ẹnyi lẹ ndị-nze ẹnyi lẹ ndị-isi ẹnyi dọn mẹ imẹ obodo ndị rị alị Juda lẹ ọgbara-ogbe Jerusalẹm. Ogẹn ahụn kẹ ẹnyi gidẹ nwọn ihiẹn-oriri, ihiẹn hụ a ghanị ẹnyi, onwọnni eje-ihiẹn mẹni ẹnyi.

Jerimaya 44:5

Kanị ndị Jerusalẹm lẹ ndị Juda egọnni ntịn, egini wẹ dọn; akụsịnị wẹ eje-ihiẹn wẹ rị e mẹ; achụnbehini wẹ ẹjan wẹ rị a chụnnị mmọn-lẹ-iyi.

Jerimaya 7:13

Kẹ ụnụ rị e mẹ ihiẹn ndịnị, m hụ a gwa ụnụ ọgụgwa-ọgụgwa, kanị ụnụ egini dọn; a kpọ m ụnụ, ụnụ azanị. Ya kẹ Osolobuẹ ku.

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Izikẹlụ 20:8

“Kanị e nupụnị wẹ m isi, jụ n'e gọnkọ wẹ m ntịn; onwọnni onyẹ kpọnpụ mmọn ndị ahụn rụnị ọ rị e fe, alatọnị wẹ mmọn ndị hụ wẹ rị a rụa alị Ijiptu. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ Ijiptu.

Zẹkaraya 1:4

“Anọkwọlẹ ni kẹ ndị nẹdi ụnụ kanị hụn ndị-amụma mbụ gwa oku, sị, ‘Osolobuẹ ihiẹn ile rị okpuru ẹ sị: Bibehi ni eje-obibi ụnụ rị e bi, ụnụ e mẹbehi eje-ihiẹn ụnụ rị e mẹ.’ Kanị, anụnị we, emẹni wẹ ihiẹn m sị wẹ mẹ. Ya kẹ Osolobuẹ ihiẹn ile rị okpuru ẹ ku.

Zẹkaraya 7:11

Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;