Jerimaya 11:21 - Ika

²¹ Lee nwan ihiẹn mmẹ wụ Osolobuẹ ku banyeni ndị obodo Anatọtụ rị a chọ ị ogbugbu, a sị ị, “Kubehi oku-Osolobuẹ ị rị e ku, amamgbe ẹnyi e gi ẹka gbu i.”

Jerimaya 11:21 Iomraidhean Croise

Azaya 30:10

Wẹ sị ndị a hụn ụzọ, “Hụnbehi ni ọhụn ndị ahụn!” Wẹ sị ndị-amụma, “Gwabehi ni ẹnyi ezioku! Gwama nị ẹnyi ihiẹn ẹnyi chọ nị ẹnyi nụ — bumẹdẹ ni amụma-ntụ.

Jerimaya 1:1

Ọnwan wụ ihiẹn Jerimaya nwa Hil'kia de. Jerimaya wụ onyẹ ohu imẹ ndị-amụma rị obodo Anatọtụ alị Bẹnjamini.

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 20:10

M hụ a nụ kẹ ndị bu ọda rị a ka-ụka: a kpọ m ‘Ihiẹn-egun E Jun Azụụn ile!’ A sị ‘Kpe n'ẹ! Nị ẹnyi kpe n'ẹ!’ Ndị ile m kpọ ndị ọwụ m hụzịdẹ nwan e che nị m dan. Wẹ hụ a sị, ‘Ikẹnkwọ nị ẹnyi s'ẹka rẹrẹrị a — ẹka ẹnyi a karị nke ẹ, ẹnyi a hụn ụzọ mẹgwarị a.’

Jerimaya 26:8

Hụn Jerimaya gihụ kugụ ihiẹn ile Osolobuẹ sị a gwa ịhịan ile rị ebahụn, ndị nchụn-ẹjan lẹ ndị-amụma lẹ ndị ọzọ ile rị ebẹhụ nọ kwọndọn ẹ, sị a, “I k'a nwụnrịrị!

Jerimaya 32:7

Hanamẹlụ nwa Shalum nwẹnẹ nẹdi i lala d'a hụn ị. O k'a sị ị, ‘Dodo, ṅọnnarịn m alị m rị Anatọtụ, nị ịyụ k'o ru kẹn'ọ rịsọnmẹ ebọn ẹnyi kẹ iwu dọn ku.’ ”

Jerimaya 34:20

m k'e we wẹ ye ndị iṅẹnrẹn wẹ chọkọ isi wẹ; ozun wẹ a wụrụ ihiẹn-oriri nnụnụ lẹ anụ-ọfịa.

Emọsụ 2:12

“Kanị, ụnụ e mẹ ndị-nazịraịtị m ra manya m sị wẹ sọ, ụnụ a jụgbọ ndị-amụma, sị wẹ, ‘Ebukwọlẹ ni amụma!’

Maịka 7:6

Makẹni, okẹnnyẹ rị nwan e legberi nẹdi ẹ; okpoho rị e bu a nụmanị nnẹ mụn'a; nwunyẹ-nwa rị e bu a nụmanị nnẹ-di ẹ; ndị rị ikpụlọ ịhịan wụ nwan ndị iṅẹnrẹn ẹ.

Matiu 10:21

“Nwẹnẹ k'e we nwẹnẹ ye wẹ gbu; nẹdi k'e we nwa a ye wẹ gbu; ụmụ k'e bunụmanị ndị mụnị wẹ, mẹ wẹ gbu wẹ.

Matiu 21:35

Ndị hụ ugbo hụ rị ẹka nọ kwọndọn idibo ẹ, gbu onyẹ ohu ili, gbu onyẹ ohu ozun, ma onyẹ ohu ọmụma.

Matiu 22:6

ndị họdụnị nọ nwụnrụn ndị idibo ẹ, gbe ifẹnrẹn ye wẹ ihun, gbu wẹ.

Luku 4:24

M rị a gwa ụnụ ezioku, w'a ra nabanhan onyẹ-amụma imẹ alị a.