Jerimaya 11:17 - Ika

¹⁷ Osolobuẹ ihiẹn ile rị okpuru ẹ, hụn kụnn'ị e kugụọ a nwan nị okẹn-ihiẹn k'e mẹ i, makẹni ụnụ ndị Izrẹlụ lẹ Juda e mẹgụọ eje-ihiẹn, kpasu m iwe yeni nsẹnsi ụnụ rị a mụyeni mmọn wụ Baalụ.

Jerimaya 11:17 Iomraidhean Croise

Samuẹlụ Nke Ẹbụọ 7:10

M k'e ye ndị nke m wụ Izrẹlụ ebe sikọ d'a wụ nke wẹ, kụn wẹ ye nị wẹ nwọnrin ebe obibi ẹka wẹ — e yebehi wẹ wẹ nsọngbu. Eje-ndị abịangbukọzị wẹ kẹ wẹ dọn mẹ isi-ibuzọ

Ihiẹn Mẹni Nke Ẹbụọ 28:25

Ọ tụnsọnmẹ ebe jẹn elu imẹ obodo ile rị Juda kẹni w'a nọ wẹ a chụnnị mmọn ichẹn-ichẹn ẹjan wẹ gi ọkụn a chụn; ọ nọ gi ẹ kpasu Osolobuẹ wụ Chuku ndị nẹdi ẹ iwe.

Ẹbụ-ọma 44:2

kẹ ị dọn gi ẹka ị chụpụ ndị alị ichẹn-ichẹn, gbọ wẹ nwẹn ye; k'i dọn mẹshi alị ndị ahụn ikẹn, mẹ n'ọ rịnị Izrẹlụ mma.

Ẹbụ-ọma 80:15

vaịnịnị i gi ẹka ị gbọma, vaịnịnị nọ kẹ nwa i mẹ n'o zeni i!

Ẹbụ-ọma 80:8

Ẹnyi wụ vaịnị hụn ị gha Ijiptu wepụha, ị nọ chụpụ ndị alị ọzọ rị ichẹn-ichẹn gbọ ẹnyi ye.

Azaya 5:2

Ọ dụkpọ alị a, kpọnpụchanrịn ọmụma junn'ẹ, gbọ ezigbo vaịnị ye ẹ. Ọ tụn ụlọ-nche ye imẹ ẹ, nọzịkwọ ọmụma rị alị tụ ebe wẹ nọ a pịnpụha manya vaịnị. Ọ nọ tụma ẹnya ogbe vaịnị rị mma, kanị ọ mịn'a vaịnị rịlẹni mma.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Jerimaya 1:14

Ya kẹ Osolobuẹ nọ sị m, “Wẹ k'a gha ẹbamịn-ugu hu ntikpọ kpu ndị ile rị alịnị.

Jerimaya 11:11

Ya haịn Osolobuẹ gi nwan rị a sị, ‘M jẹnkọ d'e mẹ wẹ tikpọ wẹ hụn wẹ jẹnkọlẹni d'a s'ẹka wanahịn. Ọsụọn'a wẹ kwanghọsị m, egọnkọ m wẹ ntịn.

Jerimaya 11:13

ẹghẹẹ, Juda e nwọngụọ mmọn buhan ọda kẹ obodo ndị rị imẹ Juda, kanị o yekọnị wẹ ẹka ụhụọhịn hụ; ụnụ ndị Juda e tumẹringụọ ukpo-mmọn bu ọda kẹ ọgbara-ogbe rị imẹ Jerusalẹm han, a nọ wẹ a mụye nsẹnsi a rụa ihiẹn ifẹnrẹn ahụn wụ Baalụ.’

Jerimaya 12:2

Ịyụ kụn wẹ, a gba wẹ mkpọgụn; e sue wẹ, mị mkpụrụ. Ogẹn ile kẹ wẹ gi e ku oku i, kanị o runi wẹ alị ẹfọ.

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 18:8

nị ndị ahụn m gwa oku e bihutọ ẹka, latọ eje-ihiẹn wẹ rị e mẹ, mmẹ nwẹn sikọ d'e rohutọ, emẹkọzị m wẹ ihiẹn m te sị nị m k'e mẹ wẹ.

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 2:21

Mmẹ te kụn ị ye alịnị nọkẹ vaịnị rị ichẹn, hụn wụchanrịn ezigbo ẹ. Nanị k'i dọnzi nwan la m iwi nọkẹ vaịnị-ọfịa rehini?

Jerimaya 24:6

M sikọ d'e lepụ wẹ ẹnya ọhụnma ebẹhụ. M k'e wekinhẹnzi wẹ ebeni. M k'a tụnshi wẹ elu, ẹlẹ m k'a kụtu wẹ; m k'a kụn wẹ, ehuepụkọ m wẹ.

Jerimaya 26:13

Ka bihutọ nị nwan ẹka, mẹbehi eje-ihiẹn; gọn ni Osolobuẹ wụ Chuku ụnụ ntịn, kẹni Osolobuẹ rohutọ, latọ ihiẹn ọ sị o k'e mẹ ụnụ.

Jerimaya 26:19

“Eze wụ Hezikaya lẹ ndị Juda ile e gbughọ a? Hezikaya atụnị egun Osolobuẹ? Ọ nọ rịọ Osolobuẹ n'o mẹ omikẹn wẹ, ẹlẹ ya? Osolobuẹ erohutọnị, latọ ihiẹn ọ sị o k'e mẹ wẹ? Ẹnyi nwẹn e d'e buhẹkwọnị enwẹn ẹnyi nsọngbu!”

Jerimaya 32:29

Ndị Babilọnụnị rị ụsụọ a maye obodoni ọgụn jẹnkọ nwan d'a banhan imẹ ẹ. Wẹ k'a mụ ọkụn ye ẹ, kpọ a ọkụn — ya lẹ ụlọ ndị rịn'a hụn ndị obodoni nọ elu wẹ mụye ni mmọn wụ Baalụ nsẹnsi, tụyesọnmẹni mmọn ichẹn-ichẹn manya, hụn wẹ gisọnmẹ kpasu m iwe.”

Jerimaya 32:30

“Ihiẹn rịlẹni mma ẹnya m sụọ kẹ ndị Izrẹlụ lẹ ndị Juda e mẹ gha alị lala; iwe-iwe kẹ wẹ gi ihiẹn ẹka wẹ mẹmẹ a kpasu m. Ya kẹ Osolobuẹ ku.

Jerimaya 35:17

“Ufiri ẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, rị nwan a sị, ‘Gọn nị ntịn! M jẹnkọ d'e mẹ alị Juda lẹ ndị ile bi imẹ Jerusalẹm eje-ihiẹn ile m sị nị m jẹnkọ d'e mẹ wẹ. Makẹni kẹ m gwa wẹ oku, egọnni wẹ ntịn; a kpọ m wẹ oku, azanị wẹ.’ ”

Jerimaya 36:7

Ikẹnkwọ nị wẹ rịọghọ Osolobuẹ n'ọ gbagharị wẹ, onyẹ-onyẹ a latọ eje-obibi ẹ, makẹni Osolobuẹ e kugụọkwọ a n'o k'e gi okẹn iwe lẹ okẹn-ọnụma mẹshi ndịnị ikẹn.”

Jerimaya 40:2

Ogẹn onyẹ hụ kị ndị-agha e che eze Babilọnụ nche gi hụn Jerimaya, ọ nọ weri ẹ shi ụsụọ, sị a, “Osolobuẹ wụ Chuku i ku ẹ n'o k'e wẹhẹni alịnị eje-ihiẹn.

Jerimaya 40:3

Osolobuẹ e mẹgụọ a nwan; o mẹgụọ ihiẹn ọ sị n'o k'e mẹ. Njọ ụnụ mẹ Osolobuẹ haịn ihiẹnni ile gi mẹ ụnụ; ụnụ emẹni ihiẹn ọ gwa ụnụ mẹ.

Jerimaya 42:10

Omẹni ụnụ e rohutọ, nọdị alịnị, m sikọ d'a gọzi ụnụ; m k'a tụn ụnụ kẹ ụlọ, etikpọkọ m ụnụ; m k'a gbọma ụnụ, ehuepụkọ m ụnụ — makẹni ọ fụka m nị m mẹ ụnụ ihiẹnni ile m mẹ ụnụ.

Jerimaya 44:5

Kanị ndị Jerusalẹm lẹ ndị Juda egọnni ntịn, egini wẹ dọn; akụsịnị wẹ eje-ihiẹn wẹ rị e mẹ; achụnbehini wẹ ẹjan wẹ rị a chụnnị mmọn-lẹ-iyi.

Jerimaya 44:8

Kị ụnụ rịzị nwan e gini ihiẹn ụnụ gi ẹka ụnụ mẹmẹ a kpasu m iwe? A mụye nsẹnsi e gi a rụa mmọn-lẹ-iyi rị alị Ijiptu ụnụ bịa d'e biri. Ụnụ jẹnkọ tan d'e gi ẹ tikpọ enwẹn ụnụ. Ogẹn ahụn, ụnụ e họnrin ihiẹn wẹ gi a bụ ọnụ lẹ ihiẹn-ifẹnrẹn ẹnya ndị alị ndị ọzọ ile rị elu-ụwa.

Jerimaya 45:4

“ ‘Osolobuẹ sị: Gwa Baruku nị mmẹ wụ Osolobuẹ sị: M jẹnkọ nwan d'e tikpọ ihiẹn m tụn imẹ alịnị ile, huepụ ihiẹn m kụn.

Jerimaya 7:18

Ụmụẹka kpashimẹ ọkụn, ndị nẹdi wẹ a mụye ọkụn, ikpoho e shi ihiẹn-oriri wẹ gi a rụa mmọn wẹ w'a kpọ ‘Eze-okpoho Elu-igwee.’ Wẹ hụ a tụ manya e yeni mmọn ichẹn-ichẹn, e gi ẹ a kpasu m iwe.

Jerimaya 7:9

“Ụnụ hụ e zun ohin, e gbu ịhịan, a na ibe ụnụ nwunyẹ — a zọ ụkụ e ye ọfịa, e kun ẹfan m bụ ntụ kẹ ụnụ rị a tụ, a mụyeni Baalụ nsẹnsi, e sọn mmọn-lẹ-iyi ụnụ marịnlẹni mbụ.

Izikẹlụ 17:5

“ ‘O weri mkpụrụ ohu rị alị wẹ; ọ kụn a ye ugbo; ọ kụn a ye ugbo rị mkpẹnrẹn mirin, nọkẹ akasị-mirin.

Hosia 10:1

Izrẹlụ Ẹbamịn-ugu wụ osisi vaịnị duni rị a mị mkpụrụ a. Kanị, wẹ gha a mịwaye mkpụrụ, wẹ hụ a tụnwaye ukpo mmọn! Alị wẹ gha a ghawaye ihun, wẹ hụ e zuyewaye ihiẹn-mmọn ka mma.