Jerimaya 11:16 - Ika

¹⁶ Mmẹ wụ Osolobuẹ te kpọ ị osisi-olivu duni, hụn mkpụrụ a a la ẹnya. Kanị okẹn ẹbi sikọ nwan d'a kpọ ị, bi ọkụn ye i, agalaba ị a dụnpụ ọkụn.

Jerimaya 11:16 Iomraidhean Croise

Jobu 8:16

Ọ nọhụ kẹ ihiẹn-akụnkụn wẹ gba mirin ọhụnma, hụn anwụn rị a ma ọhụnma, rị a washi agalaba azụụn ile imẹ ugbo;

Ẹbụ-ọma 52:8

Mmẹ nwẹn k'a rị Ụlọ Chuku, e du kẹ osisi-olivu; ihiẹn-ọsụsụọ Chuku nwọnni ndị nke ẹ kẹ m'e gi dọn ẹnya jẹnrin ejẹn.

Ẹbụ-ọma 80:16

E bigụọ wẹ ọkụn ye ẹ; e gbutugụọ w'a! Ndị nke i hụ a la iwi yeni ihiẹnni ile i gi a jụgbọ wẹ!

Ẹbụ-ọma 80:17

Dodo, gi nwan ẹka-nni i kwọndọn onyẹ ahụn ị họrị, onyẹ ahụn i mẹ n'ọ kanị ị ẹhụ.

Ẹbụ-ọma 83:2

E lee ndị-iṅẹnrẹn i kẹ wẹ rị a ban mban; ndị e we iwe i a kpamakwọ ikẹn!

Azaya 27:11

Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Jerimaya 2:21

Mmẹ te kụn ị ye alịnị nọkẹ vaịnị rị ichẹn, hụn wụchanrịn ezigbo ẹ. Nanị k'i dọnzi nwan la m iwi nọkẹ vaịnị-ọfịa rehini?

Jerimaya 21:14

Kanị, m jẹnkọ d'e ye ụnụ afụnfụn ihiẹn ụnụ mẹ. Mmẹ wụ Osolobuẹ ku ẹ. M k'a mụ ọkụn ye ẹgboko ụnụ hụ, ọkụn hụn k'a dụnpụ ihiẹn ile rị ebe ụnụ rị.’ ”

Jerimaya 7:20

Ufiri ẹ, Di-nwọnni-ẹnyi wụ Osolobuẹ sị, ‘M k'e gi okẹn olulu mẹ alịnị ihiẹn — kẹ ịhịan kẹ anụ kẹ osisi rị ọfịa kẹ ihiẹn gha alị pupụha; o k'a dụn kẹ ọkụn, ọ dụbehikọ.’

Hosia 14:6

Wẹ k'a wasọnmẹ agala ụzọ ile, ma mma kẹ osisi olivu, e kun fuẹin rịkẹ ẹgboko Lẹbanọnụ.

Matiu 3:10

Anyụn rị nwan ukun osisi, e che: osisi ọwụlẹ mịlẹni ezigbo mkpụrụ, e gbutu w'ẹ tụye ọkụn.

Jọnụ 15:6

Onyẹ nọdịlẹni imẹ m, e tuhu w'ẹ, nọkẹ ebe wẹ nọ bepụ agalaba, ọ kpọpụ nkụn; w'e kpọngbama agalaba ndị nọ ẹrịra, e kpọnye ọkụn, a dụnpụ.

Ditrọnọmi 28:40

Olivu k'e jun alị ụnụ ile, kanị ụnụ ahụnkọ ofigbọn-olivu gi mẹ ihiẹn ọwụlẹ, makẹni olivu ndị ahụn k'e dan ifie.

Rẹvẹleshọnụ 11:4

Ndị ọshẹrini kẹ osisi olivu ẹbụọ lẹ obu-ukpẹ ẹbụọ hụ rị ihun Onyẹ-nwọn ụwa ile rị a ghọsị.