Jerimaya 11:13 - Ika

¹³ ẹghẹẹ, Juda e nwọngụọ mmọn buhan ọda kẹ obodo ndị rị imẹ Juda, kanị o yekọnị wẹ ẹka ụhụọhịn hụ; ụnụ ndị Juda e tumẹringụọ ukpo-mmọn bu ọda kẹ ọgbara-ogbe rị imẹ Jerusalẹm han, a nọ wẹ a mụye nsẹnsi a rụa ihiẹn ifẹnrẹn ahụn wụ Baalụ.’

Jerimaya 11:13 Iomraidhean Croise

Ndị-nze Nke Ẹbụọ 23:13

Eze nọzị mẹrụsọnmẹ ebe jẹnsọnmẹ elu wẹ nọ a rụa mmọn nkọ ọwụwa ẹnyanwụn Jerusalẹm, nkọ ọdịdan ẹnyanwụn Ugu-Ụrụ, ndị hụ Solomọnụ wụ eze Izrẹlụ tụnnị onyẹnnyẹ-mmọn Ash'ta hụn wụ ụrụ ndị Sidọnụ e fe lẹ hụn ọ tụnnị Kẹmọshi hụn wụ ụrụ ndị Mụabụ e fe lẹ hụn ọ tụnnị Molẹkị hụn wụ ụrụ ndị Amọnụ e fe.

Ihiẹn Mẹni Nke Ẹbụọ 28:25

Ọ tụnsọnmẹ ebe jẹn elu imẹ obodo ile rị Juda kẹni w'a nọ wẹ a chụnnị mmọn ichẹn-ichẹn ẹjan wẹ gi ọkụn a chụn; ọ nọ gi ẹ kpasu Osolobuẹ wụ Chuku ndị nẹdi ẹ iwe.

Azaya 2:8

Alị wẹ wụ mmọn-lẹ-iyi mmọn-lẹ-iyi; wẹ hụ a kụnị ọrụn-ẹka wẹ isi alị, e fe ihiẹn ẹka wẹ mẹmẹ,

Jerimaya 11:17

Osolobuẹ ihiẹn ile rị okpuru ẹ, hụn kụnn'ị e kugụọ a nwan nị okẹn-ihiẹn k'e mẹ i, makẹni ụnụ ndị Izrẹlụ lẹ Juda e mẹgụọ eje-ihiẹn, kpasu m iwe yeni nsẹnsi ụnụ rị a mụyeni mmọn wụ Baalụ.

Jerimaya 17:1

Osolobuẹ sị, “Igwe kẹ wẹ gi de njọ ndị Juda ye obi wẹ, ọmụma zegbu enwẹn ẹ kẹ wẹ gi de ẹ — ye wẹ akpobi lẹ mpịn rịsọnmẹ ukpo nchụn-ẹjan wẹ.

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 19:4

M k'e mẹ ẹ makẹni ndịnị a gbakitọgụọ m azụụn, mẹrụ ebeni. A nọgụọ wẹ imẹ ẹ chụnyesọnmẹni mmọn ndị alị ọzọ rị ichẹn-ichẹn ẹjan nsẹnsi — mmọn ndị wẹ lẹ ndị nẹdi wẹ lẹ ndị-nze alị Juda marịnlẹni. E mẹgụọ wẹ ẹdeke ndị nwọnlẹni ihiẹn wẹ mẹ jun ebeni yeni ẹjan wẹ rị e gi wẹ a chụn.

Jerimaya 19:5

A tụnsọnmẹgụọ wẹ ukpo wẹ nọ a rụa Baalụ, a nọ imẹ wẹ a kpọ ụmụ wẹ ọkụn, gi chụnyeni Baalụ ẹjan. Onwọnni ogẹn m gi sị wẹ mẹ ihiẹn nọ ẹnịna mọbụ kud'ẹ oku ẹ; uche m a gbatudẹn'ẹ.

Jerimaya 2:28

Ebe mmọn ndị ahụn ụnụ mẹmẹrin rịzị nwan? Wẹ bịa nwan, omẹni wẹ sa ẹka zụọpụha ụnụ imẹ nsọngbu! Ẹghẹẹ, y'e nwọnghọ mmọn bu ọda, Juda — mmọn buhan ọda kẹ obodo ndị rị imẹ i!”

Jerimaya 3:24

Gha alị lala, ihiẹn ifẹnrẹn ndịnị ẹnyi e fe e richanrịngụọ ihiẹn ile ndị nẹdi ẹnyi wẹ rụn — kẹ atụnrụn kẹ efin, kẹ mmụ ikẹnnyẹ lẹ ikpoho.

Jerimaya 3:25

Nị ẹnyi gi ifẹnrẹn ihiẹn ẹnyi mẹ dan alị, nị ẹnyi nị ifẹnrẹn ihiẹn ẹnyi mẹ ru ẹnyi ẹhụ. Ẹnyi e mẹgụọ Osolobuẹ wụ Chuku ẹnyi njọ — kẹ ẹnyi kẹ ndị nẹdi ẹnyi; ghakwọrị ebe ẹnyi rị nwata d'e ru tannị, ẹnyi e ara humẹni Osolobuẹ wụ Chuku ẹnyi isi.”

Jerimaya 32:35

A tụnsọnmẹ wẹ ukpo wẹ nọ a rụa Baalụ ye imẹ Ọdanmgbugbu Bẹn-Hinọm, a nọ ebẹhụ e gi ụmụ wẹ ikẹnnyẹ lẹ ikpoho a chụnyeni mmọn wụ Molẹkị ẹjan — bụ ezini m wẹ, obi m eshitudẹni izi wẹ d'e mẹ arụ nọ ẹnịna; wẹ nọ gi ẹ dọ Juda ye imẹ njọ.

Jerimaya 44:21

“Ụnụ amarịn nị ịya kẹ Osolobuẹ nyanhan mẹ ụnụ ihiẹn? Nị nsẹnsi ile ụnụ lẹ ndị nẹdi ụnụ mụye lẹ hụn ndị-nze ụnụ lẹ ndị-isi ụnụ lẹ ndị alị Juda ile mụye imẹ obodo ndị rị alị Juda lẹ ọgbara-ogbe Jerusalẹm k'ọ nyanhan mẹ ụnụ ya?

Jerimaya 44:5

Kanị ndị Jerusalẹm lẹ ndị Juda egọnni ntịn, egini wẹ dọn; akụsịnị wẹ eje-ihiẹn wẹ rị e mẹ; achụnbehini wẹ ẹjan wẹ rị a chụnnị mmọn-lẹ-iyi.

Jerimaya 48:35

M k'e gbuchanrịn ndị ile a chụn ẹjan imẹ ụlọ-mmọn ndị ahụn, ndị a mụyeni mmọn ndị ahụn wẹ rị e fe nsẹnsi. Mmẹ wụ Osolobuẹ ku ẹ.

Jerimaya 7:9

“Ụnụ hụ e zun ohin, e gbu ịhịan, a na ibe ụnụ nwunyẹ — a zọ ụkụ e ye ọfịa, e kun ẹfan m bụ ntụ kẹ ụnụ rị a tụ, a mụyeni Baalụ nsẹnsi, e sọn mmọn-lẹ-iyi ụnụ marịnlẹni mbụ.

Izikẹlụ 16:24

ị nọ rụnrụn ụlọ-mmọn, tụnsọnmẹ ebe wẹ nọ a rụa mmọn ebe ile alị n'e zu.

Hosia 10:1

Izrẹlụ Ẹbamịn-ugu wụ osisi vaịnị duni rị a mị mkpụrụ a. Kanị, wẹ gha a mịwaye mkpụrụ, wẹ hụ a tụnwaye ukpo mmọn! Alị wẹ gha a ghawaye ihun, wẹ hụ e zuyewaye ihiẹn-mmọn ka mma.

Hosia 12:11

O mẹ nwan nị njọ rị a kpọ imẹ Gilẹdị; ndị Gilẹdị a lagụọ iwi; imẹ Gil'galụ zị wẹ rị e gi okẹn-efin a chụnyeni mmọn ẹjan — m k'a kụtuzịkwọ ukpo nchụn-ẹjan ndị ahụn, a nọsọnmẹ wẹ kẹ ikpọn ọmụma rị ugbo wẹ rụn nke ọhụn.”

Hosia 9:10

Osolobuẹ sị, “Kẹ m bu ụzọ hụn Izrẹlụ, ọ nọ kẹ ogbe vaịnị ịhịan hụn alị mirin rịlẹni; kẹ m bu ụzọ hụn ndị nẹdi ụnụ, ọ sụọghọ m kẹ mkpụrụ-osisi figi ibuzọ channị. Kanị e femẹ wẹ Baalụ-Pioru, we enwẹn wẹ kwanị ihiẹn ifẹnrẹn hụ, wẹ lẹ enwẹn wẹ nọ họnrin ihiẹn rụnị nọkẹ ihiẹn ahụn sụọnị wẹ!