Jerimaya 11:10 - Ika

¹⁰ E mẹmẹzi wẹ njọ ndị nẹdi wẹ kanị hụn kwelẹni gi oku m dọn mẹ. E sọnringụọ wẹ mmọn ndị ọzọ, femẹ wẹ. Kẹ ndị Izrẹlụ kẹ ndị Juda a latọgụọ nkwerigbama mmẹ lẹ ndị nẹdi wẹ kanị kwerigbama.

Jerimaya 11:10 Iomraidhean Croise

Ẹbụ-ọma 78:57

Kama, a gha wẹ ụzọ a pụ, gi aghịghọ sọn ẹ kẹ ndị nẹdi wẹ dọn mẹ, mẹ kẹ ụta zinrinlẹni.

Azaya 24:5

Ndị bi elu ụwa e mẹrụchanrịngụọ ụwa; a dangụọ wẹ iwu ndị wẹ ye wẹ, e sọnni wẹ uhi wẹ yini wẹ; e tikpọ wẹ nkwerigbama itẹbitẹ Osolobuẹ.

Jerimaya 13:10

ndị-ejẹni jụ nị egikọ wẹ oku m dọn, ndịnị rị a gba isi-akwanran kẹ eje-obi wẹ dọn gwa wẹ, e sọn mmọn, e fe wẹ, a kụnị wẹ isi-alị, wẹ jẹnkọ d'a nọkẹ nwa-mpeni wiwini nwọnlẹni ihiẹn wẹ k'e gi ẹ mẹ!

Jerimaya 17:23

Kanị ndị nẹdi ụnụ egọnni ntịn, achọdẹni wẹ nị wẹ nụ; e busọnmẹ wẹ isi-ikẹn, jụ n'e gọnkọ wẹ ntịn mọbụ gi ẹ bihutọ ẹka.

Jerimaya 22:9

Ihiẹn wẹ k'a shịarị wụ, ‘Makẹni wẹ latọ Iwu Osolobuẹ wụ Chuku wẹ tumẹni wẹ, fesọnmẹ mmọn-lẹ-iyi, a rụa wẹ.’ ”

Jerimaya 31:32

Ọ rịkọ kẹ Iwu hụn m tumẹ ẹgbata mmẹ lẹ ndị nẹdi wẹ ogẹn hụ m gi kwọndọn wẹ ẹka, gha alị Ijiptu wepụha wẹ. Ọ nọkọ kẹ nke mbụ hụ, makẹni ndị nẹdi wẹ tikpọ nkwerigbama m, ọsụọn'a nị mmẹ wụ di wẹ.” Ya kẹ Osolobuẹ ku.

Jerimaya 44:16

“Ẹnyi e gọnkọdẹ ntịn ihiẹn ahụn ị sị nị ya kẹ Osolobuẹ sị ẹnyi mẹ!

Jerimaya 44:5

Kanị ndị Jerusalẹm lẹ ndị Juda egọnni ntịn, egini wẹ dọn; akụsịnị wẹ eje-ihiẹn wẹ rị e mẹ; achụnbehini wẹ ẹjan wẹ rị a chụnnị mmọn-lẹ-iyi.

Jerimaya 7:28

Sị wẹ nwan: Ọnwan wụ alị hụn jụ n'o mẹkọ ihiẹn Osolobuẹ wụ Chuku wẹ sị wẹ mẹ; ihiẹn ile o mẹ wẹ, egini w'ẹ bihutọ ẹka. Ezioku a lagụọ, ọ rịzịdẹ wẹ ụgb'ọnụ.

Jerimaya 9:6

Ndị yụ lẹ wẹ bi ẹlẹkwọ ndị w'e gi dọn ẹnya; obibi wẹ anịnị wẹ marịn m.” Ya kẹ Osolobuẹ ku.

Izikẹlụ 16:59

“ ‘Osolobuẹ Nwọn Ihiẹn Ile sị: M k'e ye i afụnfụn han kẹ ihiẹn i mẹ, ịyụ hụn lelịa Ẹfan m i kun, tikpọ nkwa hụn i gi Ẹfan m kwe.

Izikẹlụ 44:7

ndị alị ọzọ hụn kwalẹni ugun ẹhụ lẹ obi ụnụ webanhan ụlọ-nsọ m, gi ẹ mẹrụ ebe rị m nsọ ebe ụnụ rị a chụnyeni m ẹjan, ebe ụnụ rị e buye m ihiẹn-oriri m lẹ ụtọrọ lẹ ẹdeke. Ụnụ e tikpọgụọ nkwerigbama m rị ẹgbata mmẹ lẹ ụnụ ghahanị arụ ile ụnụ rị e mẹ.

Izikẹlụ 5:6

Kanị, Jerusalẹm e nupụgụọ isi okpuru iwu m, mẹkarị alị ndị ọzọ njọ, dan iwu m karị alị ndị ile nọkunmẹn'ẹ — makẹni ndị Jerusalẹm a jụgụọ iwu ile m ye wẹ, egini wẹ wẹ bi.

Hosia 6:4

Kanị Osolobuẹ sị, “Euu, ndị Ifrem, kẹ m k'e gi ụnụ mẹ?! Euu, ndị Juda, kẹ m k'e gi ụnụ mẹ? Ihiẹn m ara sụọbie ụnụ kaka ihiẹn-ọsụsụọ ụnụ nọhụ kẹ igirigi ụtụntụn wẹ ghalẹni e gi e dọn ẹnya, igirigi ụtụntụn hụn ghalẹni a tọ kaka akpụ-ohu.

Hosia 6:7

Kanị, e mẹgụọ wẹ kẹ Adam tikpọ nkwerigbama mmẹ lẹ wẹ, e gigụọ wẹ ghẹrẹ-ghẹrẹ-ghẹrẹ sọn m.

Hosia 7:16

Ẹnya rị wẹ ụzọ ile mmanị elu-igwee; wẹ nọ kẹ ụta rịlẹni mma; ọpịa-agha k'e gbu ndị-isi wẹ yeni mkpari ile rị wẹ ọnụ. “Wẹ k'e gi ihiẹnni mụ wẹ ẹmụ imẹ Ijiptu.

Lẹvitikọsụ 26:15

nị ụnụ a jụ iwu ndị hụ m ye ụnụ, jụ uhi m yisọnmẹ, jụ nị ụnụ e mẹkọ ihiẹn ndị hụ ile m sị ụnụ mẹ, gi ẹrịra tikpọ nkwerigbama m tumẹ ẹgbata mmẹ lẹ ụnụ,

Zẹfanaya 1:6

uwẹ lẹ ndị hụ ghazịlẹni e sọn Osolobuẹ — ndị ghazịlẹni a nọkunmẹ ẹ mọbụ a jụ a uche ẹ.”

Zẹkaraya 1:4

“Anọkwọlẹ ni kẹ ndị nẹdi ụnụ kanị hụn ndị-amụma mbụ gwa oku, sị, ‘Osolobuẹ ihiẹn ile rị okpuru ẹ sị: Bibehi ni eje-obibi ụnụ rị e bi, ụnụ e mẹbehi eje-ihiẹn ụnụ rị e mẹ.’ Kanị, anụnị we, emẹni wẹ ihiẹn m sị wẹ mẹ. Ya kẹ Osolobuẹ ihiẹn ile rị okpuru ẹ ku.

Zẹkaraya 7:11

Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;

Zẹkaraya 7:13

Ebe o mẹni azanị wẹ m kẹ m kpọ wẹ oku, a kpọ wẹ m, m nọ jụ n'a zakọ m wẹ. Ya kẹ mmẹ wụ Osolobuẹ ihiẹn ile rị okpuru ẹ ku.

Ditrọnọmi 31:16

Osolobuẹ nọ sị Mozizi, “Y'e d'a nwụnhụn laburu ndị nẹdi i wẹ. Ị pụgụ, o biekọ ndịnị e we enwẹn wẹ ye kẹ ịgbaraja, kwamanị mmọn-lẹ-iyi alị ahụn wẹ banyekọ. Wẹ jẹnkọ d'a la m tọ, tikpọ Iwu m hụn kwọngbama mmẹ lẹ wẹ.

Ditrọnọmi 9:7

Nyanhan nị, azọkwọlẹ ni, kẹ ụnụ dọn kpasu Osolobuẹ wụ Chuku ụnụ iwe imẹ atụ. Gha ụhụọhịn ụnụ gha Ijiptu pụha d'e ru hụnnị ụnụ ru ebeni, isi-isi kẹ ụnụ rị e nupụnị Osolobuẹ.

Hibru 8:9

ọ nọkọ kẹ nkwerigbama hụ rị ẹgbata mmẹ lẹ ndị nẹdi wẹ kanị, ogẹn hụ m kwọndọn wẹ ẹka gha alị Ijiptu dupụha wẹ. Makẹni edọnmẹni wẹ nkwerigbama m, ịya haịn m gi wepụ wẹ ẹnya.’ Ya kẹ Di-nwọnni-ẹnyi ku.

Ndị Han Eṅẹn 2:11

Ndị Izrẹlụ nọ mẹ ihiẹn rịlẹni mma ẹnya Osolobuẹ, fe mmọn Baalụ.

Ndị Han Eṅẹn 2:17

Kanị, ndị Izrẹlụ egọnkọ ndị ahụn hannị wẹ eṅẹn ntịn, makẹni e wezi wẹ enwẹn wẹ kwanị mmọn-lẹ-iyi rị nọkẹ ịgbaraja, a kụnị wẹ isi-alị. A latọkẹnrinkẹ wẹ ụzọ ndị nẹdi wẹ hụn dọnmẹ iwu Osolobuẹ gha; emẹni w'ẹ.

Ndị Han Eṅẹn 2:19

Kanị onyẹ-ndu hụ nwụnhụn, ndị Izrẹlụ e bimẹzi obibi kadẹ nke ndị mbụ a rụ, sọnmẹ mmọn-lẹ-iyi, femẹ wẹ, kụmanị wẹ isi alị. Ekweni wẹ latọ eje-ihiẹn wẹ rị e mẹ lẹ isi-akwanran wẹ rị a gba.

Samuẹlụ Nke Ibuzọ 15:11

“Ọ fụka m nị m tumẹ Sọlụ eze, makẹni ọ gbakitọgụọ m azụụn; o mẹni ihiẹn m sị a mẹ.” Ihiẹnni nọ fụ Samuẹlụ, ọ nọ kwanghọsị Osolobuẹ uhinhin hụ ile.