Jerimaya 10:9 - Ika

⁹ Wẹ weri siliva alị Tashishi wẹ tipịagụ, e weri wẹ goru alị Ufazị; onyẹ-nka lẹ onyẹ a kpụ goru mẹmẹgụ a, e yimẹ wẹ ẹ ẹwuru e nwun bru-bru lẹ pọpụ-pọpụ. Ndị e mẹ nka mẹmẹ wẹ ile.

Jerimaya 10:9 Iomraidhean Croise

Ndị-nze Nke Ibuzọ 10:22

Eze nwọnsọnmẹ igunrun ụgbọ-mirin wẹ gi a zụ afịa imẹ ohimin; wẹ lẹ ndị nke Hiram gba a wị. Ahụa ẹtọ-ẹtọ kẹ wẹ gi e bulụa goru, siliva, eze-enyi lẹ ọzọ lẹ adaka.

Ihiẹn Mẹni Nke Ẹbụọ 9:21

Eze wụ Solomọnụ nwọn igunrun ụgbọ-mirin wẹ gi a zụ afịa hụn idibo eze Taya wụ Hiram a nyann'a. Ahụa ẹtọ-ẹtọ kẹ ụgbọ-mirin ndị ahụn gi a lụa, e bulụa goru, siliva, eze-enyi lẹ ọzọ lẹ adaka.

Ẹbụ-ọma 115:4

Kanị mmọn wẹ wụsọnmẹ siliva lẹ goru mmakalaka, ọrụn-ẹka ịhịan mmaka.

Ẹbụ-ọma 72:10

Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Azaya 23:6

Kwarịkwọ nị nwan shi Tashishi; kwanmanị ụya, ụnụ ndị bi alị mkpẹnrẹn ohimin hụ.

Azaya 40:19

O mẹ nke mmọn wẹ kọma, omẹ-nka kpụ a, onyẹ a kpụ goru e gi goru nyankwama a, gi siliva kpan'a ẹgan.

Izikẹlụ 27:12

“ ‘Ndị Tashishi te wụ ndị-afịa ị yeni okẹn akụ-lẹ-ụba ị; w'e gi siliva, igwe, igwe-ogbogoro lẹ igwe-lẹdi a zụnarịn ị afịa.

Izikẹlụ 27:7

Ẹkwa linẹni wẹ kpa imẹ alị Ijiptu kpayesọnmẹ ihiẹn ma mma kẹ wẹ tanma ufere gi e bu yụ wụ ụgbọ-mirin, o họnrin ahịma ị; ẹkwa bru lẹ pọpụ pụ ichẹn ndị alị Ẹlisha kẹ wẹ gi kwa ẹtu-ụlọ ghahunmẹ i.

Daniẹlụ 10:5

e lee m ẹnya, e lee okẹnnyẹ ohu yi ẹwuru linẹni lẹ akpụkpọ ukun ezigbo goru alị Ufazị.

Hosia 8:6

Mmọn wẹ kpụ imẹ Izrẹlụ kẹ nwa-efin Sameria wụhụ ẹlẹ Chuku, kaka! Ọkpụ-ụzụn kpụ a! Wẹ k'a kụkpọchanrịn nwa-efin Sameria!

Jona 1:3

Kanị Jona nọ buli n'ọ gbashi alị Tashishi, gbapụnị Osolobuẹ. O shi Jọpa, nọ ebẹhụ chọrị ụgbọ mirin jẹnkọ alị Tashishi. Ọ kụ ụgwọ, banye, n'o sọn wẹ shi alị Tashishi, pụnị Osolobuẹ.

Habakọkụ 2:19

O k'a jọ ị njọ, ịyụ hụn a kpọku nkp'osisi, a kpọku ogbe ọmụma! N'ọ sa ẹka gwa ị ihiẹn i k'e mẹ? Y'a hụnnị nị ihiẹn wẹ gihụ goru lẹ siliva nyankwama rọ, nị ara kwọn?!