Jerimaya 10:7 - Ika

⁷ Onyẹ k'a sị n'ọ gbayekọ ị, ịyụ, Eze alị ile? Mgbaye ru i eru! Makẹni imẹ ndị ile marịn ihiẹn imẹ alị ndị ọzọ lẹ ebe ile ọkịkị wẹ ru, onwọnni onyẹ nọ kẹ ịyụ.

Jerimaya 10:7 Iomraidhean Croise

Ndị-nze Nke Ẹbụọ 17:39

Kama, fe ni Osolobuẹ wụ Chuku ụnụ; ịya jẹnkọ d'a gbapụha ụnụ ẹka ndị-iṅẹnrẹn ọnụ ile.”

Ihiẹn Mẹni Nke Ibuzọ 16:25

Makẹni Osolobuẹ e hikẹ ogbe, o furukẹ onyẹ w'a ja mma; ịya furu w'a tụ egun ẹ, ẹlẹ mmọn-lẹ-iyi.

Ẹsta 1:13

Ya eze nọ gwa ndị a dụn a ọdụn, ndị ghọta kẹ ihiẹn nọ, makẹni ẹrịra kẹ eze dọn a jụ uwẹ ndị marịn iwu lẹ ọdịnalị ọhụnma uche wẹ;

Ẹbụ-ọma 147:5

Di-nwọnni-ẹnyi e hikẹ ogbe, ikẹn ẹ e hizikwọ ogbe; nghọta a enwọn okẹn.

Ẹbụ-ọma 22:28

Makẹni, ọkịkị rị ẹka Osolobuẹ; ịya rị a kị alị ile.

Ẹbụ-ọma 47:3

Ịya mẹ alị ndị ọzọ e humẹni ẹnyi isi, bu alị ndị ọzọ che okpuru ụkụ ẹnyi.

Ẹbụ-ọma 72:11

Ndị-nze ile wẹ kpọn'a isi alị; alị ile wẹ fe ẹ.

Ẹbụ-ọma 76:7

O furu nị w'a tụ egun i! Onyẹ k'a saẹka wuzo ihun i ebe ị rị e bu olulu?

Ẹbụ-ọma 86:8

Onwọnni mmọn ọwụlẹ nọ kẹ yụ, Osolobuẹ, ọrụn-atụmẹnya nọ kẹ nke i arịa.

Ẹbụ-ọma 86:9

Ịyụ ke alị ile, Osolobuẹ, wẹ k'a bịa d'a kụnị ị isi-alị; wẹ k'a gha a ja ẹfan ị mma.

Ẹbụ-ọma 89:6

Onyẹ nọ kẹ Osolobuẹ imẹ igwere? E lee mmọn nọ kẹ Osolobuẹ?!

Ọpụpụ 8:10

Eze nọ za, sị, “Ekile.” Mozizi nọ sị “O jẹnkọ d'a rị k'i dọn ku, kẹni i gi ẹ marịn n'o nwọnni onyẹ nọ kẹ Osolobuẹ, Chuku ẹnyi.

Ọpụpụ 9:14

Ị jụ ujeni, m jẹnkọ d'e yesọnmẹ yụ lẹ e nwẹn i lẹ ịhaịmẹ i lẹ ndị nke i afụnfụn ndịnị, ọ tụ ụnụ ọnụ, kẹni ị marịn nị onwọnni onyẹ ọwụlẹ rị kẹ mmẹ elu ụwa ile.

Azaya 2:4

O k'a hannị alị lẹ alị eṅẹn, e dọnzini ndị alị bu ọda oku. Wẹ k'e gi ọpịa-agha wẹ mẹmẹrin omumọ wẹ gi a dụkpọ alị, gi obo wẹ mẹmẹrin ọpịa wẹ gi e befọn osisi. Alị alụsọnkọzị ibe ẹ agha, ọzụnzụn ndị-agha arịkọzị.

Jerimaya 10:6

Euu Osolobuẹ, onwọnni onyẹ nọ kẹ yụ; y'e hikẹ ogbe, ikẹn i hi-ogbe kẹ wẹ gi marịn ị.

Jerimaya 5:22

Osolobuẹ sị: Ụnụ atụkọ egun m? Egun m ara tu ụnụ? Mmẹ gi ẹjan gbọndọn ohimin, mgbọn itẹbitẹ o jẹnkọlẹni d'a saẹka fetu, ẹbi-mirin nwọn ikẹn kpọ-ntan kpọ-imọn, ọ sakọ ẹka ghafe ẹ; ya zụndẹ ụzụn ile o k'a zụn, ọ sakọ ẹka hughafe ẹ.

Daniẹlụ 2:27

Daniẹlụ nọ sị eze, “Onwọnni onyẹ a hụn ụzọ mọbụ onyẹ a gwọ ọgụn mọbụ ohẹnrẹn mọbụ onyẹ a gba ẹfa hụn k'a s'ẹka kọwanị eze ihiẹn-omimini ọ rị a chọ n'ọ marịn;

Daniẹlụ 2:28

kanị, o nwẹghọ Chuku rị elu-igwee hụn e wepụha ihiẹn zuerini ifọn. Ọ ghọsịgụọ yụ wụ Eze wụ Nebukadineza ihiẹn k'e mẹ ihun. Lee nwan nrọ ị, ihiẹn ị rọhụn ebe i dinẹ elu bẹdi i:

Habakọkụ 3:2

“Euu Osolobuẹ, a nụọlẹ m otiti i! Osolobuẹ, ọrụn-atụmẹnya ị atụkakwọ m egun! Rụnzị wẹ nwan ogẹn nke ẹnyini, zụọpụha ẹnyi, rụnghọsịzị ẹnyi ya ogẹn nke ẹnyi; ị gha e bu olulu, dodo nyanhankwọ omikẹn.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Luku 12:5

Kama, nị m ghọsị ụnụ onyẹ ụnụ sikọ d'a tụ egun ẹ: tụ nị egun Onyẹ hụn e gbugụ ẹhụ, ọ sazịkwọ ẹka tụ ịhịan ye ọkụn-mmọn. Ẹghẹẹ, ịya kẹ ụnụ k'a tụ egun ẹ!

Ndị Kọrẹntị Ibuzọ 8:6

Kanị, nke ẹnyi wụ nị Chuku ohu sụọ rị; ịya wụ Nẹdi ẹnyi; ihiẹn ile gha ẹka a a bịa; ịya kẹ ẹnyi rị a rịnị. Nna ohu rịzị, ya wụ Jesu Kristi; Osolobuẹ ke ihiẹn ile ghahan'a; ẹnyi rị a rị ghahan'a.

Joshụa 4:24

O mẹ ẹ kẹni ndị ile rị ụwa hụn ụzọ marịn nị Osolobuẹ nwọn ikẹn ọda-ọda, lẹzi nị ụnụ tụ egun Osolobuẹ wụ Chuku ụnụ jẹnrin ejẹn.”

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 15:4

Euu Osolobuẹ, onyẹ k'a sị n'ọ tụkọ egun i, n'ọ jakọ ẹfan ị mma? Ịyụ sụọ rị nsọ. Alị ile k'a bịa d'e fe i, makẹni y'a ghọsịọlẹ n'ị y'e mẹ ihiẹn furuni.”