Jerimaya 10:6 - Ika

⁶ Euu Osolobuẹ, onwọnni onyẹ nọ kẹ yụ; y'e hikẹ ogbe, ikẹn i hi-ogbe kẹ wẹ gi marịn ị.

Jerimaya 10:6 Iomraidhean Croise

Samuẹlụ Nke Ẹbụọ 7:22

“Euu Osolobuẹ nwọn ihiẹn ile, y'e hikẹkwọ ogbe-o! Onwọnni onyẹ rịkẹ ịyụ; ịyụ sụọ wụ Chuku — kẹ ẹnyi dọn gi ntịn ẹnyi nụ.

Ihiẹn Mẹni Nke Ibuzọ 16:25

Makẹni Osolobuẹ e hikẹ ogbe, o furukẹ onyẹ w'a ja mma; ịya furu w'a tụ egun ẹ, ẹlẹ mmọn-lẹ-iyi.

Nehemiah 4:14

A hụngụ m kẹ ihiẹn ile nọ, m nọ kpọ ndị-isi ndị Ju lẹ ndị-isi ọrụn gọmẹnti rị Juda lẹ ndị họdụnị oku, sị wẹ, “Atụlẹ ni egun wẹ. Nyanhan nị Osolobuẹ, Onyẹ ahụn kanị, Onyẹ ahụn w'a tụ egun ẹ, kẹni ụnụ sa ẹka lụ ọgụn chemẹ umunẹ ụnụ lẹ ụmụ ụnụ ikẹnnyẹ lẹ ikpoho lẹ inyẹnmẹ ụnụ lẹ ụlọ ụnụ bi.”

Nehemiah 9:32

“Kikẹnni hụra, Chuku ẹnyi, Chuku hụn hi-ogbe, hụn nwọn ikẹn, hụn rị egun, hụn e nwọnsọnmẹ ihiẹn-ọsụsụọ o kwe nkwa a; dodo, elelịalẹ afụnfụnnị ile — afụnfụnnị ile bịanịnị ẹnyi lẹ ndị-nze ẹnyi lẹ ndị-isi ẹnyi lẹ ndị nchụn-ẹjan ẹnyi lẹ ndị-amụma ẹnyi lẹ ndị nẹdi ẹnyi wẹ lẹ ndị nke i ile, ghakwọrị ogẹn ndị-nze alị Asiria gi kpa ikẹn d'e ru tannị.

Ẹbụ-ọma 145:3

Osolobuẹ e hikẹ ogbe; o furu w'a ja mma ọhụnma-ọhụnma! Osolobuẹ wụ Okẹn-ịhịan, w'a ra saẹka ghọta a?

Ẹbụ-ọma 147:5

Di-nwọnni-ẹnyi e hikẹ ogbe, ikẹn ẹ e hizikwọ ogbe; nghọta a enwọn okẹn.

Ẹbụ-ọma 35:10

Ihiẹn ile rị imẹ m jẹnkọ d'e yi, “Onyẹ nọ kẹ yụ wụ Osolobuẹ?! Y'a gbapụha ndị wẹ rị a bịangbu ẹka ndị rị a bịangbuni wẹ, a zụọpụha ndị wẹ rị e mẹgbu lẹ ndị wẹ rị e sọngbu ẹka ndị rị e mẹgbuni wẹ.”

Ẹbụ-ọma 48:1

Osolobuẹ e hikẹ ogbe, o furu hụn w'a ja mma ọda-ọda imẹ obodo Chuku ẹnyi, elu Ugu ẹ rị nsọ wụ Zayọnụ.

Ẹbụ-ọma 96:4

Makẹni, Osolobuẹ e hikẹ ogbe, o furu nị wẹ ja a mma ọda-ọda; o furu nị wẹ gbaye ẹ karị mmọn ile —

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Ọpụpụ 8:10

Eze nọ za, sị, “Ekile.” Mozizi nọ sị “O jẹnkọ d'a rị k'i dọn ku, kẹni i gi ẹ marịn n'o nwọnni onyẹ nọ kẹ Osolobuẹ, Chuku ẹnyi.

Ọpụpụ 9:14

Ị jụ ujeni, m jẹnkọ d'e yesọnmẹ yụ lẹ e nwẹn i lẹ ịhaịmẹ i lẹ ndị nke i afụnfụn ndịnị, ọ tụ ụnụ ọnụ, kẹni ị marịn nị onwọnni onyẹ ọwụlẹ rị kẹ mmẹ elu ụwa ile.

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 40:18

Onyẹ kẹ ụnụ e gi nwan jeni Chuku? Kịnị kẹ ụnụ k'a sị nị ịya k'o yi?

Azaya 40:25

“Onyẹ kẹ ụnụ e gi nwan jeni m? Onyẹ kẹ mmẹ lẹ ịya han?” Ịya kẹ Onyẹ ahụn rị nsọ ku.

Azaya 46:5

Onyẹ kẹ y'e gi jeni m mọbụ sị nị mmẹ lẹ ịya han? Onyẹ k'i ro n'ọ nọ kẹ mmẹ hụn y'e gi jeni m?

Azaya 46:9

Nyanhan nị ihiẹn ndị hụn mẹni, ihiẹn ndị hụn mẹ mbụ-mbụ; mmẹ wụ Osolobuẹ, ọzọ arịa. Mmẹ wụ Osolobuẹ, onwọnni onyẹ nọ kẹ mmẹ.

Jerimaya 10:16

Kanị Osolobuẹ, Onyẹ ahụn wụ nke Jekọpụ, anọnị kẹ uwẹ — makẹni ịya ke ihiẹn ile — Izrẹlụ wụ ebọn nke ẹ kẹti-kẹti; Ẹfan a wụ Onyẹ Ihiẹn Ile Rị Okpuru ẹ.

Jerimaya 32:18

Y'e gi ihiẹn-ọsụsụọ e sọn ndị e sọnn'i d'e rudẹ agbọ nnụ-uku ole-lẹ-ole, e gizikwọ njọ ịhịan e sọn ụmụ a. Ịyụ wụ Chuku hi-ogbe, Chuku hụn nwọn ikẹn ọda-ọda, hụn ẹfan a wụ ‘Osolobuẹ ihiẹn ile rị okpuru ẹ’.

Daniẹlụ 4:3

Ọ ghọsịkakwọ ẹka-o! Ọ rụnkakwọ ihiẹn a tu ẹnya!! Alị-eze ẹ wụ alị-eze itẹbitẹ; ọkịkị a k'e ru agbọ ile.

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Ndị Kọrẹntị Ibuzọ 8:6

Kanị, nke ẹnyi wụ nị Chuku ohu sụọ rị; ịya wụ Nẹdi ẹnyi; ihiẹn ile gha ẹka a a bịa; ịya kẹ ẹnyi rị a rịnị. Nna ohu rịzị, ya wụ Jesu Kristi; Osolobuẹ ke ihiẹn ile ghahan'a; ẹnyi rị a rị ghahan'a.

Ditrọnọmi 32:31

Ẹghẹẹ, makẹni ọmụma wẹ gi dọn ẹnya anọnị kẹ Ọmụma ẹnyi, kẹ uwẹ wụ ndị-iṅẹnrẹn ẹnyi a marịngụọ.

Ditrọnọmi 33:26

Onwọnni onyẹ rịkẹ Chuku Jẹshurunu, Chuku Izrẹlụ, hụn e nyinhẹn orukpu igwere rịkẹ ẹshin d'e yeni ụnụ ẹka, onyẹ hụn ikpẹn eze jun ẹhụ k'o nyinla orukpu.