Jerimaya 10:22 - Ika

²² Gọn ntịn! Ẹnyi hụ a nụ ozi, okẹn mkpọtụ ndị agha alị rị ẹbamịn-ugu! Wẹ k'e mẹ obodo ndị rịsọnmẹ alị Juda gba okpokoro, ọ wụrụ ebe nkitẹ-ọfịa e bi.

Jerimaya 10:22 Iomraidhean Croise

Azaya 34:13

Ogun k'e suekin ụlọ-uku ile wẹ te gi dọn ẹnya, abịogun lẹ mkpalị e suekin ebe ile wẹ te a gbaban. O k'e họnrin ebe nkitẹ-ọfịa wụ jakalụ nọ a kpa lẹ ebe ozuzu-ọfịa e bi.

Jerimaya 1:14

Ya kẹ Osolobuẹ nọ sị m, “Wẹ k'a gha ẹbamịn-ugu hu ntikpọ kpu ndị ile rị alịnị.

Jerimaya 1:15

M'e d'a kpọha alị-eze ndị rị ẹbamịn-ugu.” Ya kẹ Osolobuẹ ku. “Ndị-nze wẹ k'a bịa d'e tumẹsọnmẹ ukpo-eze wẹ ọnụ-mgbọn ile rị Jerusalẹm; wẹ k'e tikpọ mgbọn ile fihunmẹn'ẹ lẹ obodo ndị ọzọ ile rịzị alị Juda.

Jerimaya 2:15

E dẹngụọnị w'a kẹ ẹwọrọ; a bangụọnị w'a mban. E tikpọgụọ wẹ alị a la iwi; a dụngụọ wẹ obodo ndị rịn'a ọkụn gba wẹ okpokoro.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 4:15

O nwọn olu rị imẹ Danị rị ẹbamịn-ugu a hị: ọ hụ elu òke Ifrem e yi ni ntikpọ lala.

Jerimaya 4:6

Weshi ahịma elu nị ịhịan ile jẹnmẹ Zayọnụ! Gbakwọ nị ọsọ ndụn, egbukwọlẹ ni ogẹn! Makẹni m gha ẹbamịn-ugu wela ntikpọ, eje-ntikpọ k'o k'a wụkwọ!”

Jerimaya 49:33

“Anụ-ọfịa jẹnkọ d'e bikin Hazọ; o k'a gba okpokoro jẹnrin ejẹn. Ịhịan ebikọzị a, ịhịan a kwahakọzị a.”

Jerimaya 5:15

Osolobuẹ sị, “Yụ wụ ikpụlọ Izrẹlụ, m wela alị rị ebe teni d'a maye i, alị rị ẹdẹi, alị hụn rị kete-kete; ndị ụnụ marịnlẹni asụsụ wẹ, ndị ụnụ jẹnkọlẹni d'a ghọta asụsụ wẹ.

Jerimaya 6:1

“Zụọrịkwọ nị isi ụnụ, ụnụ ndị Bẹnjamini! Ghakwọ nị Jerusalẹm gbapụ! Gbu ni ni wẹ (opi) ọdụ imẹ obodo Tẹkụa nị wẹ gbapụ! Weshini ni wẹ ihiẹn-ahịma elu imẹ Bẹt-Hakẹrẹm kẹni wẹ gbapụ. Makẹni ẹregede nsọngbu gha ẹbamịn-ugu lala, okẹn ntikpọ hụn k'a jọgbu enwẹn ẹ.

Jerimaya 6:22

Osolobuẹ sị, “O nwọn okẹn alị lalanị: okẹn alị hụn rị ẹbamịn-ugu; okẹn alị ohu rị a kwademẹ, alị hụn rị ebe ụwa ru.

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Ẹkwan 1:4

Ụzọ ile wẹ gha e jẹn Zayọnụ rịdẹ a kwan, makẹni onwọnni onyẹ a ghazị wẹ a bịa mmẹmmẹ nsọ. Ọnụ-mgbọn ẹ ile a gba okpokoro, ndị nchụn-ẹjan rịn'a hụ a sụn udẹn, ịgbagba rịn'a hụ a kwan, okẹn ụya kẹ Zayọnụ rị e ri.

Izikẹlụ 12:19

Y'a sị ndị alị, ‘Lee ni ihiẹn Osolobuẹ nwọn ihiẹn ile ku banyeni ndị bi Jerusalẹm lẹ alị Izrẹlụ ile: wẹ k'a rị e hue uhue wẹ gha e ri ihiẹn-oriri wẹ; wẹ k'a gha a tụ egun wẹ gha a ra mirin, makẹni alị Izrẹlụ sikọ d'a gba okpokoro yeni eje-obibi ndị rịn'a bi.

Malakaị 1:3

Isọ arịnị m ụda, m nọ mẹ alị Isọ lẹ ugu ile ọ rị elu ẹ gba okpokoro, bu ukuu ẹ tọnị nkitẹ-ọfịa a kpa imẹ atụ.”