Jerimaya 10:21 - Ika

²¹ Ndị-ndu ẹnyi enwọn uche — w'a ra jụ Osolobuẹ uche ẹ; ya haịn ihiẹn gilẹni a rịnị wẹ nwan mma, ndị wẹ rị e du a gbayịyagụọ.

Jerimaya 10:21 Iomraidhean Croise

Jerimaya 10:14

Kanị ịhịan ile wụ nzuzu, onwọnni ihiẹn wẹ marịn; mmọn wụ ihiẹn-ifẹnrẹn onyẹ kpụn'a. Ihiẹn ndị ahụn ọ kpụ ẹlẹ ezigbo ẹ — w'a ara kwọn.

Jerimaya 10:8

Wẹ ile enwọn uche, w'e zuzu e zuzu; mmọn nwọnlẹni-isi wẹ gi osisi pịn rị a kuzi wẹ.

Jerimaya 12:10

Ndị-nze alị ichẹn-ichẹn kịla ndị-agha wẹ nọkẹ atụnrụn d'a zọgbu ugbo-vaịnị m wụ Izrẹlụ; wẹ sikọ d'a zọkpụkpọ ihiẹn-ugbo m; wẹ k'e mẹ ugbo m hụn ma mma họnrin alị la iwi ihiẹn anaị rịlẹni.

Jerimaya 2:8

Ndị nchụn-ẹjan m ajụnị ‘Elebe kẹ Osolobuẹ rị?’ Ẹghẹẹ, ndị nwẹn gi iwu m amarịn m kaka; ndị-ndu wẹ nkẹ hụ a pa oku m. Ndị-amụma e gi ẹfan mmọn wụ Baalụ e bu amụma, e sọn mmọn nwọnlẹni isi.

Jerimaya 22:30

Osolobuẹ sị, “Gụn nị okẹnnyẹni yeni ndị mụlẹni nwa; Gụn n'a yeni ndị elu jẹnkọlẹni d'a masị e we wẹ nwụn, makẹni onwọnni nwa a ọwụlẹ ọ k'a rịnị mma, onwọnni hụn k'a nọdị ukpo-eze Defidi mọbụ kị alị Juda.”

Jerimaya 49:32

Wẹ k'a narịn wẹ anyịnyan-mkpukpuke wẹ lẹ anụ wẹ ndị ọzọ. M k'e fe ndịnị ye azụụn ile, ndịnị bi atụ hụn a kọ ntutu azụụnnị lẹ azụụnnị. M k'e zihẹni wẹ nsọngbu azụụn ile. Mmẹ wụ Osolobuẹ ku ẹ.

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Jerimaya 50:17

“Izrẹlụ a wụrụgụọ atụnrụn gbayịyanị, atụnrụn ẹwọrọ chụzịza. Eze ndị Asiria bu ụzọ nwụnri ẹ, Nebukadineza eze Babilọnụ nọ nwan tachan ọkpụkpụ a.”

Jerimaya 8:9

Ndịnị ụnụ sị marịn ihiẹn jẹnkọ d'a fa! Ndụn k'a gụ wẹ; wẹ k'a danban ọnyan. Ebe o mẹni a jụgụọ wẹ oku Osolobuẹ, elee amamihiẹn kẹ wẹ nwọnzi?

Izikẹlụ 34:12

Kẹ onyẹ e du atụnrụn rị igunrun atụnrụn dọn a chọ ndị kpapụnị, ẹrịra kẹ m k'a dọn chọ atụnrụn m. A zụọpụha m wẹ ebe-lẹ-ebe wẹ gbajẹn ụhụọhịn igwere fọnlẹni.

Zẹkaraya 10:3

Olulu ndị-ndu ụnụ rị e bu m ọda-ọda, m k'e mẹshi ndị rị a kịgbu ụnụ ikẹn; makẹni Osolobuẹ ihiẹn ile rị okpuru ẹ e lepụ atụnrụn a wụ alị Juda ẹnya; m k'e gi wẹ họnrin ẹshin-agha m, ẹshin-agha nwọn ndụn wẹ e lee ile ọgbọ-agha.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.