Jerimaya 10:16 - Ika

¹⁶ Kanị Osolobuẹ, Onyẹ ahụn wụ nke Jekọpụ, anọnị kẹ uwẹ — makẹni ịya ke ihiẹn ile — Izrẹlụ wụ ebọn nke ẹ kẹti-kẹti; Ẹfan a wụ Onyẹ Ihiẹn Ile Rị Okpuru ẹ.

Jerimaya 10:16 Iomraidhean Croise

Ẹbụ-ọma 119:57

Osolobuẹ kẹ m hanrịn; e kweọlẹ m nkwa nị m k'e mẹsọnmẹ ihiẹn i ku.

Ẹbụ-ọma 135:4

Makẹni Osolobuẹ a họrịgụọ Jekọpụ n'ọ wụrụ nke ẹ; ọ họrịgụọ Izrẹlụ n'ọ wụrụ ihiẹn ẹ pụ-ichẹn.

Ẹbụ-ọma 142:5

Dodo Osolobuẹ, m rị a kpọku i; a sị, “Ịyụ kẹ m gbọnni, ịyụ sụọ kẹ m nwọn elu-ụwa.”

Ẹbụ-ọma 33:6

Oku-ọnụ Osolobuẹ k'o gi ke elu-igwere, uzun gha a ọnụ pụha k'o gi ke ihiẹn ndị rị igwere.

Ẹbụ-ọma 73:26

Ndụn nwọn ikẹn gụ m ẹhụ gụ m imẹ obi; kanị Chuku wụ ọmụma hụn e kwọndọn obi m, ịya sụọ kẹ m nwọn jẹnrin ejẹn!

Ẹbụ-ọma 74:2

Nyanhankwọ ndị nke i hụn i nwọnrin ẹdẹi, ndị hụn ị gbarị nị wẹ wụrụ ebọn nke i. Nyanhan Ugu Zayọnụ rị Jerusalẹm, ebẹhụ ị bịa d'e biri.

Ọpụpụ 19:5

O mẹ nwan nị ụnụ e humẹchanrịnnị m isi, dọnmẹ nkwerigbama m jẹnkọ d'e tumẹ ẹgbata mmẹ lẹ ụnụ, imẹ anị ile rịnị, ụnụ sụọ k'a wụrụ ihiẹn m hụn pụ-ichẹn, makẹni ụwa ile wụ nke m.

Ọpụpụ 34:9

sị, “Euu Di-nwọnni ẹnyi, omẹni ihiẹn m a sụọghọ ị, dodo Di-nwọnni ẹnyi, sọnjẹn ẹnyi nwan. Ezioku-ezioku ndịnị wụ ndị isi-akwanran, ka gbagharị ẹnyi eje-ihiẹn lẹ njọ ẹnyi mẹ, y'e weri ẹnyi nọkẹ ndị nke i.”

Itẹn 16:4

Osolobuẹ nwọn ihiẹn o bu obi e mẹ ihiẹn ile o mẹ — o dọnmẹzidẹ ndị eje-omumẹ ndụn kẹni nsọngbu kunrun wẹ.

Azaya 19:25

makẹni Osolobuẹ nwọn ikẹn ile k'a sị, “Ngọzi ya rịnị Ijiptu hụn wụ ndị nke m, Asiria hụn wụ ẹka-ọrụn m lẹ Izrẹlụ hụn wụ ihiẹn-ẹka m.”

Azaya 45:7

Mmẹ ke ukpẹ, kezikwọ ọhịhị; m'e ye ihiẹn rị mma, e yezikwọ nsọngbu; mmẹ wụ Osolobuẹ e mẹchanrịn wẹ ile.

Azaya 47:4

Onyẹ-mgbapụha ẹnyi hụn ẹfan a wụ Osolobuẹ ihiẹn ile rị okpuru ẹ, ịya wụ Onyẹ-nsọ Izrẹlụ.

Azaya 47:6

M te rị e busọn ndị nke m olulu; ya m nọ gi olulu hụ mẹrụdẹ ihiẹn m; e mẹ m wẹ ban ị ẹka, y'e mẹni ni wẹ omikẹn kaka — kẹ ndị ẹgẹdi rị imẹ wẹ k'i buye ibu nyịnnị.

Azaya 51:15

Makẹni mmẹ wụ Osolobuẹ, Chuku ụnụ, hụn e mẹhunmẹ ohimin hụn mirin ẹ gi a tụhunmẹ; Osolobuẹ ihiẹn ile rị okpuru ẹ wụ ẹfan a.

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Jerimaya 10:12

Kanị Chuku gi ikẹn ẹ ke ụwa; ịya gi akọ-lẹ-uche ẹ mẹmẹ ụwa, gi nghọta a shịshịapụ igwere.

Jerimaya 10:6

Euu Osolobuẹ, onwọnni onyẹ nọ kẹ yụ; y'e hikẹ ogbe, ikẹn i hi-ogbe kẹ wẹ gi marịn ị.

Jerimaya 31:35

Lee ihiẹn Osolobuẹ ku — Osolobuẹ hụn tumẹ anwụn n'ọ hụn ụzọ e ti efinnaị, sị ifọn lẹ kokisẹ ichẹn-ichẹn e ti imẹ uhinhin, Osolobuẹ hụn e mẹhunmẹ ohimin, mirin ẹ a kpọma ẹbiri; Osolobuẹ hụn Ẹfan a wụ “Osolobuẹ ihiẹn ile rị okpuru ẹ,” ọ sị:

Jerimaya 32:18

Y'e gi ihiẹn-ọsụsụọ e sọn ndị e sọnn'i d'e rudẹ agbọ nnụ-uku ole-lẹ-ole, e gizikwọ njọ ịhịan e sọn ụmụ a. Ịyụ wụ Chuku hi-ogbe, Chuku hụn nwọn ikẹn ọda-ọda, hụn ẹfan a wụ ‘Osolobuẹ ihiẹn ile rị okpuru ẹ’.

Jerimaya 33:2

“Osolobuẹ hụn ke ụwa, Osolobuẹ hụn mẹmẹ ụwa tumẹ, Osolobuẹ wụ ẹfan a, ọ sị,

Jerimaya 46:18

Mmẹ, Eze hụn ẹfan a wụ Osolobuẹ ihiẹn ile ri okpuru ẹ, rị e ku ẹ nị: Nebukadineza k'a bịarịrị d'e mẹ ụnụ ihiẹn, mmanị m nwụnhụn anwụnhụn! O k'a ka ibe ẹ nọkẹ ugu Tabọ; O k'a ka ibe ẹ nọkẹ Ugu Kamẹlụ hụn kachanrịn elu e jẹn mkpẹnrẹn ohimin.

Jerimaya 50:34

Kanị onyẹ a gbapụhanị wẹ ze e ze; Osolobuẹ ihiẹn ile rị okpuru ẹ wụ ẹfan a. O k'e kinni wẹ ọnụ wẹ ru isi ẹ, kẹn'o ye alị wẹ udọn, bu nsọngbu tọnị ndị bi Babilọnụ. “Osolobuẹ sị:

Jerimaya 51:19

“Kanị Osolobuẹ, Onyẹ ahụn wụ nke Jekọpụ anọnị kẹ uwẹ — makẹni ịya ke ihiẹn ile — kẹ Izrẹlụ, ebọn hụn o gi họnrin nke ẹ; ẹfan a wụ Onyẹ Ihiẹn Ile Rị Okpuru ẹ. “Ọ sị:

Ẹkwan 3:24

A sịgụọ m enwẹn m, “Osolobuẹ kẹ m nwọn, m k'e cheri ẹ nwan.”

Emọsụ 4:13

Lekwọ nị ẹnya, Onyẹ hụn mẹmẹ ugu ile, Onyẹ hụn ke ufere; Onyẹ hụn a gwa ịhịan uche ẹ; Onyẹ hụn e mẹ efinaị a gba ishi; Onyẹ hụn a zọ ebe ile jẹn elu elu-ụwa ụkụ; Osolobuẹ, Chuku ihiẹn ile rị okpuru ẹ ịya wụ ẹfan a!”

Zẹkaraya 2:12

Osolobuẹ jẹnkọ d'e gi Juda họnrin azụụn nke ẹ imẹ alị a nị rị nsọ; o k'e gizi Jerusalẹm họnrin ihiẹn ẹ pụ-ichẹn.

Ditrọnọmi 32:9

Kanị, hụn Osolobuẹ lẹ enwẹn ẹ keri wụ ndị nke ẹ, ndị Izrẹlụ, Jekọpụ lẹ ụmụ a wụ ukuu ẹ.