Jerimaya 10:15 - Ika

¹⁵ Abannị wẹ erere, wẹ wụhụ ihiẹn ẹmụ; wẹ jẹnkọ d'a la iwi ogẹn m'e gi mẹ wẹ ihiẹn furuni wẹ.

Jerimaya 10:15 Iomraidhean Croise

Ẹbụ-ọma 115:9

Ndị Izrẹlụ, gi ni Osolobuẹ dọn ẹnya! Ịya e yeni Izrẹlụ ẹka; ịya wụ akpaịn e che Izrẹlụ nche.

Azaya 41:24

Lee n'ẹ nwan n'o nwọnni ihiẹn ụnụ wụ, ọrụn ụnụ enwọn isi; onyẹ hụn sị nị ụnụ k'o k'e fe rụ arụ.

Azaya 41:29

Lee nwan nị ẹlẹ wẹ ezigbo ẹ! Ihiẹn ile wẹ rụn enwọn isi; mmọn ile wẹ kpụ wụhụ ufere lẹ isusu.

Azaya 57:12

M jẹnkọ d'e wepụha ‘ezigbo ihiẹn’ i ahụn ifọn ya lẹ ihiẹn ị rị a rụn; abankọnị wẹ i erere.

Jerimaya 10:11

Osolobuẹ sị m, sị wẹ: “Ẹlẹ mmọn ndịnị ke igwere lẹ ụwa, wẹ jẹnkọ d'a gụ elu-ụwa, ebe ile rị okpuru igwere.”

Jerimaya 10:8

Wẹ ile enwọn uche, w'e zuzu e zuzu; mmọn nwọnlẹni-isi wẹ gi osisi pịn rị a kuzi wẹ.

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 43:12

O k'a mụ ọkụn ye ụlọ-mmọn rịsọnmẹ Ijiptu, dụnpụ ụlọ-mmọn wẹ ọkụn, kpọnrin mmọn wẹ. O k'a tụtụkwama ihiẹn ile rị mma rị alị Ijiptu, kẹ onyẹ e du anụ dọn a tụtụpụchanrịn izun ẹkwa a; o k'e bu wẹ ile la, onwọnni ihiẹn k'e mẹn'ẹ.

Jerimaya 50:2

Osolobuẹ sị, “Gi ẹ yi oro; gwa wẹ ya imẹ alị ichẹn-ichẹn. Weshi ihiẹn-ahịma elu hị a! Ekuhọdụkwọlẹ! Sị wẹ, ‘Wẹ k'e mẹri Babilọnụ weri; ifẹnrẹn k'e mẹ mmọn wẹ wụ Bẹlụ! Wẹ jẹnkọ d'e tikpọchanrịn mmọn wẹ wụ Maduku; ifẹnrẹn k'e mẹ ihiẹn ndị ahụn wẹ kpụ wẹ e fe; wẹ k'e tikpọchanrịn ihiẹn ndị ahụn ile wẹ a rụa.’

Jerimaya 51:18

Abannị wẹ erere, wẹ wụhụ ihiẹn wẹ gi a kpa ẹmụ; wẹ jẹnkọ d'a la iwi ogẹn m'e gi mẹ wẹ ihiẹn furuni wẹ.

Jerimaya 8:12

Ifẹnrẹn eje-obibi wẹ hụdẹ e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.’ ” Ya kẹ Osolobuẹ ku.

Jerimaya 8:19

Lee ihiẹn ndị nke m rị a kwan ẹkwan imẹ alịnị ile: ‘Osolobuẹ arịzịdẹ nwan Zayọnụ ra? Osolobuẹ Eze Zayọnụ arịzị ebahụn?’ ” Osolobuẹ nkẹ sị, “Kị wẹ gini nwan ihiẹn ndịnị wẹ kpụ kpasu m iwe — ya lẹ mmọn alị ndị-ọzọ nwọnlẹni isi wẹ kpụsọnmẹ?”

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Jona 2:8

Ndị hụn e fe mmọn nwọnlẹni isi a latọgụọ ihiẹn yụ lẹ wẹ kwerigbama.

Zẹkaraya 13:2

Osolobuẹ ihiẹn ile rị okpuru ẹ sị: “O ru ogẹn ahụn, m k'e wepụchanrịn ẹfan mmọn imẹ alị Izrẹlụ, nke wụnị anyanhankọzịdẹ wẹ wẹ; m k'e wepụzịkwọ ndị-amụma ntụ lẹ mmọn eje-obibi alịnị,

Ọrụn Ndị-ozi 14:15

“Ibe ẹnyi, kị ụnụ rị e mẹ ihiẹnni?! Ẹnyi wụhụ ịhịan mmaka nọ kẹ ụnụ!! Ẹnyi wẹhẹni ụnụ oziọma, kẹni ụnụ hụn ụzọ gbehutọ, la ihiẹn ndịnị nwọnlẹni-isi tọ, pụha d'e kunrun Osolobuẹ rị ndụn, onyẹ hụn ke elu-igwee lẹ ụwa lẹ ohimin lẹ ihiẹn ile rị imẹ wẹ.

Ditrọnọmi 32:21

E gigụọ wẹ ihiẹn ahụn wụlẹni Chuku mẹ ẹnya fụma m, gi ihiẹn nwọnlẹni isi wẹ kpụ kpasu m iwe. M k'e gi ndị wụlẹni ihiẹn ọwụlẹ mẹ ẹnya fụma wẹ; m k'e gi alị nwọnlẹni nghọta kpasu wẹ iwe.

Samuẹlụ Nke Ibuzọ 12:21

Ejẹnkwọlẹ ni d'e femẹ mmọn-lẹ-iyi ndị ahụn nwọnlẹni erere wẹ ban. Onwọnni ihiẹn rị mma wẹ k'a saẹka mẹni ụnụ, asakọ wẹ ẹka gbapụha ụnụ, makẹni onwọnni erere wẹ ban.

Samuẹlụ Nke Ibuzọ 5:4

Kanị e tẹnhinzi wẹ hụn eki gizi fọn, e lee Dagọnụ, ọ dangụọ, we ihun kpumẹ alị ihun Ẹkpẹti Osolobuẹ! Isi ẹ lẹ ẹka a ẹbụbụọ a kpagipụgụọ, danye ọnụmụzọ. Ẹhụ Dagọnụ sụọ họdụ.