Jerimaya 10:12 - Ika

¹² Kanị Chuku gi ikẹn ẹ ke ụwa; ịya gi akọ-lẹ-uche ẹ mẹmẹ ụwa, gi nghọta a shịshịapụ igwere.

Jerimaya 10:12 Iomraidhean Croise

Jẹnẹsisi 1:1

Isi mbidọn, kẹ Chuku ke elu-igwere lẹ elu-ụwa,

Jẹnẹsisi 2:5

ihiẹn eke pu alị, kẹ ẹfịfịa rị ọfịa kẹ ihiẹn ọnụ e ri, makẹni Osolobuẹ wụ Chuku eke mẹ mirin zueye alị; o ke nwọnzikwọ onyẹ k'a rụn a ugbo.

Ihiẹn Mẹni Nke Ibuzọ 16:26

Makẹni mmọn-lẹ-iyi ile alị ndị ọzọ e fe wụhụ ihiẹn ẹka mẹmẹ, kanị Osolobuẹ mẹmẹ elu-igwere.

Jobu 26:7

Ọ shịshịapụ igwere rị ẹbamịn-ugu ye imẹ elu bụ onwọnni ihiẹn gidọnn'ẹ; ịya kọnmẹ ụwa — bụ onwọnni ihiẹn kwọndọnn'ẹ.

Jobu 37:18

n'ị sa nwan ẹka mẹmẹ orukpu hụn o mẹmẹ, mẹ ẹ ze kẹ ughegbe igwe-bronzu?

Jobu 9:8

Ịya sụọ ke igwere hụn shịagbu enwẹn ẹ; ịya sụọ kẹ ẹbiri ohimin rị okpuru ẹ;

Ẹbụ-ọma 104:2

Ukpẹ k'i yi nọkẹ ẹwuru. Ịyụ shịshịapụ igwere rịkẹ okpukpu ụlọ;

Ẹbụ-ọma 104:24

Euu Osolobuẹ, ihiẹn i ke e bukẹkwọ ọda! Akọ-lẹ-uche k'i gi ke wẹ ile; ihiẹn i ke e jun elu-ụwa ile.

Ẹbụ-ọma 119:90

Onyẹ wẹ gi e dọn ẹnya k'ị wụ gha agbọ pụ agbọ; y'e bugụọ elu-ụwa che ebe ọ rị, o turuhụkwọ nwan.

Ẹbụ-ọma 24:2

makẹni ya tụn a ye elu ohimin; ịya tumẹ ẹ ye elu mirin.

Ẹbụ-ọma 33:6

Oku-ọnụ Osolobuẹ k'o gi ke elu-igwere, uzun gha a ọnụ pụha k'o gi ke ihiẹn ndị rị igwere.

Ẹbụ-ọma 65:7

Ịyụ a kụsị okẹn-ụzụn ohimin, ụzụn hụn ẹbi ohimin rị a zụn; y'a kụsị mban alị ndị ọzọ rị a ban.

Ẹbụ-ọma 78:69

Ọ nọ tụn Ụlọ-nsọ a n'o jẹn elu kẹ igwere: tụn a n'ọ tọ, k'o dọn mẹmẹ ụwa n'o turu jẹnrin ejẹn.

Ẹbụ-ọma 93:1

Osolobuẹ wụ eze. Ọghọ jun ẹ ẹhụ! Osolobuẹ yi ọghọ rịkẹ ẹwuru-nze; ọ kpọ ikẹn ọkịkị nọ kẹ akpụkpọ-ukun zeni. Ụwa rị ebe o tumẹ ẹ, o mẹhunmẹkọ.

Itẹn 3:19

Amamihiẹn kẹ Osolobuẹ gi gbe iyetọ ụwa, nghọta k'o gi dọnmẹ igwere ebe o dọnmẹ ẹ;

Itẹn 30:4

Onyẹ jẹntu elu-igwee hidan? Onyẹ gitu ẹka kpọnrin ufere? Onyẹ gitu mgburu ẹ fụma mirin rị igwere? Onyẹ mẹ ụwa ru ebe ile o ru? Kị wụ ẹfan a lẹ ẹfan nwa a? Gwa m — omẹni y'a marịnghọ!

Azaya 37:16

Euu Osolobuẹ Ihiẹn Ile rị okpuru ẹ! Chuku Izrẹlụ; Onyẹ hụn nọdị alị ukpo ẹ elu Chẹrobu ndị ahụn nwọn nku! Ịyụ wụ Chuku nke-esi hụn alị-eze ile rị elu-ụwa rị okpuru ẹ; ịyụ ke elu-igwee lẹ ụwa.

Azaya 40:22

Osolobuẹ nọdị alị ebe mẹ ohi-ohi ghahunmẹ ụwa, ndị ile bi elu ụwa rị kẹ kpamkpam ẹnya a. Ọ shịapụ igwere kẹ ịhara, ọ shịapụ a kẹ okpukpu ụlọ w'e bi.

Azaya 42:5

Lee ihiẹn Chuku wụ Osolobuẹ ku — Chuku hụn ke igwere ile, gbama wẹ; hụn gbama elu-ụwa lẹ ihiẹn ile a gha imẹ ẹ a pụha, Chuku hụn e ye ndị rị elu-ụwa uzun, e ye ndị ile rịn'a ndụn:

Azaya 44:24

Lee ihiẹn Osolobuẹ ku — ihiẹn Onyẹ hụn gbapụhan'ị ku, Onyẹ hụn mẹmẹ i imẹ ẹfọ-nnẹ i: ọ sị: “Mmẹ wụ Osolobuẹ hụn ke ihiẹn ile; mmẹ sụọ setịnpụ igwere; gi ẹka m gbama ụwa kẹ ẹkwa.

Azaya 45:12

Mmẹ ke ụwa, mmẹ ke ịhịan butọ elu ẹ; mmẹ gi ẹka m shịshịapụ igwere, kịpụha ihiẹn ile rịn'a che ebe wẹ rịsọnmẹ nwan.

Azaya 45:18

Makẹni ọnwan kẹ Osolobuẹ ku — Osolobuẹ, onyẹ hụn ke igwere; ịya wụ Chuku hụn ke ụwa, mẹmẹ ẹ k'ọ rị. Ịya ke ẹ, ẹlẹ kẹni ọ gba okpokoro, kanị o ke ẹ nị wẹ bi imẹ ẹ. Ọ sị, “Mmẹ wụ Osolobuẹ, ọzọ arịa.

Azaya 48:13

Ẹka m gbe iyetọ ụwa, ẹka-nni m shịshịapụ igwere; m kpọ wẹ, a pụha wẹ.

Azaya 49:8

Lee ihiẹn Osolobuẹ ku, “Ogẹn m k'e gi mẹ ọhụnma, m k'a za ị oku; ụhụọhịn m'e gi zụọpụha ị, m k'e yeni i ẹka. M k'e dọnmẹ i, gi i mẹzu nkwa m kwe ndị alị, kẹni i dọnzi alị, keyesọnmẹzi wẹ alị wẹ hụn te gba okpokoro

Jerimaya 10:13

Olu ẹ han, mirin ile rị igwere e dẹn; o mẹ mirin e rugbarị elu-ụwa ile. O mẹ amụma e be mirin gha e zue, ọ gha ebe o butọ ihiẹn e wepụha ufere.

Jerimaya 10:16

Kanị Osolobuẹ, Onyẹ ahụn wụ nke Jekọpụ, anọnị kẹ uwẹ — makẹni ịya ke ihiẹn ile — Izrẹlụ wụ ebọn nke ẹ kẹti-kẹti; Ẹfan a wụ Onyẹ Ihiẹn Ile Rị Okpuru ẹ.

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Jerimaya 27:5

mmẹ gi ẹka m lẹ ikẹn m hi-ogbe ke ụwa lẹ ịhịan lẹ anụmanụ rịn'a; m'e wezikwọ a e ye onyẹ m chọnị m ye ẹ.

Jerimaya 32:17

“Euu, Osolobuẹ ihiẹn ile rị okpuru ẹ, yụ gi ikẹn i hi-ogbe lẹ ẹka ị tịnpụ mẹmẹ igwere lẹ ụwa! Onwọnni ihiẹn a karị ị ẹka.

Zẹkaraya 12:1

Ọnwan wụ ihiẹn Osolobuẹ ku banyeni alị Izrẹlụ: “Lee ni ihiẹn Osolobuẹ ku, Osolobuẹ hụn gbama igwere, hụn ke ụwa, hụn ke mmọn rị imẹ ịhịan:

Jọnụ 1:3

Chuku ke ihiẹn ile rịnị ghahan'a; onwọnni ihiẹn Chuku ke hụn o kelẹni ghahan'a.

Ndị Kolosị 1:16

Makẹni, ẹka a kẹ Osolobuẹ gha ke ihiẹn ile rị elu-igwee lẹ ụwa: kẹ ndị w'e legha kẹ ndị wẹ ghalẹni e legha; kẹ ukpo ile kẹ ọkịkị ile; kẹ ndị-isi eje-mmọn kẹ ndị-ọkịkị wẹ. Osolobuẹ ke ihiẹn ile ghahan'a; ịya k'o keni wẹ ile.