Jerimaya 10:10 - Ika

¹⁰ Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Jerimaya 10:10 Iomraidhean Croise

Jẹnẹsisi 21:33

Ebraham nọ gbọ osisi Tamarisi ye Biẹshẹba, nọ ukun osisi ahụn ọ gbọma fe Osolobuẹ, Chuku Itẹbitẹ.

Ndị-nze Nke Ibuzọ 18:39

Ogẹn ndị ahụn ile gi hụn ihiẹnni, wẹ nọ tụha enwẹn wẹ ye alị, bu ihun kpumẹ alị, yimẹ “Osolobuẹ, ịya wụ Chuku! Osolobuẹ, ịya wụ Chuku!”

Ndị-nze Nke Ibuzọ 8:60

kẹni ndị ile rị elu-ụwa hụn ụzọ marịn nị Osolobuẹ wụ Chuku lẹni Chuku ọzọ arịa.

Ihiẹn Mẹni Nke Ibuzọ 29:11

Ịyụ kachanrịn, ikẹn wụzịkwọ nke i; ọghọ lẹ ikpẹn lẹ mgbaye wụchanrịn nke i — makẹni ihiẹn ile rị igwere lẹ ụwa wụ nke i. Alị eze wụ nke i, Osolobuẹ; ịyụ ka ihiẹn ile.

Ihiẹn Mẹni Nke Ẹbụọ 15:3

Ọrọgbọ ahụa ole-lẹ-ole Izrẹlụ esọnni Chuku wụ Chuku nke-esi enwọn wẹ onyẹ nchụn-ẹjan a kuzini wẹ, enwọn wẹ Iwu.

Jobu 9:6

O zinzin ụwa ọnọdị a, e mẹ ebe ile kwọndọnn'ẹ e mẹhunmẹ.

Ẹbụ-ọma 10:16

Osolobuẹ wụ Eze jẹnrin-ejẹn; ndị alị ọzọ rị alị a k'a lachanrịn iwi!

Ẹbụ-ọma 100:3

Marịn nị nị Osolobuẹ wụ Chuku. Ịya ke ẹnyi; ịya nwọn ẹnyi; ndị nke ẹ kẹ ẹnyi wụ, lẹ atụnrụn ọ rị a zụn.

Ẹbụ-ọma 100:5

Makẹni Osolobuẹ arịka mma; o nwọnsọnmẹ ihiẹn-ọsụsụọ o kwe nkwa a jẹnrin ejẹn, ọ wụsọnmẹ onyẹ wẹ e gi dọn ẹnya, gha agbọ d'e ru agbọ.

Ẹbụ-ọma 104:32

Osolobuẹ lehụ ụwa ẹnya, ụwa e zinzinmẹ; o mẹtụhụ ugu ọwụlẹ ẹka, ẹnwụnrụn a lọpụhama!

Ẹbụ-ọma 114:7

Alị, mẹhunmẹmẹ, n'ị rị ihun Osolobuẹ, n'ị rị ihun Chuku Jekọpụ,

Ẹbụ-ọma 145:13

Alị-eze i agụkọ; ọkịkị ị k'a tọ gha agbọ pụ agbọ. Osolobuẹ e mẹzuchanrịn nkwa a ile; o nwọn ihiẹn-ọsụsụọ ihiẹn ile o ke.

Ẹbụ-ọma 146:6

Onyẹ hụn ke elu-igwee lẹ ụwa lẹ ohimin lẹ ihiẹn ile rị imẹ wẹ, Osolobuẹ hụn e mẹsọnmẹ hụn run'ẹ jẹnrin ejẹn.

Ẹbụ-ọma 18:7

Alị e zinzin, mẹhunmẹ; ugu ile nọ zinzinru alị wẹ ile e mẹhunmẹ makẹni iwe we Osolobuẹ!

Ẹbụ-ọma 29:10

Osolobuẹ rị a kị ẹbi-mirin; Osolobuẹ wụ eze a kị jẹnrin ejẹn.

Ẹbụ-ọma 31:5

E bu m mmọn m che i ẹka; dodo, zụọpụha m, Osolobuẹ hụn furu wẹ gi e dọn ẹnya.

Ẹbụ-ọma 42:2

Ẹgụn Chuku rị a gụn m kẹ mirin, ẹgụn Chuku hụn rị ndụn rị a gụn m! Elee mgbe m'e gi jẹn ihun ẹ d'e fe ẹ?

Ẹbụ-ọma 68:11

Osolobuẹ zi ozi, ndị bu ọda nọ weri ozi ahụn ghagbarị, a sị,

Ẹbụ-ọma 68:8

alị e mẹhunmẹ, igwere e zue okẹn mirin, makẹni Chuku Saịnaị a pụha, makẹni Chuku Izrẹlụ a pụha!!

Ẹbụ-ọma 74:12

Kanị Chuku wụ eze m gha alị lala, eze hụn a zụọpụhasọnmẹ ịhịan elu-ụwanị:

Ẹbụ-ọma 76:7

O furu nị w'a tụ egun i! Onyẹ k'a saẹka wuzo ihun i ebe ị rị e bu olulu?

Ẹbụ-ọma 76:8

Ị nọ gha elu-igwee ma ndị-iṅẹnrẹn i ikpe; alị nọ mama piripiri, gba nkịtịn,

Ẹbụ-ọma 77:18

okẹn akpara ị hụ a han kẹ ẹbi ahụn dọn rị a kpọ; amụma ị begbarị elu-ụwa; elu-ụwa nọ zinzin ọda-ọda!

Ẹbụ-ọma 84:2

Ọ hụ a da m, a da m ọda-ọda, nị m banye ezi-ọgwa Osolobuẹ! Kẹ obi m kẹ ẹhụ m rị a bụnị Chuku rị ndụn ẹbụ ịghọghọ!

Ẹbụ-ọma 9:8

O k'a hannị ụwa ile ezigbo eṅẹn; o k'e gi ezioku kị alị ile.

Ẹbụ-ọma 90:11

Onyẹ k'a s'ẹka marịnchanrịn kẹ olulu i zehan? Kẹ ọnụma ị han kẹ wẹ gi a tụ egun i.

Ẹbụ-ọma 90:2

N'i d'e ke ugu ọwụlẹ, n'i d'e ke ụwa lẹ ndị rịn'a, ịyụ wụ Chuku; ị wụ Chuku ẹdẹi; ịyụ wụzịkwọ Chuku jẹnrin-ejẹn.

Ẹbụ-ọma 93:2

Ukpo-eze i rị ẹdẹi; Yụ nwẹn rịzịkwọ ẹdẹi.

Ẹbụ-ọma 97:4

Amụma a e begbarị ụwa ile; alị hụn a, o zinzinmẹ!

Azaya 37:17

Osolobuẹ, dodo gọn ntịn n'ị nụ! Osolobuẹ, dodo shịapụ ẹnya ị n'ị hụn! Nụ ihiẹnni ile Sẹnakẹribụ zi wẹ d'e ku hụn o gi a kpari ịyụ wụ Chuku hụn rị ndụn.

Azaya 37:4

O nwọn ikẹn mẹni Osolobuẹ wụ Chuku i a nụgụọ oku-ọnụ onyẹ-isi agha Asiria — onyẹ hụn eze Asiria zi d'a kpari Chuku hụn rị ndụn. Ikẹnkwọ Osolobuẹ wụ Chuku i a jụgbọ a yeni ihiẹn Osolobuẹ nụ ọnụ a. Dodo, mẹni ẹnyi ndị họdụ alịnị ekpere!’ ”

Azaya 40:15

Alị ile nọhụ kẹ ntan-ntan mirin ohu rị imẹ igbeju; wẹ nyịnhanhụ kẹ uzunzun elu ihiẹn o gi a ma ihiẹn; O gihụ mkpịnsịn ẹka e deri alị ile rịdẹ mkpẹnrẹn ohimin lekẹ uzunzun riẹnni.

Azaya 40:28

Y'a marịn? Y'e ke nụ? Osolobuẹ wụ Chuku hụn rị jẹnrin ejẹn, Onyẹ hụn ke ebe ile ụwa ru. Ndụn agụkọ a, ẹhụ arọkọ a, onwọnni onyẹ marịn kẹ nghọta a han.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 65:16

Ogẹn ahụn, onyẹ ọwụlẹ chọ nwan n'ọ gọzi ịhịan o gi ẹfan Chuku ezioku gọzi; onyẹ chọ n'o kun iyi, o kun ẹfan Chuku ezioku. Anyanhankọzị wẹ nsọngbu isi-ibuzọ, makẹni mmẹ nwẹn wụ Osolobuẹ arịzị a hụn wẹ.

Jerimaya 23:36

Amakwọlẹ ni ama kpọ ozi Osolobuẹ ibu; ekuzilẹ n'ẹ, makẹni ihiẹn onyẹ-onyẹ ku wụ ibu ẹ. Ụnụ rị e fị oku Chuku — Chuku hụn rị ndụn, Osolobuẹ ihiẹn ile rị okpuru ẹ, hụn wụ Chuku ẹnyi.

Jerimaya 4:2

omẹni ụnụ hụ e gi ezioku lẹ ẹka rị mma lẹ ezi-omumẹ a sị, ‘Ma Osolobuẹ’ ụnụ gi e kun ẹfan m ogẹn ahụn alị ndị ọzọ e gi ẹfan Osolobuẹ gọzimẹ ibe wẹ, gi Osolobuẹ nyanma isi.”

Jerimaya 4:24

E lee m ugu ile, wẹ hụ e zinzin, òke ile hụ e rue.

Jerimaya 50:46

Ọdịdan wẹ k'e mẹhunmẹ ụwa; ẹkwan wẹ k'e rudẹ alị ichẹn-ichẹn.

Jerimaya 51:29

Elu ụwa jẹnkọ d'e mẹhunmẹ, a fịkọ, makẹni Osolobuẹ k'e mẹrịrị ihiẹn ọ mamanị Babilọnụ — ntikpọ hụ ọ sị o k'e tikpọ alị Babilọnụ, nkewụnị ịhịan ebikọzị a.

Daniẹlụ 4:3

Ọ ghọsịkakwọ ẹka-o! Ọ rụnkakwọ ihiẹn a tu ẹnya!! Alị-eze ẹ wụ alị-eze itẹbitẹ; ọkịkị a k'e ru agbọ ile.

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Daniẹlụ 6:27

Ọ gbapụha ịhịan, a zụọpụha; o mẹ ihiẹn a ghọsị ẹka a lẹ ihiẹn a tụ ẹnya imẹ elu-igwee lẹ enu-ụwa. Ọ gbapụhagụọ Daniẹlụ ọnụ ẹwọrọ.”

Daniẹlụ 7:14

Wẹ nọ ye ẹ ikẹn lẹ ọghọ lẹ ọkịkị hụn ihiẹn ile gi a rị okpuru ẹ; ndị ile rị ichẹn-ichẹn, ndị alị ile lẹ asụsụ ile hụ e fe ẹ. Ọkịkị a wụ ọkịkị jẹnrin ejẹn hụn jẹnkọlẹni d'a gụ. Alị-eze ẹ wụ hụn wẹ jẹnkọlẹni d'e tikpọ.

Juwẹlụ 2:11

Osolobuẹ rị wẹ ihun e gi akpara e ye olu, hụn o gi dukọ ndị-agha a! Ndị-agha ọ kịla ẹlẹ hụn w'a gụn! Igwerigwe hụn e mẹchanrịn ihiẹn ọwụlẹ o ku! Ụhụọhịn Osolobuẹ k'a wụ okẹn ụhụọhịn, o k'a rị egun! Onyẹ k'a saẹka wuzo?

Maịka 1:4

Ugu ichẹn-ichẹn jẹnkọ d'a rịnranpụtọ okpuru ụkụ a, ọdanmgbugbu ichẹn-ichẹn e tiwa, rịkẹ ebe ọkụn nọ rịnranpụ ofugbọn, nọkẹ ebe mirin rị e hutu mkpọtu òke.

Nahum 1:5

Ugu hụn a, e mẹhunmẹ wẹ, elu òke hụn a, a rịnranpụ wẹ. Ọ pụha, elu-ụwa a mama piripiri, elu-ụwa lẹ ndị ile rịn'a!

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Habakọkụ 3:10

Ugu a hụn ị k'ị lala, ọ nọ fịkọma yeni egun; okẹn mirin e zuemẹ; mirin ohimin e yi oro, kịshin'i ẹka elu;

Habakọkụ 3:6

Ọ kụsị, alị nọ mahihie; o lee ẹnya, ndị alị ile a mama piripiri. Ugu ndị rị kete-kete e tiyịya, òke ndị rị ẹdẹi e ziẹntu, makẹni wẹ ile rị okpuru ẹ.

Malakaị 3:2

Kanị, onyẹ k'a hụn isi ogẹn o k'e gi bịa? Onyẹ k'a s'ẹka turu mgbe o gi pụha? Makẹni, ọ nọ kẹ ọkụn wẹ gi a dụnchanpụ nsịn-igwe lẹ ncha wẹ gi a sụ ẹkwa!

Matiu 16:16

Saịmọnụ wụ Pita nọ za, sị, “Yụ wụ Kraịstị hụn wụ nwa OSOLOBUẸ RỊ NDỤN.”

Matiu 26:63

Kanị Jizọsị a gba nkịtịn. Onyẹ-isi nchụn-ẹjan nọ sị a, “E gi m ẹfan Osolobuẹ rị ndụn sị ị gwa ẹnyi omẹni ịyụ wụ Kraịstị Nwa Osolobuẹ.”

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Ọrụn Ndị-ozi 14:15

“Ibe ẹnyi, kị ụnụ rị e mẹ ihiẹnni?! Ẹnyi wụhụ ịhịan mmaka nọ kẹ ụnụ!! Ẹnyi wẹhẹni ụnụ oziọma, kẹni ụnụ hụn ụzọ gbehutọ, la ihiẹn ndịnị nwọnlẹni-isi tọ, pụha d'e kunrun Osolobuẹ rị ndụn, onyẹ hụn ke elu-igwee lẹ ụwa lẹ ohimin lẹ ihiẹn ile rị imẹ wẹ.

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Ditrọnọmi 5:26

Onyẹ nụtu olu Chuku hụn rị ndụn kẹ ọ gha imẹ ọkụn a hanpụha kẹ ẹnyi dọn nụ a, hụnyẹ nọ rị ndụn?!

Ndị Tẹsalonika Ibuzọ 1:9

Makẹni, wẹ hụ e ku oku ẹnyi — kẹ ụnụ dọn nabanhan ẹnyi ọhụnma-ọhụnma lẹzi kẹ ụnụ dọn febehi mmọn, femẹ ezigbo Osolobuẹ rị ndụn,

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Timoti Ibuzọ 6:17

Nke ndị wụ ọdanfịn elu ụwanị, gba wẹ mkpịnsịn-ẹka, sị wẹ apachelẹ mọbụ gi ẹfe (akụ-lẹ-ụba) ụwanị ghalẹni a tọ dọn ẹnya. Kama, wẹ gi Osolobuẹ dọn ẹnya, onyẹ hụn e yechanrịn ẹnyi ihiẹn ile e yekwasị kẹni ẹfọ a sụọ ẹnyi ụsụọ.

Hibru 10:31

N'ọ jọkakwọ njọ ebe ịhịan a nọ danye ẹka Osolobuẹ rị ndụn.

Joshụa 3:10

Ọnwan kẹ ụnụ e gi marịn nị Osolobuẹ rị ndụn rị imẹ igunrun ụnụ, marịn n'o k'a chụpụrịrịnị ụnụ ndị Kenaanị lẹ ndị Hẹti lẹ ndị Hivu lẹ ndị Pẹrẹzi lẹ ndị Gẹgashị lẹ ndị Amọ lẹ ndị Jebusu.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.

Ndị Han Eṅẹn 5:4

Euu Osolobuẹ, ogẹn i gi gha Sẹẹ buli, ogẹn i gi gha alị Ẹdọm jẹnpụha, alị nọ zinzin, igwere nọ zue mirin; igwere nọ hutu mirin.

Samuẹlụ Nke Ibuzọ 17:26

Defidi hụzị a jụ ndị wuzo ebe ọ rị, “Kịnị kẹ wẹ jẹnkọ d'e ye onyẹ gbu onyẹ Filistia-nị, wepụnị Izrẹlụ ifẹnrẹnni? Onyẹ wụdẹ nwan onyẹ Filistia-nị kwalẹni ugun, o gi a kpọ ndị-agha Chuku mgba, Chuku hụn rị ndụn?”

Samuẹlụ Nke Ibuzọ 17:36

Mmẹ odibo i e gbugụọ kẹ ẹwọrọ kẹ biẹ; onyẹ Filistia-nị kwalẹni ugun k'a nọ kẹ wẹ, makẹni ọ kpariọlẹ ndị-agha Chuku, Chuku hụn rị ndụn!