Jerimaya 1:8 - Ika

⁸ Atụkwọlẹ egun wẹ, nị m k'a nọyeni i, zụọpụha ị.” Ya kẹ Osolobuẹ ku.

Jerimaya 1:8 Iomraidhean Croise

Ọpụpụ 3:12

Chuku nọ za sị, “M jẹnkọ d'a nọyen'i. Ihiẹn sikọ d'a ghọsị ị nị mmẹ zi i wụ ọnwan: ị ghagụ Ijiptu wepụha wẹ, ụnụ k'a nọ uguni fe m.”

Azaya 43:2

Ị ghakọnị imẹ mirin, m k'a nọyeni i; ị ghakọnị imẹ iyi, erukpumekọ wẹ i; ị ghakọnị imẹ ọkụn, ọkụn erẹnkọ ị — y'a dụnkọ ọkụn,

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Azaya 51:7

“Gọn ni m ntịn, ụnụ ndị marịn ihiẹn furuni, ụnụ ndị iwu m rị obi: Atụlẹ ni egun nkọrịanị ịhịan mọbụ mama piripiri ni wẹ rị a kpari ụnụ.

Jerimaya 1:17

“Kọnrin nwan ọrụn, y'e lihi n'ị gwa wẹ ihiẹn ọwụlẹ m k'a sị ị gwa wẹ. Atụkwọlẹ egun wẹ, makẹni i mẹ ẹ, m k'e rọn ị egun idẹnya wẹ.

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 20:11

“Kanị Osolobuẹ nọyeni m anọyeni nọkẹ okẹn odogun-agha. Ya wụnị ndị rị e kpokponi m jẹnkọ d'a dan, emẹrikọ wẹ; wẹ jẹnkọ d'a fa ọhụnma-ọhụnma ifẹnrẹn wẹ agụkọ.

Jerimaya 30:11

M k'a nọyen'i, zụọpụha ị. Ọsụọn'a m tikpọchanrịn alị ndị ahụn ile m fe i ye, e tikpọchanrịnkọ m'ị. M k'e ye i afụnfụn nkesi, kanị hụn furuni; anịkọ m'ị lachanrịn ọfẹ. Ya kẹ Osolobuẹ ku.”

Jerimaya 39:11

Nebukadineza wụ eze ndị Babilọnụ a gwagụọlẹ Nebuzaradanị hụn wụ onyẹ-isi ndị-agha e che ẹ nche ẹka w'e gi sọn Jerimaya. Ọ sị a,

Jerimaya 42:11

Atụzịlẹ ni egun eze Babilọnụ ụnụ rị a tụ. Atụlẹ ni egun ẹ. Makẹni, m jẹnkọ d'a nọyeni ụnụ, zụọpụha ụnụ ẹka a. Mmẹ wụ Osolobuẹ e kugụọ a.

Daniẹlụ 3:17

Omẹni, Chuku ẹnyi rị e fe a chọghọ n'ọ zụọpụha ẹnyi imẹ ọkụnnị lẹ ẹka ị, o k'a gbapụha ẹnyi ẹka ị, Agụ.

Daniẹlụ 3:25

Ọ nọ sị, “Lee n'ẹ, m rị a hụn ikẹnnyẹ ẹnọ rị e jẹnhunmẹ imẹ ọkụn — ekẹnmẹni wẹ wẹ, onwọnni ihiẹn mẹni wẹ; hụn mẹ wẹ ẹnọ nọ kẹ mmọn.”

Matiu 10:26

“Ya wụ, atụlẹ ni nwan egun wẹ. Makẹni, onwọnni ihiẹn kpumẹni hụn jẹnkọlẹni d'e kpupụ mọbụ ihiẹn zuerini hụn jẹnkọlẹni d'a wa.

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Ọrụn Ndị-ozi 18:10

makẹni m rị ị azụụn. Onwọnni onyẹ k'e mẹtụ ị ẹka, mẹ i ihiẹn ọwụlẹ, makẹni m nwọn ndị bu ọda imẹ obodoni.”

Ọrụn Ndị-ozi 26:17

M k'a gbapụha ị ẹka ndị nke ụnụ, ndị Izrẹlụ, gbapụha ị ẹka ndị alị ọzọ m zikọ ị d'e kunrun.

Ọrụn Ndị-ozi 4:13

A hụn wẹ kẹ Pita lẹ Jọnụ dọn rị e ku, e kushi ẹ ikẹn, bụ a marịngụọ wẹ nị ejẹnni wẹ ụlọ-ẹkụkwọ, ejẹnni wẹ ọzụnzụn, ọ tụ wẹ ẹnya; ya wẹ nọ ghọta nị wẹ lẹ Jesu a wịọlẹ haịn.

Ọrụn Ndị-ozi 4:29

Di-nwọnni-ẹnyi, lee nwan egun wẹ rị e rọn ndị idibo i; dodo ye idibo i obi kushi oku i ikẹn,

Ndị Ẹfẹsọsụ 6:20

m wụ nwan ụkọ oziọma hụn yi ẹgan, e mẹni ni m ekpere nị m hụn ụzọ e ku ẹ e kushi ikẹn k'o furu nị m'e ku ẹ.

Ditrọnọmi 31:6

Kakẹnmẹ ni; rikin ni obi! Atụlẹ ni egun, amalẹ ni ni piripiri, makẹni ụnụ lẹ Osolobuẹ wụ Chuku ụnụ wị jẹnkọ, ọ hapụkọ ụnụ mọbụ la ụnụ tọ.”

Ditrọnọmi 31:8

Osolobuẹ lẹ enwẹn ẹ k'e buruni ụnụ ụzọ; o k'a nọyeni ụnụ; ọ hapụkọ ị mọbụ la ị tọ. Atụlẹ egun; anịlẹ ndụn gụ ị.”

Joshụa 1:5

Onwọnni onyẹ sikọ d'a s'ẹka che i ọgụn y'e we nwụn. Kẹ m dọn nọyeni Mozizi kẹ m k'a dọn nọyeni i; alatọkọ m'ị, ajụtọkọ m'ị.

Joshụa 1:9

Agwagụọnị m'ị? Kakẹnmẹ; rikin obi; atụkwọlẹ egun; anịlẹ ndụn gụ ị, makẹni Osolobuẹ wụ Chuku i k'a nọyen'i ebe ọwụlẹ i jẹnkọ.”