Jerimaya 1:18 - Ika

¹⁸ Tannị, e mẹgụọ m'ị wụrụ obodo wẹ tụnhunmẹ mgbọn zeni lẹ adansụn igwe lẹ mgbọn wẹ gi igwe-bronzu mẹmẹ, hụn k'e turu sọn ndị alịnị ile dọ — kẹ ndị-nze k'a kịsọnmẹ alịnị wụ Juda kẹ ndị-isi ẹ kẹ ndị nchụn-ẹjan a kẹ ndị alịnị ile.

Jerimaya 1:18 Iomraidhean Croise

Azaya 50:7

Makẹni Di-nwọnni-ẹnyi wụ Osolobuẹ hụ e yeni m ẹka, afanị m. Elekọ m ẹnya azụụn; a marịnghọ m nị afakọ m.

Jerimaya 1:17

“Kọnrin nwan ọrụn, y'e lihi n'ị gwa wẹ ihiẹn ọwụlẹ m k'a sị ị gwa wẹ. Atụkwọlẹ egun wẹ, makẹni i mẹ ẹ, m k'e rọn ị egun idẹnya wẹ.

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 15:10

Euu nnẹ m, ọ jọkakwọ n'ị mụ m amụ! E họnringụọ m onyẹ-oku lẹ onyẹ-adịdọ! Ẹlẹ m onyẹ e zinye ịhịan egho, erini m ụgwọ, kanị ịhịan ile hụ nwan a kpọ m iyi.

Jerimaya 15:20

M k'e mẹdẹ i wụrụ ẹhụ-ẹjan ebe ndịnị rị, ẹhụ-ẹjan igwe-bronzu zegbu enwẹn ẹ. Wẹ k'a lụsọn i ọgụn, kanị onwọnni ihiẹn wẹ k'a saẹka mẹ i, makẹni m nọyeni i anọyeni — m k'a gbapụha ị; m k'a zụọpụha ị — Ya kẹ Osolobuẹ ku.

Jerimaya 20:11

“Kanị Osolobuẹ nọyeni m anọyeni nọkẹ okẹn odogun-agha. Ya wụnị ndị rị e kpokponi m jẹnkọ d'a dan, emẹrikọ wẹ; wẹ jẹnkọ d'a fa ọhụnma-ọhụnma ifẹnrẹn wẹ agụkọ.

Jerimaya 21:4

Osolobuẹ wụ Chuku alị Izrẹlụ sị, ‘M'e d'e gi ihiẹn-agha ị lụsọn i agha. Ndị-agha ị ahụn i gi nwan e mẹ uche i rịhụ a lụsọn Nebukadineza eze Babilọnụ lẹ ndị ya lẹ wẹ wị kehunmẹ ụnụ agha mmaka, makẹni m jẹnkọ d'e webanhandẹ Nebukadineza wẹ imẹ obodoni.

Jerimaya 26:24

Kanị, makẹni Ahikam nwa Shafanị nọ Jerimaya ye azụụn, ewezini wẹ nwan Jerimaya nkẹ ye ndị alị gbu.

Jerimaya 34:3

Yụ lẹ enwẹn i wụ Zẹdikaya awanahịnkọ eze Babilọnụ hụ, kaka. Wẹ k'a nwụndọnrịrị ị, bu i che ẹ ẹka. Yụ lẹ ịya k'a hụn elee-m elee-i, ụnụ e kutarị elee-m, elee-i. Wẹ k'a kpụn ị shi Babilọnụ.

Jerimaya 37:7

“Osolobuẹ, Chuku Izrẹlụ, sị ‘Lee ihiẹn ụnụ sikọ d'e zi eze alị Juda hụn zihẹ ụnụ d'a jụ m ọnụ m: Ndị-agha Fẹro hụn te lala d'e yeni ụnụ ẹka erukọ ebeni, wẹ k'e kin azụụn lakin alị wẹ wụ Ijiptu.

Jerimaya 38:18

Kanị, omẹni y'e weni enwẹn i ye ndị-isi agha eze Babilọnụ, obodoni jẹnkọ d'a ban ndị Babilọnụ ẹka, a kpọ w'a ọkụn ru alị; kẹ yụ lẹ enwẹn i awanahịnkọdẹ wẹ.’ ”

Jerimaya 38:2

“Osolobuẹ sị, ‘Onyẹ nọdị imẹ obodoni ọpịa-agha mọbụ ẹgụn mọbụ eje-emu e gbu ẹ. Kanị, onyẹ hụn fetuni we enwẹn ẹ ye ndị Babilọnụ k'a rị ndụn; o k'a hụn isi wanahịn; ọ nwụnkọ.’

Jerimaya 42:22

Gọn nị nwan ntịn; ya we ụnụ ẹnya nị omẹni ụnụ e jẹn d'e biri Ijiptu hụ ụnụ sị ụnụ jẹnkọ d'e biri, agha lẹ ụnwụn lẹ eje-emu jẹnkọ d'e gbu ụnụ.”

Jerimaya 6:27

Osolobuẹ sị m, “E tumẹgụọ m'ị onyẹ e gi ọkụn e lele kẹ igwe nọ; ndị nke m wụ nwan igwe wẹ kelẹni kpụ; i k'e lele wẹ nwan kẹ w'e lele igwe; i k'e lele kẹ w'e bi.

Jọnụ 1:42

Andrụ nọ we Saịmọnụ d'e kunrun Jizọsị. Jizọsị nọ bu ẹnya tụma Saịmọnụ, sị a, “Yụ wụ Saịmọnụ nwa Jọnụ. Ẹfan ị jẹnkọ nwan d'a wụ Kẹfasị.” (Kẹfasị wụ Pita ọnụ Griki hụn wụ Ọmụma).

Rẹvẹleshọnụ 3:12

Onyẹ hụn mẹrini kẹ m k'e gi họnrin adansụn imẹ Ụlọ-nsọ Osolobuẹ m, ọ pụkọzị ebẹhụ kaka! M k'e de ẹfan Osolobuẹ m lẹ ẹfan Jerusalẹm ọhụn wụ obodo uku Osolobuẹ m ye ẹ ẹhụ, Jerusalẹm hụn k'a gha elu-igwee lẹ ẹka Osolobuẹ m bịa; m k'e dezikwọ ẹfan ọhụn m ye onyẹ ahụn ẹhụ.