Jerimaya 1:14 - Ika

¹⁴ Ya kẹ Osolobuẹ nọ sị m, “Wẹ k'a gha ẹbamịn-ugu hu ntikpọ kpu ndị ile rị alịnị.

Jerimaya 1:14 Iomraidhean Croise

Azaya 14:31

Yụ wụ ọnụ-mgbọn, gomẹkwọ! Yụ wụ obodo, kwanmakwọ! Ụnụ ndị Filistia, tụmakwọ nị egun! Wẹ gha ibe ugu lala nọkẹ ẹnwụnrụn lọtọnị d'a lụsọn ụnụ agha, onwọnni onyẹ-agha a la azụụn imẹ wẹ!

Azaya 41:25

A kpọligụọ m onyẹ ohu rị ẹbamịn-ugu; ọ lala, onyẹ ohu hụn rị ẹbamịn ọwụwa-ẹnyanwụn — hụn a kpọku ẹfan m. Ọ zọ ndị-ọkịkị ụkụ nọkẹ sị wẹ wụ ụrụa, nọkẹ ọkpụ-ite rị a zọ ụrụa o gi a kpụ ite.

Jerimaya 10:22

Gọn ntịn! Ẹnyi hụ a nụ ozi, okẹn mkpọtụ ndị agha alị rị ẹbamịn-ugu! Wẹ k'e mẹ obodo ndị rịsọnmẹ alị Juda gba okpokoro, ọ wụrụ ebe nkitẹ-ọfịa e bi.

Jerimaya 11:17

Osolobuẹ ihiẹn ile rị okpuru ẹ, hụn kụnn'ị e kugụọ a nwan nị okẹn-ihiẹn k'e mẹ i, makẹni ụnụ ndị Izrẹlụ lẹ Juda e mẹgụọ eje-ihiẹn, kpasu m iwe yeni nsẹnsi ụnụ rị a mụyeni mmọn wụ Baalụ.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 31:8

M jẹnkọ d'a gha alị hụ rị ẹbamịn-ugu wekinhẹn wẹ, gha ebe ile wẹ rị imẹ ụwa welụa wẹ. Ndị ẹnya-ishi lẹ ndị ngụrọ k'a rịdẹ imẹ wẹ, kẹ ikpoho rị imẹ lẹ ndị imẹ rị e mẹ, igunrun ahụn k'a lụanị k'e hi-ogbe.

Jerimaya 4:6

Weshi ahịma elu nị ịhịan ile jẹnmẹ Zayọnụ! Gbakwọ nị ọsọ ndụn, egbukwọlẹ ni ogẹn! Makẹni m gha ẹbamịn-ugu wela ntikpọ, eje-ntikpọ k'o k'a wụkwọ!”

Jerimaya 46:20

“Ijiptu nọ kẹ nwa-efin ma mma ọda-ọda; kanị ẹnwụn lala d'a gba a — ẹnwụn gha ẹbamịn-ugu lala.

Jerimaya 47:2

Osolobuẹ sị: “Lee kẹ iyi rị alị rị ẹbamịn-ugu dọn rị e ru — Wẹ jẹnkọ d'e jun pụ ọnụ, huru — huru alị lẹ ihiẹn ile rịn'a huru obodo ndị rị alị hụ lẹ ndị bi imẹ wẹ. Ịhịan ile k'a rị e yi oro; ndị bi alị hụ k'a rị e goo,

Jerimaya 50:41

Lee ẹ! Ndị-agha alị rị ẹbamịn-ugu lala; m rị a kpọli okẹn alị lẹ ndị-nze bu ọda; wẹ k'a ghasọnmẹdẹ ebe ụwa ru bịa.

Jerimaya 50:9

Lee ẹ, m sikọ d'a kpọli alị ichẹn-ichẹn wẹhẹ wẹ d'a lụsọn Babilọnụ agha, alị ichẹn-ichẹn hụn k'e bugbu enwẹn wẹ ọda, hụn ghasọnmẹ ẹbamịn-ugu bịa. Wẹ k'e werisọnmẹ ọnọdị lụsọn ẹ agha, gha ebẹhụ weri ẹ. Ụta wẹ jẹnkọ d'a nọ kẹ nke odogun-agha, hụn ghalẹni agbafie.

Jerimaya 6:1

“Zụọrịkwọ nị isi ụnụ, ụnụ ndị Bẹnjamini! Ghakwọ nị Jerusalẹm gbapụ! Gbu ni ni wẹ (opi) ọdụ imẹ obodo Tẹkụa nị wẹ gbapụ! Weshini ni wẹ ihiẹn-ahịma elu imẹ Bẹt-Hakẹrẹm kẹni wẹ gbapụ. Makẹni ẹregede nsọngbu gha ẹbamịn-ugu lala, okẹn ntikpọ hụn k'a jọgbu enwẹn ẹ.

Jerimaya 6:22

Osolobuẹ sị, “O nwọn okẹn alị lalanị: okẹn alị hụn rị ẹbamịn-ugu; okẹn alị ohu rị a kwademẹ, alị hụn rị ebe ụwa ru.

Izikẹlụ 1:4

E lee m ẹnya, m nọ hụn okẹn ufere gha ẹbamịn-ugu kpọla lẹ okẹn orukpu. Ọkụn hụ a gha imẹ orukpu hụ e nwunpụha, ukpẹ hụ e nwunhunmẹ ẹ. Ihiẹn nọ kẹ igwe rị e be nwanran-nwanran hụ etintinnaị ọkụn hụ.

Izikẹlụ 24:3

“Ta nị ebọn isi-ikẹnni ilu, sị wẹ: Lee ihiẹn Osolobuẹ Nwọn Ihiẹn Ile ku: ọ sị, ‘Dọ ite ye ọkụn; dọ a ye; hu mirin ye imẹ ẹ.

Juwẹlụ 2:20

M k'e chụpụ nị ụnụ ndị-agha ahụn gha ẹbamịn-ugu bịa; m k'a chụ wẹ shi atụ, alị ọkpọ-nkụn nwọnlẹni onyẹ bin'ẹ. M k'a chụ ndị rị ihun shi ohimin rị ẹbamịn ọwụwa-ẹnyanwụn, a chụ m ndị rị azụụn shi ohimin rị ẹbamịn ọdịdan-ẹnyanwụn. Ozun wẹ k'e shinja, o k'a ghadẹ imẹ mirin e shinpụha. “Eziẹ, Osolobuẹ e mẹọlẹ okẹn ihiẹn!

Zẹkaraya 6:6

Ụgbọ hụn ẹshin ogi ndị ahụn dọkpụnkọ shikọ alị Babilọnụ rị ẹbamịn-ugu; ẹshin ọchan ndị ahụn hụ e sọn wẹ; ẹshin ẹkịrịka ndị ahụn shikọ alị rị ẹbamịn ndịdan-mirin.”