Jẹnẹsisi 8:4 - Ika

⁴ nke akpọhịn mmẹsa imẹ ifọn nke ẹsa, ụgbọ ahụn pụ ichẹn nọ deri elu ugu Araratị.

Jẹnẹsisi 8:4 Iomraidhean Croise

Jẹnẹsisi 7:20

Mirin ahụn a karị ugu ndị ahụn, gi ụbụkụ ẹbụọ kwasị ọgụn jẹnnahịn wẹ elu.

Jẹnẹsisi 8:5

Mirin ahụn hụkwọ a tahị d'e ru ifọn nke iri. Ụhụọhịn ibuzọ imẹ ifọn nke iri ahụn, wẹ nọ leghama mkpọnụnụ ugu ichẹn-ichẹn.

Ndị-nze Nke Ẹbụọ 19:37

Ụhụọhịn ohu, ebe ọ rị imẹ ụlọ-mmọn Nis'rọkụ hụn wụ mmọn a, a rụa a, ya ụmụ a ikẹnnyẹ ẹbụọ wụ Adramẹlẹki lẹ Sharẹza nọ gi ọpịa-agha gbu ẹ, gbashi alị Araratị. Ya kẹ nwa a wụ Ẹsahadọnụ nọ nọkin ẹnya a, kịma.

Azaya 37:38

O ru ụhụọhịn ohu, ebe ọ rị e fe ofufe imẹ ụlọ mmọn a wụ Nis'rọkụ, ụmụ a ikẹnnyẹ ẹbụọ wụ Adramẹlẹki lẹ Sharẹza nọ gi ọpịa-agha wẹ gbu ẹ — gbashi alị Araratị. Nwa a okẹnnyẹ ọzọ wụ Ẹsahadọnụ nọ rikin ẹ eze.

Jerimaya 51:27

“Weshi ni ihiẹn-ahịma elu nị ndị alị kọnrin agha! Gbu nị opi imẹ alị ichẹn-ichẹn! Kwademẹ ni alị ichẹn-ichẹn nị wẹ d'a lụsọn ẹ agha; kpọhanị alị-eze ndịnị d'a lụsọn ẹ agha: ndị Araratị lẹ ndị Mini lẹ ndị Ash'kẹnazị. Tumẹ ni ọkị-agha; wẹhẹ ni ndị-agha gi ẹshin a lụ hụn bu ọda kẹ igurube.