Jẹnẹsisi 7:12 - Ika

¹² Ya mirin nọ zue elu-ụwa ọrọgbọ akpọhịn ọgụnnaị, kẹ uhinhin kẹ efinaị.

Jẹnẹsisi 7:12 Iomraidhean Croise

Jẹnẹsisi 7:17

Mirin ahụn hụ e jẹn elu ojijẹn-ojijẹn elu-ụwa ọrọgbọ akpọhịn ọgụnnaị; mirin hụ e jun, e jẹnwaye elu, e buli ụgbọ ahụn elu; ụgbọ hụ pụ-ichẹn nọ shiẹnrin elu mirin.

Jẹnẹsisi 7:4

Makẹni, akpọhịn ẹsa tannị, m k'e zihẹ mirin k'e zue ọrọgbọ akpọhịn ọgụnnaị, uhinhin lẹ efinaị; m k'e gi ẹ gbupụ ihiẹn ile rị ndụn m ke hụn rị imẹ ụwa.”

Jẹnẹsisi 8:2

mẹ isi-mirin ile rị imẹ alị lẹ oghe ile mirin rị igwere gha e zuetu kpukin; mirin gha elu-igwere e zuetu e zuebehi.

Ndị-nze Nke Ibuzọ 19:8

Ya kẹ Ẹlaịja nọ lihi, ri, ra. Ọ nọ gi ihiẹn-oriri hụ o ri hụn ndụn o gi jẹn ijẹn uhinhin lẹ efinnaị ọrọgbọ akp'ọhịn ọgụnnaị, n'o d'e ru Horẹbụ, Ugu Osolobuẹ.

Ọpụpụ 24:18

Mozizi e nyinrin ugu hụ, banye imẹ orukpu ahụn; efinaị lẹ uhinhin akpọhịn ọgụnnaị k'ọ nọdị elu ugu ebẹhụ.

Matiu 4:2

Jizọsị bu ọnụ ukinkin lẹ efinnaị, ọrọgbọ akpọhịn ọgụnnaị; omẹgụ, ẹgụn nọ gụnma a.

Ditrọnọmi 10:10

Nke m, akp'ọhịn ọgụnnaị kẹ m nọdị elu ugu ahụn, uhinhin lẹ efinnaị, kẹ m dọn nọ a mbụ. Osolobuẹ nọzịkwọ nụ arịrịọ m ogẹn ahụn k'o dọn nụ a mbụ; makẹni ẹlẹ uche ẹ n'o gbupụ ụnụ.

Ditrọnọmi 9:18

Ya m nọzị tụha enwẹn m ye alị, we ihun kpumẹ alị idẹnya Osolobuẹ akp'ọhịn ọgụnnaị, uhinhin lẹ efinaị; erini m ihiẹn-oriri, a ranị m mirin, makẹ njọ ile ụnụ mẹ ụnụ gi mẹ ihiẹn rịlẹni mma ẹnya Osolobuẹ, gi ẹ kpasu ẹ iwe.

Ditrọnọmi 9:9

Ogẹn m gi nyinrin elu ugu ahụn d'e wẹhẹ ibe ọmụma ndị ahụn, ibe ọmụma ndị ahụn Osolobuẹ deye nkwerigbama hụn o gi kwọngbama ụnụ lẹ ya, m nọ elu ugu hụ akp'ọhịn ọgụnnaị, uhinhin lẹ efinaị, erini m ihiẹn-oriri, aranị m mirin.

Pita Nke Ẹbụọ 3:6

ọ nọ gizi oku-ọnụ a mẹmẹ mirin, okẹn mirin, tikpọ ụwa mbụ hụ la iwi.