Jẹnẹsisi 48:4 - Ika

⁴ Ọ sị m, ‘Lee ẹnya, m k'e mẹ i mụba, ba ụba ọda-ọda; m k'e gi i họnrin alị hụn nwọn alị ichẹn-ichẹn; m k'e we alịnị ye ụmụ ị n'ọ wụrụ nke wẹ jẹnrin-ejẹn.’

Jẹnẹsisi 48:4 Iomraidhean Croise

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Jẹnẹsisi 17:13

Ẹghẹẹ, kẹ igbọn wẹ nọ iwe i mụ kẹ igbọn i gi egho ṅọnrin k'a kwarịrị ugun. Ẹrịra kẹ ụnụ k'e bu ahịma nkwerigbama m ẹhụ ụnụ jẹnrin ejẹn.

Jẹnẹsisi 17:6

M k'e mẹ i barahị; m k'e mẹ i wụrụ alị bu ọda; ndị-nze k'a gha imẹ i pụha.

Jẹnẹsisi 17:8

M sikọ d'e ye yụ lẹ mmụ ị alịnị ị wụ nwan abịamabịa; ebe ile alị Kenaanị gha k'a wụrụ nke ụnụ jẹnrin ejẹn. Mmẹ k'a wụrụ Chuku ụmụ ị.”

Jẹnẹsisi 22:17

m k'a gọzi i ọhụnma-ọhụnma, mẹ ụmụ ị bu ọda nọkẹ kokisẹ rị elu-igwere lẹ ẹjan rị mkpẹnrẹn ohimin; ụmụ ị k'e mẹri ndị-iṅẹnrẹn wẹ, kị wẹ;

Jẹnẹsisi 26:4

M k'e mẹ ụmụ ị barahị rịkẹ kokisẹ rị elu-igwere; m k'e we alị ndịnị ile ye ụmụ ị; alị ile rị elu-ụwa k'a gha ẹka nwa ị nwọnrin ngọzi wẹ —

Jẹnẹsisi 28:3

Chuku hụn nwọn ikẹn ile ya gọzi i, mẹ i mụba, kẹni i wụrụ igunrun ịhịan.

Jẹnẹsisi 32:12

Kanị yụ wụ Osolobuẹ sị m, ‘M k'e mẹ i gha ihun; m k'e mẹ ụmụ ị bu ọda kẹ ẹjan rị mkpẹnrẹn ohimin hụn wẹ ghalẹni a s'ẹka a gụn.’ ”

Jẹnẹsisi 35:11

Chuku nọ sị a, “Mmẹ wụ Chuku Hụn nwọn ikẹn ile; mụba; alị k'a gha ẹhụ ị pụha — alị hụn nwọnsọnmẹ alị ichẹn-ichẹn; ndị-nze k'a gha ẹhụ ị pụha.

Jẹnẹsisi 46:3

Ya Osolobuẹ nọ sị a, “Mmẹ wụ Chuku, Chuku hụn nẹdi i fe. Atụlẹ egun n'i jẹnkọ alị Ijiptu, makẹni m k'e gi i họnrin okẹn alị hi-ogbe ebẹhụ.

Jẹnẹsisi 47:27

Ndị Izrẹlụ e birigụọ nwan alị Ijiptu, imẹ Goshẹni, e nwọnrin alị ebẹhụ, a mụ mmụ ọda-ọda, a barahị.

Ẹbụ-ọma 127:3

Ẹka Osolobuẹ kẹ ụmụ gha a bịa; ịya e ye ịhịan nwa.

Ọpụpụ 1:11

Ya ndị Ijiptu nọ we wẹ che ẹka ndị k'a kpa wẹ kẹ igbọn kẹni wẹ gi okẹn ọrụn bịangbu wẹ. Ẹnịna kẹ ndị Izrẹlụ dọn tụnnị eze Ijiptu wụ Fẹro Pitọm lẹ Ramsisi, obodo ẹbụọ wẹ e butọ ihiẹn-oriri.

Ọpụpụ 1:7

Kanị ụmụ wẹ, ndị Izrẹlụ, hụ a mụ ọmụmụ-ọmụmụ, a ba ụba, barahị, alị hụ nọ mẹ wẹ wẹ.

Izikẹlụ 37:25

Wẹ k'e biri alị hụ m ye odibo m wụ Jekọpụ, alị hụ ndị nẹdi ụnụ kanị bi. Wẹ lẹ ụmụ wẹ lẹ ụmụ-ụmụ wẹ k'e biri ebahụn jẹnrin ejẹn, odibo m wụ Defidi k'a wụferi eze wẹ.

Lẹvitikọsụ 26:9

“M k'e gi ẹnya rị mma lee ụnụ, mẹ ụnụ mụba, barahị; m k'e mẹzu nkwa m kwe imẹ nkwerigbama mmẹ lẹ ụnụ.

Ditrọnọmi 32:8

Ogẹn Onyẹ Ahụn Kachanrịnnị gi yesọnmẹ ndị alị rị ichẹn-ichẹn ihiẹn o ye wẹ, ogẹn o gi kebe ịhịan ile, o keyesọnmẹ alị ile rị ichẹn-ichẹn ebe o keye wẹ — kẹ ụmụ Osolobuẹ han.