Jẹnẹsisi 4:10 - Ika

¹⁰ Ya kẹ Osolobuẹ nọ sị a, “Kị wụ ihiẹnni i mẹ? Lee ẹ, ẹdeke nwẹnẹ i rị a gha alị a kwanghọsị m!

Jẹnẹsisi 4:10 Iomraidhean Croise

Jẹnẹsisi 18:20

Ya Osolobuẹ nọ sị Ebraham, “Ihiẹn rị a kpọ imẹ Sodọm lẹ Gomora a karị; njọ wẹ rị e mẹ a karị ẹka!

Jẹnẹsisi 3:13

Osolobuẹ wụ Chuku nọ sị hụn okpoho, “Kị wụ ihiẹnni i mẹ?” Hụn okpoho nọ sị, “Agwọ dufie m, m nọ ri.”

Jẹnẹsisi 9:5

“Onyẹ gbu ịhịan, m k'a jụ a ukwere ẹdeke; anụ gbu ịhịan, m k'a jụ a ukwere ẹ; ịhịan gbu ịhịan, m k'a jụ a ukwere ẹ; onyẹ ọwụlẹ gbu ibe ẹ, m k'a jụ a ukwere ẹ.

Ndị-nze Nke Ẹbụọ 9:26

‘M hụn ẹdeke Nabọtụ lẹ ẹdeke ụmụ a ikẹnnyẹ ụnyanhụn; m k'a nọ imẹ alị Nabọtụnị gbugwarị ị ogbugbu i gbu wẹ: ịya kẹ Osolobuẹ ku.’ Buru ẹ nwan; tụ a ye alị hụ kẹ Osolobuẹ dọn ku.”

Ihiẹn Mẹni Nke Ẹbụọ 28:9

Kanị O nwọnghọ onyẹ-amụma Osolobuẹ rị imẹ Sameria ebẹhụ. Ẹfan a wụ Odẹdi; ọ nọ jẹnburu ndị-agha hụ kẹ wẹ kinla Sameria. Ọ sị wẹ, “Osolobuẹ hụn wụ Chuku ndị nẹdi ụnụ gi olulu ọ rị e buni ndị Juda we wẹ ye ụnụ mẹri. Kanị ụnụ e gigụọ olulu jọgbu enwẹn ẹ ẹnya Osolobuẹ gbu wẹ eje-ogbugbu.

Jobu 16:18

Alị-ee! Ekpumẹkwọlẹ ẹdeke m; anịkwọlẹ wẹ zuemẹ ẹkwan m!

Jobu 24:12

Ndị rị a nwụnnị hụ a sụn udẹn imẹ obodo, ndị wẹ rụ ẹhụ hụ a kwan nị wẹ yeni wẹ ẹka. Kanị onwọnni onyẹ Chuku a jụ ukwere njọ.

Ẹbụ-ọma 50:21

Ụnụ hụ e mẹ ihiẹn ndịnị ile, a gba m ụnụ nkịtịn, ụnụ hụ e ro nị m nọhụ kẹ ụnụ. Kanị m rị nwan a jụgbọ ụnụ, m rị nwan a gwapụ ụnụ ihiẹn ụnụ mẹ.

Ẹbụ-ọma 72:14

Ọ gbapụha ndụn wẹ ẹka ndị rị a bịangbuni wẹ lẹ ndị ẹka-ikẹn; ndụn wẹ rị a mkpa ọda-ọda.

Ẹbụ-ọma 9:12

Makẹni Onyẹ hụn e gbugwarị ndị e gbu ọchụn k'ọ wụ; ọ nyanhan anyanhan — a ra zọ ẹkwan ndị wẹ rị a bịangbu.

Ẹbụ-ọma 9:13

Euu Osolobuẹ, lee ihiẹn ndị-iṅẹnrẹn m rị e kpokpo m! Mẹ omikẹn m, ịyụ hụn a gbapụha m ẹka ọnwụn —

Ọpụpụ 3:7

Osolobuẹ nọ sị, “A hụngụọ m ụya ndị nke m rị e ri imẹ alị Ijiptu. A nụọlẹ m ẹkwan wẹ rị a kwan ẹka ndị rị a kpa wẹ nọkẹ igbọn. A marịngụọ m afụnfụn wẹ rị a ta.

Azaya 5:7

Alị vaịnị Osolobuẹ, Onyẹ ihiẹn ile rị okpuru ẹ, wụ ikpụlọ Izrẹlụ; ndị alị Juda rịn'a wụ ugbo-nta a hụn rị a obi. Ọ tụ ẹnya ezigbo-eṅẹn, kanị igbu-ọchụn k'ọ hụn; ọ tụ ẹnya ezi-omumẹ, kanị ẹkwan ndị wẹ rị a bịangbu k'ọ nụ.

Ọgụngụn 35:33

“Emẹrụlẹ ni nwan alị ụnụ rị. Igbu-ịhịan e mẹrụ alị, bụ w'a ra saẹka gi ịchụn-ẹjan hịan alị wẹ nọ gbu ịhịan wepụ njọ; isi onyẹ gbu ịhịan sụọ kẹ wẹ gi a hịan a.

Ọrụn Ndị-ozi 5:3

Kanị Pita nọ sị, “Ananayasị, kị Ekwensụ nun'i tụ Mmọn-nsọ ntụ, mẹ i bu mgbube egho i re alị hụ tọ?

Ọrụn Ndị-ozi 5:9

Ya Pita nọ sị a, “Kị haịn ụnụ gi kweri nị ụnụ d'a chọ ihiẹn rị Mmọn-nsọ Di-nwọnni-ẹnyi ọnụ? Lee ẹ, ikorọbịa li di i lala: ụkụ wẹ e rugụọdẹ ọnụmụzọ; wẹ jẹnkọ d'e bupụzị yụ nwẹn!”

Ditrọnọmi 21:1

Wẹ hụn onyẹ wẹ gbutọ ọfịa mọbụ ugbo imẹ alị ahụn Osolobuẹ wụ Chuku ụnụ rị e ye ụnụ bụ amarịn wẹ onyẹ gbun'ẹ,

Hibru 11:4

Okukwe kẹ Ebẹlụ gi chụnyeni Osolobuẹ ẹjan ka nke Keni mma, hụn Osolobuẹ gi kun'ẹ ọhụnma, kpọ a onyẹ ezi-omumẹ, shịan'a ẹri n'o ye ihiẹn rị mma. Okukwe k'o gi mẹni ọ nwụnhụngụ, ọ hụkwọ e ku oku.

Hibru 12:24

Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Jemisi 5:4

Gọn ni ntịn! Egho ụnụ jụ nị ụnụ akụkọ ndị sụnnị ụnụ ọfịa rị nwan a shịagbu ụnụ ẹri! Ẹkwan ndị ghọnị ụnụ ihiẹn-ugbo e rugụọzị Osolobuẹ nwọn ikẹn ile ntịn!

Joshụa 7:19

Ya Joshụa nọ sị Ekanị, “Nwa m, ku ezioku gi ye Osolobuẹ wụ Chuku Izrẹlụ ọghọ. Gwa m nwan ihiẹn i mẹ; ezuemẹlẹni m'ẹ.”

Samuẹlụ Nke Ibuzọ 13:11

Samuẹlụ nọ sị a, “Kị wụ ihiẹnni i mẹ?” Sọlụ nọ sị a, “Mgbe m gi hụn kẹ ndị-agha m rị a pụ, hụn nị y'a bịanị ogẹn i ku, hụn nị ndị Filistia e gbakikomẹgụọ imẹ Mik'mashị d'a lụ agha,