Jẹnẹsisi 4:1 - Ika

¹ O mẹgụ, Adam lẹ nwunyẹ ẹ wụ Ivu nọ ranhịn, Ivu nọ tụrụ imẹ, mụ okẹnnyẹ, kpọ a “Keni,” sị, “Osolobuẹ e yegụọnị m ẹka mụ okẹnnyẹ.”

Jẹnẹsisi 4:1 Iomraidhean Croise

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Jẹnẹsisi 3:24

Osolobuẹ a chụpụgụ ịhịan, ọ nọ bu Chẹrobu ẹbụọ nwọn nku lẹ ọpịa-agha rị e nwun ọkụn e fehunmẹ ohi-ohi che azụụn ọwụwa-ẹnyanwụn ugbo ahụn, gi chekin ebe wẹ gha e jẹn ukun osisi ahụn e ye ndụn.

Jẹnẹsisi 4:2

Omẹgụ, ọ nọ mụzị okẹnnyẹ, Ebẹlụ nwẹnẹ Keni. Ebẹlụ e dumẹ atụnrụn, Keni a rụnma ugbo.

Jẹnẹsisi 4:25

Adam lẹ nwunyẹ ẹ a ranhịnzị, ọ nọ mụzị okẹnnyẹ, kpọ a “Sẹtị,” sị, “Makẹni Osolobuẹ e yeọlẹ m okẹnnyẹ ọzọ, gi nọkin ẹnya Ebẹlụ hụn Keni gbu.”

Jẹnẹsisi 5:29

Ọ nọ gụn a Nụa, sị, “Ẹka nwatanị kẹ ẹnyi k'a gha zu ikẹn okẹn afụnfụnnị ẹnyi rị a ta a rụn ugbo akpakalị Osolobuẹ bụ ọnụ”

Ẹbụ-ọma 127:3

Ẹka Osolobuẹ kẹ ụmụ gha a bịa; ịya e ye ịhịan nwa.

Ọgụngụn 31:17

Gbuchanrịn nị nwan ụmụna ikẹnnyẹ ile, ụnụ e gbu okpoho ọwụlẹ sọngụ okẹnnyẹ ranhịn.

Jọnụ Ibuzọ 3:12

Ẹnyi anọkọkwọ kẹ Keni hụn rị azụụn nke Eje-onyẹ hụ, o gbu nwẹnẹ ẹ. K'o gbuni nwan nwẹnẹ ẹ? Makẹni ya nwẹn mẹ eje-ihiẹn, nwẹnẹ ẹ mẹ ihiẹn rị mma.