Jẹnẹsisi 39:3 - Ika

³ Ogẹn Pọtifa di-nwọnn'ẹ gi hụn a nị Osolobuẹ nọyeni Josẹfụ, lẹ ni Osolobuẹ rị e mẹ ihiẹn ile a masị a ẹka,

Jẹnẹsisi 39:3 Iomraidhean Croise

Jẹnẹsisi 21:20

Chuku nọyeni nwata ahụn anọyeni, ọ nọ sue. Imẹ atụ k'o bi; o mẹgụ, ọ nọ họnrin ọka ịgba-ụta.

Jẹnẹsisi 21:22

Ogẹn ahụn, Abimẹlẹkị lẹ Fikọlụ hụn a kịn'a ndị-agha nọ sị Ebraham, “Osolobuẹ nọyeni i anọyeni imẹ ihiẹn ile y'e mẹ;

Jẹnẹsisi 21:23

m chọ nwan n'i kunni m ẹfan Chuku nị y'e gikọ ẹkanaị sọn ẹnyi, kẹ mmẹ kẹ ụmụ m kẹ ụmụ-ụmụ m ile rị ihun, kama, n'ị k'e gizi ẹka ahụn rị mma m gi sọn i sọn mmẹ lẹ alịnị ị bịa d'e biri.”

Jẹnẹsisi 26:24

Uhinhin ahụn daị, Osolobuẹ nọ bịa d'e kunrun ẹ, sị a, “Mmẹ wụ Chuku Ebraham nẹdi i; atụlẹ egun, nị mmẹ lẹ yụ wị; m jẹnkọ d'a gọzi i, mẹ ụmụ ị barahị — m jẹnkọ d'e mẹ ihiẹn ndịnị makẹ ufiri odibo m wụ Ebraham.”

Jẹnẹsisi 26:28

Ya wẹ nọ sị, “O wegụọ ẹnyi ẹnya nị Osolobuẹ nọyeni i; ya ẹnyi nọ sị nị ẹnyi bịa nị ẹnyi lẹ yụ hụn ụzọ kuntarị iyi, ẹnyi e kwetarị ibe ẹnyi nkwa —

Jẹnẹsisi 30:27

Ya Labanị nọ sị a, “Dodo, omẹni ihiẹn m a sụọghọ ị, duzi m nọdị, makẹni a mahụngụọ m'a nị ufiri i haịn Osolobuẹ gi rị a gọzi m.”

Jẹnẹsisi 30:30

Ihiẹn i bulẹni ọda kẹ m bịa a barapụgụọ; Osolobuẹ e gigụọ ihiẹn ile m buche ẹka gọzi i. Elee ogẹn kẹ m'e gi nwan mẹni ezi-lẹ-ụlọ m?”

Jẹnẹsisi 39:2

Osolobuẹ nọyeni Josẹfụ anọyeni, ihiẹn ile a masị a ẹka ọda-ọda; iwe onyẹ Ijiptu ahụn nwọnn'ẹ k'o bi.

Jẹnẹsisi 39:21

Kanị Osolobuẹ nọ nọyeni Josẹfụ, mẹn'ẹ ẹfọma, mẹ ihiẹn ẹ sụọma onyẹ e lepụ ndị-ngan ẹnya.

Jẹnẹsisi 39:23

Onyẹ ahụn e lepụ ndị-ngan ẹnya efeyezini ihiẹn ọwụlẹ o buche ẹka Josẹfụ ẹnya, makẹni Osolobuẹ nọyeni Josẹfụ anọyeni, e mẹ ihiẹn ile a masị a ẹka.

Ndị-nze Nke Ẹbụọ 18:7

Osolobuẹ nọyezikwọn'a anọyeni, ihiẹn ile o mẹ nọ ghan'a. O kwerini nọdị okpuru eze Asiria, o fen'ẹ.

Ihiẹn Mẹni Nke Ibuzọ 22:13

Ya kẹ ihiẹn e gi ghan'ị — omẹkwọ nị y'e dọnringhọ ẹnya sọnchanrịn uhi lẹ iwu ile Osolobuẹ ye Mozizi ye Izrẹlụ. Kakẹnmẹ; rikin obi. Atụkwọlẹ egun mọbụ nị ndụn gụ ị.

Ihiẹn Mẹni Nke Ibuzọ 9:20

Isi ibuzọ, Finẹhasị nwa Ẹliẹza te kị ndị e che ọnụmụzọ ụlọ Osolobuẹ. Osolobuẹ nọyen'ẹ a nọyeni.

Ihiẹn Mẹni Nke Ẹbụọ 1:1

Solomọnụ nwa Defidi nọ gba mkpọgụn ọhụnma-ọhụnma imẹ alị-eze ẹ — makẹni Osolobuẹ wụ Chuku ẹ nọyen'ẹ anọyeni, bushi ẹ elu ọda-ọda.

Ihiẹn Mẹni Nke Ẹbụọ 26:5

Uzịa fe Osolobuẹ ogẹn Zẹkaraya hụn kuzi ẹ ịtụ egun Osolobuẹ gi rị ndụn. Ogẹn ahụn ile o gi rị e fe Osolobuẹ, Chuku hụ e mẹ ihiẹn a ghan'a.

Nehemiah 2:20

Ya m nọ sị wẹ, “Osolobuẹ rị elu-igwee k'e mẹ ẹ ghanị ẹnyi, ẹnyi ndị idibo ẹ e lihi dọnzi ẹ. O mẹ nke ụnụ, onwọnni ebe Jerusalẹm nọ wụ nke ụnụ, onwọnni hụn ọwụlẹ k'e ru ụnụ ẹka imẹ ẹ; onwọnni ogẹn Jerusalẹm gi wụ nke ụnụ.”

Ẹbụ-ọma 1:3

Onyẹ hụ nọ kẹ osisi wẹ kụnye mkpẹnrẹn-mirin, hụn a mị mkpụrụ a udu ẹ, hụn ghalẹni a gbụ ẹhụhụọ. Ihiẹn ile onyẹ ahụn buche ẹka a gha ihun.

Zẹkaraya 8:23

Osolobuẹ ihiẹn ile rị okpuru ẹ sị: “O ru ogẹn hụ, ikẹnnyẹ iri ndị alị ọzọ, ndị a sụ asụsụ ọzọ, k'a dọdọn akpụ onyẹ Ju ohu ẹwuru, a rịọ a, ‘Dodo, nị ẹnyi sọn i la, nị ẹnyi a nụọlẹ nị Chuku rị azụụn nke ụnụ!’ ”

Matiu 5:16

Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Ndị Kọrẹntị Ibuzọ 16:2

ụhụọhịn ibuzọ imẹ izuka, onyẹ-onyẹ imẹ ụnụ y'a gha ihiẹn Osolobuẹ ye ẹ e wepụha, e dọnmẹ — amamgbe m'a bịa ụnụ a tụma ihiẹn.

Ditrọnọmi 2:7

Osolobuẹ wụ Chuku ụnụ a gọzigụọ ọrụn-ẹka ụnụ ile. O lepụgụọ ụnụ ẹnya hụnnị ile ụnụ rị e jẹnhunmẹ imẹ atụnị shịagbu enwẹn ẹ. Osolobuẹ wụ Chuku ụnụ a nọyegụọnị ụnụ ọrọgbọ ahụa ọgụnnaịnị, onwọnni ihiẹn kọnị ụnụ.

Joshụa 1:9

Agwagụọnị m'ị? Kakẹnmẹ; rikin obi; atụkwọlẹ egun; anịlẹ ndụn gụ ị, makẹni Osolobuẹ wụ Chuku i k'a nọyen'i ebe ọwụlẹ i jẹnkọ.”

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.

Samuẹlụ Nke Ibuzọ 18:14

Ihiẹn ile Defidi mẹ hụ a ghan'a ọda-ọda, makẹni Osolobuẹ nọyen'ẹ.

Samuẹlụ Nke Ibuzọ 18:28

Ogẹn o gi we eze ẹnya nị Osolobuẹ nọyeni Defidi lẹni ihiẹn Defidi sụọ Mikalụ nwa a,

Samuẹlụ Nke Ibuzọ 3:19

Samuẹlụ hụ e sue, Osolobuẹ hụ a nọyen'ẹ. Onwọnni ihiẹn ọwụlẹ Samuẹlụ ku hụn Osolobuẹ mẹlẹni n'ọ bụn.