Jẹnẹsisi 3:6 - Ika

⁶ Ọ nọ ban okpoho ahụn ẹnya nị mkpụrụ osisi ahụn rị mma wẹ e ri, n'ọ la ẹnya, n'ọ rịka mma nị ịhịan ri ẹ marịn ihiẹn. Ya ọ nọ ghọrị mkpụrụ a ri, yezikwọ di ẹ ya lẹ ịya rị, di ẹ nọ ri.

Jẹnẹsisi 3:6 Iomraidhean Croise

Jẹnẹsisi 3:12

Ya Adam nọ sị a, “Okpoho hụn i butọ mmẹ lẹ ịya, ịya ye m mkpụrụ osisi ahụn, m nọ ri.”

Jẹnẹsisi 3:17

Ọ nọ nwan sị Adam, “Ufiri nị y'e giọlẹ oku nwunyẹ i dọn, ri mkpụrụ osisi ahụn m tin'i iwu, sị ị erilẹ, m rị nwan e gi ufiri i a bụ alị ọnụ: i k'a tama ezigbo afụnfụn rụn ugbo i kebe hụn ihiẹn i k'e ri y'e we nwụn.

Jẹnẹsisi 39:7

Ọ nọbe, Josẹfụ nọ chanban nwunyẹ Pọtifa di-nwọnn'ẹ ẹnya, ọ nọ sị Josẹfụ, “Bịa nị ẹnyi ranhịn.”

Jẹnẹsisi 6:2

Eje-mmọn nọ hụn nị ikpoho ndịnị wẹ a maka mma, ya kẹ eje-mmọn ndị ahụn nọ lụrụ hụn ọwụlẹ wẹ chọ.

Samuẹlụ Nke Ẹbụọ 11:2

Ẹnyasị ohu, Defidi nọ gha ebe o dinẹ e zu ikẹn lihi ọtọ, ghahunmẹmẹ elu-ụlọ imẹ obi-eze ẹ. Ọ nọ gha elu ebahụn legha okpoho rị a wụ ẹhụ. Okpoho hụ ma mma ọda,

Ndị-nze Nke Ibuzọ 13:19

Ya onyẹ-ozi Osolobuẹ hụ nọ sọnkin ẹ, nọ iwe ẹ ri, ra.

Jobu 31:1

“Mmẹ lẹ ẹnya m e kwerigbamagụọ nị anịkọ m nwagbọọ la m ẹnya.

Izikẹlụ 24:16

“Nwa-ịhịan, m'e d'e gi ube-ohu napụ ị ihiẹn hụn a sụọnị ị. Ka, akwanlẹ ụya; akwanlẹ ẹkwan; eziẹnlẹ ẹnya-mirin.

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Izikẹlụ 24:25

“Yụ nwẹn, Nwa-ịhịan, ụhụọhịn m k'a napụ wẹ Ụlọ hụ wẹ gi e dọn ẹnya, hụn wụzị ịghọghọ wẹ lẹ ọghọ wẹ, ihiẹn ahụn a sụọ wẹ ụsụọ olegha, ihiẹn ahụn obi w'a chọ, napụzịkwọ wẹ ụmụ wẹ ikẹnnyẹ lẹ ikpoho —

Hosia 6:7

Kanị, e mẹgụọ wẹ kẹ Adam tikpọ nkwerigbama mmẹ lẹ wẹ, e gigụọ wẹ ghẹrẹ-ghẹrẹ-ghẹrẹ sọn m.

Matiu 5:28

Kanị mmẹ lẹ enwẹn m rị a gwa ụnụ nị onyẹ lee okpoho ẹnya, ọ la a ẹnya, e mẹgụọlẹ mgba a imẹ obi ẹ.

Timoti Ibuzọ 2:14

e dufieni wẹ Adam, okpoho kẹ wẹ dufie, ọ nọ wụrụ onyẹ mẹ njọ.

Joshụa 7:21

ogẹn m gi hụn ẹkwa alị Babilọnụ ma mma imẹ ihiẹn ndị ahụn ẹnyi gbukwarị, ya lẹ akpụrụ siliva ọgụn-iri lẹ ogbe goru hanzị kẹ akpụrụ iri kwasị ọgụnnaị, wẹ nọ chanban m ẹnya, m nọ weri wẹ. Wẹ rị nwan imẹ alị imẹ ọdụ m ebe m zuemẹ wẹ, siliva ahụn rịchanrịn okpuru.”

Jọnụ Ibuzọ 2:16

Makẹni, ihiẹn ile rị imẹ ụwa, kẹ ẹgụn ihiẹn-ụwa kẹ ihiẹn-ọlịlẹnya kẹ ịchọ ihiẹn-ụwa obi gi e ru ịhịan alị, onwọnni hụn gha ẹka Nẹdi ẹnyi bịa — wẹ ile wụ nke ụwa;

Ndị Han Eṅẹn 14:17

Ọ nọ kwan ẹkwan ye ẹ olu d'e ru hụn mẹ akp'ọhịn ẹsa oriri hụ. Hụn mẹ ẹ akpọhịn ẹsa, Samsịn nọ gwa a azịza a makẹni ọ rị e ye Samsịn nsọngbu, a jụ a ọjụjụ-ọjụjụ. Ya nwẹn nọ gwa ndị nke ẹ ya.