Jẹnẹsisi 3:10 - Ika

¹⁰ Adam nọ sị, “M nụ ukwere i imẹ ugbo, egun nọ tụma m makẹni m gba ọtọ, ya kẹ m nọ warị.”

Jẹnẹsisi 3:10 Iomraidhean Croise

Jẹnẹsisi 2:25

Okẹnnyẹ ahụn lẹ nwunyẹ ẹ gba ọtọ, kanị ifẹnrẹn arị e mẹ wẹ.

Jẹnẹsisi 3:11

Ya kẹ Osolobuẹ nọ sị a, “Onyẹ gwa ị n'ị gba ọtọ? I ridẹ nwan mkpụrụ osisi ahụn m sị ị yụ erilẹ ra?”

Jẹnẹsisi 3:7

Ya kẹ ẹnya wẹ ẹbụbụọ nọ shịapụ, wẹ nọ marịn nị wẹ gba ọtọ. Wẹ nọ kparịsọnmẹ ẹhụhụọ figi, kwagbama wẹ, gi kpumẹ ọtọ wẹ.

Jobu 23:15

Ịya kẹ egun ẹ gi a tụ m; m nyanhan ihiẹnni ile, egun ẹ a tụma m.

Jobu 31:33

Omẹkwọnị e kpumẹghọ m njọ m kẹ ịhịan e mẹ, kpugbu eje-ihiẹn m mẹ imẹ obi —

Ẹbụ-ọma 119:120

Ẹhụ hụ a ma m nni yeni egun i; uhi i hụ a tụ m egun.

Ọpụpụ 20:18

Kẹ ndị Izrẹlụ rị a hụn akpara lẹ amụma ahụn, a nụ opi ahụn rị a hannị lẹ ugu hụ rị a lọpụha ẹnwụnrụn, ẹhụ hụ a ma wẹ nni yeni egun. Wẹ nọ be alị tọnị ugu ahụn,

Ọpụpụ 20:19

sị, Mozizi, “Dodo, gi ọnụ ị gwa ẹnyi oku, nị ẹnyi gọnghọ ntịn. Osolobuẹ ya dodo egilẹ ọnụ a gwa ẹnyi oku, amamgbe ẹnyi a nwụnhụn!”

Ọpụpụ 3:6

Ọ nọzị sị Mozizi, “Mmẹ wụ Chuku nẹdi i fe, Chuku Ebraham, Chuku Aziki lẹ Chuku Jekọpụ.” Ogẹn Mozizi gi nụ ihiẹnni, ọ nọ kpukin ihun ẹ, makẹni egun anịn'a bu ẹnya zinmẹ Osolobuẹ.

Ọpụpụ 32:25

Ogẹn Mozizi gi hụn a nị ihiẹnni e rigụọ ndị ahụn isi lẹni Ẹrọnụ a nịgụọ wẹ mẹmẹmẹ kẹ ndị ẹra, hụn ndị iṅẹnrẹn wẹ e gi mụ wẹ ẹmụ —

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Azaya 47:3

Wẹ k'a hụn ọtọ ị, a hụnchanrịn wẹ ẹhụ ị, ifẹnrẹn e mẹ i. M k'e mẹgwarị; ahatukọ m onyẹ ọwụlẹ.”

Azaya 57:11

Onyẹ k'i rị a manị piripiri, a tụ egun ẹ hụnnị ile — i gi a tụ m ntụ ẹnịna; i gilẹni a nyanhan m mọbụ e rodẹ ihiẹn rị e mẹni? Ẹlẹ nkịtịnnị m gbabie haịn i gilẹni a tụ egun m?

Ditrọnọmi 5:25

“Nị ẹnyi nwụnhụn nwan? Okẹn ọkụnnị k'a dụnpụ ẹnyi! Ẹnyi nụkarị olu Osolobuẹ wụ Chuku ẹnyi ẹnịna, ẹnyi k'a nwụnhụnkwọ!

Jọnụ Ibuzọ 3:20

omẹni obi e gbumẹ ẹnyi mgbu, Osolobuẹ ka obi ẹnyi, ọ marịnzịghọ ihiẹn ile.

Rẹvẹleshọnụ 16:15

(Jesu sị, “Lee ẹ! M jẹnkọ d'a bịa idẹnmizi nọkẹ ohin. Ngọzi jẹnkọ d'a rịnị onyẹ k'e dọnrin ẹnya, kwọnkẹnmẹ ẹwuru ẹ, amamgbe ọ gi ọtọ ghahunmẹ, ifẹnrẹn e mẹgbu ẹ!”)