Jẹnẹsisi 22:2 - Ika

² Osolobuẹ a sị a, “Weri nwa ị, akpụ nwa ohu ahụn ị mụ, hụn ihiẹn ẹ a sụọ ị ọda-ọda, y'e shi alị Moria, n'i gi ẹ chụnnị m ẹjan w'a dụn ọkụn elu ugu m k'a ghọsị ị ebẹhụ.”

Jẹnẹsisi 22:2 Iomraidhean Croise

Jẹnẹsisi 17:19

Kanị Chuku nọ sị a, “Mba. Sẹra nwunyẹ i k'a mụn'ị okẹnnyẹ; ị k'a gụn a Aziki; m k'e tumẹ nkwerigbama m ẹgbata mmẹ lẹ ịya, nkwerigbama hụn k'e ru ụmụ a ẹka jẹnrin ejẹn.

Jẹnẹsisi 21:12

Kanị, Osolobuẹ nọ sị Ebraham, “Anịlẹ oku nwata ahụn lẹ igbọn i okpoho gbu i ẹhụ; gi ihiẹn ile Sẹra rị e ku dọn, makẹni ẹka Aziki kẹ i k'a gha nwọnhẹn ụmụ wẹ k'a kpọ nke i.

Jẹnẹsisi 21:3

Ebraham nọ gụn nwata okẹnnyẹ ahụn Sẹra mụn'a “Aziki”.

Jẹnẹsisi 22:12

Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”

Jẹnẹsisi 22:16

sị Ebraham, “Mmẹ wụ Osolobuẹ e kungụọ enwẹn m, nị, ufiri ihiẹnni i mẹ, ufiri nị y'a jụnị nị y'e yekọ m nwa ị, akpụ nwa ohu i nwọn,

Jẹnẹsisi 22:3

Ya Ebraham nọ zọtẹnhin, kwademẹ jaki ẹ; ọ nọ weri madụ ẹbụọ imẹ ndị idibo ẹ, werizi Aziki nwa a; ọ nọ begiri nkụn wẹ k'e gi chụn ẹjan; ya wẹ nọ jẹnmẹ ebahụn teni hụn Chuku ghọsị a.

Jẹnẹsisi 22:9

E ru wẹ ebahụn Chuku gwa Ebraham, ya Ebraham nọ rụn ukpo nchụn-ẹjan, kpashimẹ ọkụn elu ukpo ahụn. Ọ nọ kẹnmẹ Aziki nwa a, bu ẹ che elu nkụn ahụn o gi kpashimẹ ọkụn elu ukpo ahụn.

Jẹnẹsisi 8:20

Nụa nọ rụnnị Osolobuẹ ukpo wẹ n'a chụn ẹjan, werisọnmẹ anụ lẹ nnụnụ imẹ igunrun ndị ahụn Chuku sị wẹ asọlẹ, gi wẹ chụnnị Osolobuẹ ẹjan elu ukpo ahụn.

Ndị-nze Nke Ẹbụọ 3:27

Ya eze Mụabụ nọ weri okẹnnyẹ ibuzọ a, hụn nkẹ e rikin ẹ eze, nọ elu mgbọn obodo hụ gi ẹ chụn ẹjan w'a dụn ọkụn. Okẹn ize nọ ban ndị Izrẹlụ, ndị Izrẹlụ nọ la alị wẹ.

Ihiẹn Mẹni Nke Ẹbụọ 3:1

Ịya kẹ Solomọnụ nọ rụnma Ụlọ Osolobuẹ elu Ugu-Moria rị imẹ Jerusalẹm, ebẹhụ Osolobuẹ nọ we enwẹn ẹ ghọsị Defidi nẹdi ẹ, ebẹhụ Defidi butọ wẹ k'a rụnye ẹ, ebẹhụ Ọnanị (Arụana) onyẹ Jebusu te nọ a kụkpọ ọka.

Maịka 6:7

Nị ebulu nnụ-uku sụọ Osolobuẹ ụsụọ? Ra ofigbọn-olivu rị e hu kẹ iyi nnụ ole-lẹ-ole? Nị m chụnyen'ẹ nwa-ibuzọ m gi kụ ụgwọ njọ m? Nị m gi nwa gha m ẹhụ pụha kụ ụgwọ njọ gha imẹ obi m pụha?

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Ndị Rom 5:8

Kanị, nke Osolobuẹ, ọ ghọsịgụọ ẹnyi n'o nwọn ihiẹn-ọsụsụọ ẹnyi ọda-ọda ebe Kraịstị nọ nwụnnị ẹnyi kẹ ẹnyi rịkwọ imẹ njọ!

Ndị Rom 8:32

Omẹni Osolobuẹ etuni nị Nwa a rọ, kama, o gi ufiri ẹnyi ile we ẹ ye, o yechanrịnkọ ẹnyi ihiẹn ndị ọzọ ile?

Hibru 11:17

Okukwe kẹ Ebraham gi wepụha Aziki n'o gi ẹ chụn ẹjan, ogẹn Osolobuẹ gi lele ẹ. Onyẹ nwẹn Osolobuẹ kwe nkwa ndị ahụn nọ wepụha akpụ nwa a ohu!

Ndị Han Eṅẹn 11:31

ihiẹn ọwụlẹ gha ọnụmụzọ iwe m pụha d'e kunrun m m mẹrigụ ndị Amọnụ lụaha, sikọ d'a wụrụ nke Osolobuẹ, m jẹnkọ d'e gi ẹ chụn ẹjan w'a kpọ ọkụn.”

Ndị Han Eṅẹn 11:39

Ifọn ẹbụọ ahụn e zugụ, ọ lụaha d'e kunrun nẹdi ẹ. Nẹdi ẹ nọ mẹ ẹ ihiẹn ahụn o kwe nkwa. Ọ marịn okẹnnyẹ. Ebeni kẹ ndị Izrẹlụ gha mẹmẹ ọdịnalịnị hụn