Jẹnẹsisi 20:5 - Ika

⁵ Ẹlẹ Ebraham gi ọnụ a sị m, ‘Nwẹnẹ m rọ’? Sẹra lẹ enwẹn ẹ sịzị, ‘Nwẹnẹ m rọ?’ Onwọnkwọnị ihiẹn m bu obi mẹ ihiẹnni.”

Jẹnẹsisi 20:5 Iomraidhean Croise

Jẹnẹsisi 12:13

Gwa wẹ nwan nị nwẹnẹ m k'ị wụ, kẹn'ọ rịnị m mma makẹ ufiri i, e gizi wẹ ufiri i dọnmẹ m ndụn.”

Jẹnẹsisi 20:13

O mẹgụ, ogẹn Osolobuẹ gi mẹ m gha iwe nẹdi m wẹ kwahunmẹmẹ, m nọ sị a, ‘Ọhụnma ị k'a rị e mẹni m ebe ọwụlẹ ẹnyi ru wụ ọnwan, ị gha e ku oku m, y'a sị wẹ, “Nwẹnẹ m rọ.” ’ ”

Jẹnẹsisi 20:16

Ọ nọ sị Sẹra, “Lee ẹ, e yeọlẹ m nwẹnẹ i egho-ọrụn akpọhịn ọgụn-iri kwasị nnụnaị; ya k'a ghọsị ndị yụ lẹ wẹ wị nị onwọnni ihiẹn i mẹ; wẹ gi ẹ marịn nị ẹka ị rịchanrịn ọchan.”

Ndị-nze Nke Ibuzọ 9:4

“Nke i wụnị, omẹni y'e gi obi i ile lẹ obi kụrụ ọtọ sọn m, nọkẹ kẹ nẹdi i wụ Defidi dọn mẹ, mẹ ihiẹn ile m gwa ị, sọn uhi m lẹ iwu m,

Ndị-nze Nke Ẹbụọ 20:3

“Euu, Osolobuẹ, dodo, nyanhankwọ kẹ m dọn rị e sọnchanrịn ị ọhụnma-ọhụnma lẹ kẹ m dọn wechanrịn obi m ile ye i, e mẹ ihiẹn rị mma ẹnya ị.” Hezikaya nọ kwan ẹkwan ọda-ọda.

Ihiẹn Mẹni Nke Ibuzọ 29:17

“Chuku m, a marịnghọ m nị y'e lele obi, nị ihiẹn kụrụ ọtọ a sụọ ị ụsụọ. M wepụha obi m ye ihiẹn ndịnị ile m ye, ẹlẹni o nwọn ihiẹn ọzọ m chọkọ. M rịzịkwọ nwan a ghọghọ makẹni a hụnọlẹ m kẹ ndị nke ị rị ebeni dọn gi obi wẹ ye i ihiẹn.

Jobu 33:9

sị, ‘M rị ọchan; njọ arị imẹ m. M nwun e nwun; onwọnni eje-ihiẹn m mẹ.’

Ẹbụ-ọma 24:4

Onyẹ ẹka a lẹ obi ẹ rị ọchan, hụn ghalẹni e we enwẹn ẹ a kwanị mmọn mọbụ e kun ẹfan Osolobuẹ a tụ ntụ.

Ẹbụ-ọma 25:21

Ezioku lẹ obibi kụrụ ọtọ wẹ chemẹ m, makẹni yụ kẹ m gi dọn ẹnya.

Ẹbụ-ọma 26:6

A kwọpụ m ẹka ihiẹn m marịnlẹni, Osolobuẹ, e jẹnhunmẹ ukpo nchụn-ẹjan ị,

Ẹbụ-ọma 7:8

Osolobuẹ a hannị alị ile eṅẹn. Kinni m nwan ọnụ m, Osolobuẹ, makẹni ẹka m rị ọchan; makẹni m kụrụ ọtọ.

Ẹbụ-ọma 7:9

Euu Chuku hụn rị ọchan, ịyụ, hụn e lele obi lẹ iroro ịhịan; dodo kụsị eje-ihiẹn ndị-njọ rị e mẹ, y'e dọnmẹ ndị ezi-omumẹ ọhụnma.

Ẹbụ-ọma 73:13

Ya wụ nị m rị e dọnmẹ obi m ọchan mmaka, e dọnmẹ ẹka m ọchan mmaka;

Ẹbụ-ọma 78:72

Defidi nọ gi obi ẹ ile du wẹ, gi ẹka onyẹ marịn ọrụn du wẹ.

Itẹn 11:3

Ezi-omumẹ ndị ezi-omumẹ e du wẹ, kanị ẹro ndị ghẹrẹ-ghẹrẹ-ghẹrẹ k'e tikpọ wẹ.

Itẹn 20:7

Onyẹ ezi-omumẹ e bi obibi nwọnlẹni nkọrịanị; o k'a rịnị mmụ a lalanị mma.

Daniẹlụ 6:22

Chuku m zi mmọn-ozi ẹ, ọ nọ kpumẹ ọnụ ẹwọrọ ndịnị. Onwọnni ihiẹn wẹ mẹ m, makẹni ọ hụngụọ nị emẹni m njọ, onwọnzikwọnị eje-ihiẹn m mẹ yụ wụ eze.”

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Tẹsalonika Ibuzọ 2:10

Ụnụ wụ ọshẹri ẹnyi; Osolobuẹ wụzịkwọ ọshẹri, nị ẹnyi mẹsọn ụnụ ndị kwerini omumẹ rị nsọ, rị mma ẹnya Osolobuẹ lẹ omumẹ nwọnlẹni nkọrịanị.

Timoti Ibuzọ 1:13

ọsụọn'a nị m te kuja oku ẹ, kpokpo ndị nke ẹ, ye wẹ ụya ri. Kanị o mẹkwọnị m omikẹn, makẹni amarịn m ihiẹn m rị e mẹ ogẹn ahụn makẹni m'e ke kweri.

Joshụa 22:22

“Osolobuẹ wụ Chuku hụn wụ Chuku nkesi; Osolobuẹ wụ Chuku hụn wụ Chuku nkesi!! Ọ marịnghọ! Ndị Izrẹlụ lẹ enwẹn wẹ wẹ marịnzịkwọ. Omẹni nnupụ-isi mọbụ nị ẹnyi gi ẹ pa oku Osolobuẹ haịn ẹnyi gi mẹ ihiẹnni, ya edọnmẹlẹ ẹnyi ndụn tannị.