Jẹnẹsisi 2:8 - Ika

⁸ Ya kẹ Osolobuẹ wụ Chuku nọ rụntọ ugbo imẹ alị Idẹni hụn rị ibẹka ọwụwa-ẹnyanwụn ụwa. Ọ nọ bu ịhịan ahụn o mẹmẹ che ebẹhụ.

Jẹnẹsisi 2:8 Iomraidhean Croise

Jẹnẹsisi 13:10

Lọtụ e lee ẹnya, hụn a nị alị-aradan Jọdanị, ibe sikọ Zụa, e nwọnhẹn mirin ọhụnma-ọhụnma nọkẹ ugbo-nta Osolobuẹ, nọkẹ alị Ijiptu. (Osolobuẹ eke tikpọ alị Sodọm lẹ Gomora ogẹn ahụn.)

Jẹnẹsisi 3:23

Osolobuẹ wụ Chuku nọ nwan chụpụ a imẹ ugbo ahụn rị alị Idẹni, kẹni ọ rụnma ugbo akpakalị nwẹn Osolobuẹ wụ Chuku nọ weri ẹ.

Jẹnẹsisi 3:24

Osolobuẹ a chụpụgụ ịhịan, ọ nọ bu Chẹrobu ẹbụọ nwọn nku lẹ ọpịa-agha rị e nwun ọkụn e fehunmẹ ohi-ohi che azụụn ọwụwa-ẹnyanwụn ugbo ahụn, gi chekin ebe wẹ gha e jẹn ukun osisi ahụn e ye ndụn.

Jẹnẹsisi 4:16

Ya Keni nọ gha ihun Osolobuẹ pụ d'e biri alị Nọdụ hụn rị azụụn ọwụwa-ẹnyanwụn alị Idẹni.

Ndị-nze Nke Ẹbụọ 19:12

Mmọn ndị alị hụ ile ndị nẹdi m kanị tikpọ a saghọ ẹka gbapụha wẹ: mmọn ndị Gozanị, ndị Haranị, ndị Rezẹfụ lẹ ndị Idẹni te rị Tẹlụ-Asa?

Azaya 51:3

Osolobuẹ k'a rọkọrịrị Zayọnụ obi, mẹ omikẹn dọnzi ebe ile rịn'a wiwini. O k'e mẹ alị a te kpọgụ nkụn mẹmẹ ihiẹn ọhụnma nọkẹ Idẹni; o k'e mẹ alị a te wiwini n'ọ nọ kẹ ugbo-nta Osolobuẹ. Ịghọghọ lẹ obi-ụsụọ k'a rị alị a, Ịkpanmịn Osolobuẹ lẹ ịbụ-ẹbụ.

Izikẹlụ 27:23

“ ‘Ndị alị Haranị, ndị alị Kanẹ, ndị alị Idẹni lẹ ndị-afịa rị Shẹba, Ashuru lẹ Kimadị te wụzịkwọ ndị-afịa ị,

Izikẹlụ 28:13

Imẹ Idẹni wụ ugbo Chuku k'ị te rị. Ọmụma ile rị mkpa e gbukeni kẹ wẹ te gi chọ ị mma: rubi, tọpazị, lẹ ẹmaradị; krisolaịtị, ọnik'si lẹ Jaspa; safaya, tọkwọzị lẹ berilu. Elu goru kẹ wẹ te kụmasọnmẹ wẹ ile, ghakwọrị ụhụọhịn wẹ ke i.

Izikẹlụ 31:16

E gighọ m ọdịdan a mẹhunmẹ alị ndị ọzọ kẹ m wetu ẹ che imẹ ili, we ẹ cheni ndị lashigụ imẹ mgbugbu hụ. Ya kẹ obi nọ ru ndị rị imẹ-imẹ alị alị, wẹ lẹ osisi ile rị Idẹni lẹ osisi ndị kachanrịn mma lẹ ndị rịzị mma hụn rị ẹgboko Lẹbanọnụ — osisi ile mirin e ruzi ọhụnma-ọhụnma.

Izikẹlụ 31:18

“ ‘Ijiptu! Elee osisi rị Idẹni ma mma nwọn ikpẹn kẹ yụ?! Kanị wẹ k'e wetukwọ yụ nwẹn kẹ osisi ndị hụ rị Idẹni che imẹ-imẹ alị; i k'e dinẹyeni ndị felẹni Osolobuẹ, ndị wẹ gizi ọpịa-agha gbu. “ ‘Ọhụn wụ ihiẹn k'e mẹ Fẹro lẹ igunrun ẹ ile. Ya kẹ Osolobuẹ Nwọn Ihiẹn Ile ku.’ ”

Juwẹlụ 2:3

Ihun wẹ, ọkụn hụ e bu e ri, azụụn wẹ, ọkụn hụzị e nwun. Nị wẹ d'a bịa, alị mẹ wokowoko nọkẹ ugbo ahụn rị alị Idẹni, wẹ ghafegụ, o họnrin atụ, ugbo wẹ yi ọkụn; onwọnni akpụ ihiẹn ohu w'a latọ.