Jẹnẹsisi 2:5 - Ika

⁵ ihiẹn eke pu alị, kẹ ẹfịfịa rị ọfịa kẹ ihiẹn ọnụ e ri, makẹni Osolobuẹ wụ Chuku eke mẹ mirin zueye alị; o ke nwọnzikwọ onyẹ k'a rụn a ugbo.

Jẹnẹsisi 2:5 Iomraidhean Croise

Jẹnẹsisi 2:6

Imẹ alị kẹ mirin a gha a pụha, e ru akpakalị ile.

Jẹnẹsisi 3:23

Osolobuẹ wụ Chuku nọ nwan chụpụ a imẹ ugbo ahụn rị alị Idẹni, kẹni ọ rụnma ugbo akpakalị nwẹn Osolobuẹ wụ Chuku nọ weri ẹ.

Jẹnẹsisi 4:12

Ị rụnzị ugbo, alị emẹkọn'ị ihiẹn ọwụlẹ. Ọsọ-ọsọ kẹ y'a gha a gba nọkẹ onyẹ wẹ rị a chụ; ị k'a rị a wahunmẹ elu-ụwa ile.”

Jẹnẹsisi 4:2

Omẹgụ, ọ nọ mụzị okẹnnyẹ, Ebẹlụ nwẹnẹ Keni. Ebẹlụ e dumẹ atụnrụn, Keni a rụnma ugbo.

Jobu 5:10

O mẹ mirin e zueye elu ụwa, o zi mirin e ye ugbo lẹ ọfịa.

Ẹbụ-ọma 104:14

Y'e mẹ ẹfịfịa e sueni efin, e mẹ ihiẹn-akụnkụn e sue; kẹni ịhịan rụn ugbo hụn ihiẹn-oriri

Ẹbụ-ọma 135:7

Ịya e gi orukpu rịkwọrị ebe ụwa ru e buhẹ mirin-ozuzue; ịya e mẹ amụma e be ebe mirin rị e zue, a gha ebe o butọ ihiẹn e wepụha ufere.

Jerimaya 10:12

Kanị Chuku gi ikẹn ẹ ke ụwa; ịya gi akọ-lẹ-uche ẹ mẹmẹ ụwa, gi nghọta a shịshịapụ igwere.

Jerimaya 10:13

Olu ẹ han, mirin ile rị igwere e dẹn; o mẹ mirin e rugbarị elu-ụwa ile. O mẹ amụma e be mirin gha e zue, ọ gha ebe o butọ ihiẹn e wepụha ufere.

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Matiu 5:45

kẹni ụnụ wụrụ ụmụ Nẹdi ụnụ rị elu-igwee nke-esi. Makẹni, o mẹ anwụn a e tikpu kẹ eje-ịhịan kẹ ezigbo ịhịan, e mẹ mirin e zueni kẹ ndị ezi-omumẹ kẹ ndị eje-omumẹ.

Hibru 6:7

Alị hụn a ra mirin rị e zueyen'ẹ, e gi ẹ e mẹ ihiẹn wẹ kụnye ẹ a pụha, a bannị ndị kụnn'a erere, ngọzi k'ọ narịn ẹka Osolobuẹ.