Jẹnẹsisi 15:1 - Ika

¹ Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.”

Jẹnẹsisi 15:1 Iomraidhean Croise

Jẹnẹsisi 15:2

Kanị Ebram nọ sị, “Osolobuẹ nwọnni m, k'i k'e yedẹ m nwan — bụ amụnị m nwa? Ẹlẹ Ẹliẹza onyẹ alị Damaskọsụ jẹnkọ d'a kwarị ukuu m?”

Jẹnẹsisi 15:4

Kanị Osolobuẹ nọ sị Ebram, “Okẹnnyẹni akwakọ ukuu i! Nwa ẹfọ ị sikọ d'a kwa ukuu i.”

Jẹnẹsisi 21:17

Chuku nọ nụ olu nwa-ndu ahụn ebe ọ rị a kwan ẹkwan; ya mmọn-ozi Osolobuẹ nọ gha elu-igwee hị Haga oku, sị a, “Haga, k'ị rị a kwannị? Atụlẹ egun, makẹni Osolobuẹ a nụọlẹ olu nwata ahụn ebẹhụ ọ rị.

Jẹnẹsisi 22:1

Ihiẹn ndịnị e mẹgụ, Chuku nọ lele Ebraham: ọ hị a, “Ebraham!” Ebraham nọ sị a, “Lee m ebeni.”

Jẹnẹsisi 22:20

Ogẹn ihiẹn ndịnị gi mẹgụ, ọ nọbe, ozi nọ bịanị Ebraham, sị, “Mil'ka a mụgụọnị Nahọ nwẹnẹ i ụmụ.”

Jẹnẹsisi 26:24

Uhinhin ahụn daị, Osolobuẹ nọ bịa d'e kunrun ẹ, sị a, “Mmẹ wụ Chuku Ebraham nẹdi i; atụlẹ egun, nị mmẹ lẹ yụ wị; m jẹnkọ d'a gọzi i, mẹ ụmụ ị barahị — m jẹnkọ d'e mẹ ihiẹn ndịnị makẹ ufiri odibo m wụ Ebraham.”

Jẹnẹsisi 31:7

kanị nẹdi ụnụ e mẹgbuọlẹ m, mgbe iri k'o gbehutọpụ ihiẹn o te k'a kụ m, kanị Osolobuẹ anịnị a rụ m ẹhụ.

Samuẹlụ Nke Ẹbụọ 22:3

Chuku wụ Okẹn-ọmụma m, hụn m'a gbaban; akpaịn m lẹ mpịn hụn a zụọpụhanị m. Ịya wụ ebe m nọ e nwọn nchedọn, ebe m'a gbaban lẹ onyẹ a zụọpụhanị m — ịyụ zụọpụha m ẹka ndị egbu-lẹ-egbu.

Ndị-nze Nke Ẹbụọ 1:15

Ya mmọn-ozi Osolobuẹ nọ sị Ẹlaịja, “Sọnrin ẹ; atụlẹ egun ẹ.” Ya kẹ Ẹlaịja nọ lihi, sọnmẹ ẹ d'e kunrun eze.

Ihiẹn Mẹni Nke Ibuzọ 28:20

Defidi nọ nwan sị Solomọnụ nwa a, “Kakẹnmẹ. Kwọndọn obi i, n'ị rụn ọrụn ahụn. Atụkwọlẹ egun mọbụ nị ndụn gụ ị, makẹni Osolobuẹ hụn wụ Chuku — hụn wụ Chuku m — nọyen'i anọyeni. Ọ nịkọ ụya ri i mọbụ la i tọ y'e we rụngụ ọrụn ile rị ụlọ-nsọ Osolobuẹ.

Ẹbụ-ọma 115:10

Ebọn Ẹrọnụ, ndị nchụn-ẹjan, gi ni Osolobuẹ dọn ẹnya. Ịya e yeni ụnụ ẹka; ịya e che ụnụ nche.

Ẹbụ-ọma 119:114

Ịyụ wụ ebe m'a warị lẹ akpaịn m gi e che ẹhụ, ihiẹn i ku kẹ m gi rị dọn ẹnya.

Ẹbụ-ọma 142:5

Dodo Osolobuẹ, m rị a kpọku i; a sị, “Ịyụ kẹ m gbọnni, ịyụ sụọ kẹ m nwọn elu-ụwa.”

Ẹbụ-ọma 18:2

Osolobuẹ wụ Okẹn-ọmụma e che m nche, ebe m'a gbaban lẹ onyẹ hụn a zụọpụhanị m! Chuku m wụ Okẹn-ọmụma m hụn m'a gbaban, akpaịn m lẹ mpịn a zụọpụhanị m. Ịya wụ ebe m nọ e nwọn nchedọn.

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Ẹbụ-ọma 3:3

Kanị Osolobuẹ, ịyụ wụ onyẹ e che m nche, ọghọ m lẹ onyẹ a tụnị m ụya.

Ẹbụ-ọma 3:4

Osolobuẹ kẹ m'a kpọku, ọ gha Ugu nsọ a za m. Sẹla

Ẹbụ-ọma 5:12

Makẹni yụ wụ Osolobuẹ a gọzi ndị ezi-omumẹ a gọzi; y'e gi ọhụnma e gbọnhunmẹ wẹ rịkẹ akpaịn.

Ẹbụ-ọma 58:11

Onyẹ ọwụlẹ k'a sị, “Ezioku, onyẹ ezi-omumẹ nwọn ụgwọ-ọrụn; Chuku hụn a han ezigbo eṅẹn elu-ụwa rị arị.”

Ẹbụ-ọma 84:11

Makẹni, Osolobuẹ wụ Chuku ẹnyi wụ ẹnyanwụn lẹ akpaịn, ara gi ihiẹn ọwụlẹ rị mma jọ ndị obibi wẹ kụrụ ọtọ ẹfọ.

Ẹbụ-ọma 84:9

Chuku dodo, gi ẹnya rị mma lee akpaịn ẹnyi, eze ẹnyi; dodo lee onyẹ ahụn i te udẹn i tumẹ ẹnya ihun.

Ẹbụ-ọma 91:4

O k'e gi ugbele ẹka-nku ẹ kpumẹ i, ya nọdị okpuru nku ẹ, ihiẹn e mẹkọ ị. Akpaịn uku lẹ akpaịn nta wẹ gisọnmẹ e che ịhịan nche k'ọ wụ makẹni o furu w'a tụkwasị obi.

Ọpụpụ 14:13

Mozizi nọ za wẹ, sị, “Atụlẹ ni egun! Turu ni; ụnụ jẹnkọ d'a hụn nzụọpụha Osolobuẹ jẹnkọ d'a zụọpụha ụnụ tannị. Nke ndị Ijiptuni ụnụ rị a hụn tannị, ụnụ ahụnkọzị wẹ.

Itẹn 11:18

Ụgwọ-ọrụn a la iwi kẹ eje-ịhịan e nwọnhẹn, kanị ezigbo ụgwọ-ọrụn kẹ onyẹ a kụnye ezi-omumẹ a ghọrị.

Itẹn 30:5

Oku ile Chuku ku furu wẹ gi e dọn ẹnya; Chuku e che ndị ile gbaburun'ẹ nche.

Azaya 35:4

Sị nị ndị obi wẹ zelẹni, “Kwọnkẹnmẹ ni enwẹn ụnụ, atụlẹ ni egun, Chuku ụnụ lala — ọ lala d'e mẹgwarịnị ụnụ, ọ lala d'e mẹgwarị wẹ kẹ Chuku; ọ lala d'a zụọpụha ụnụ.”

Azaya 40:10

Lee n'ẹ, Di-nwọnni-ẹnyi wụ Osolobuẹ gi ikẹn ẹ lala, ọ kpala ikẹn. Lee n'ẹ, o gi ihiẹn ọ rụnpụha lala, ihiẹn ọ rụn sọnla a.

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 43:5

Atụlẹ egun, mmẹ lẹ yụ wị; m k'a gha ẹbamịn ọwụwa-ẹnyanwụn welụa ụmụ ị, m k'a ghazị ẹbamịn ọdịdan-ẹnyanwụn welụa ụnụ.

Azaya 44:2

Lee ihiẹn Osolobuẹ ku — Osolobuẹ hụn ken'i, hụn mẹmẹ i imẹ ẹfọ nnẹ i, hụn jẹnkọ d'e yen'i ẹka — ọ sị, “Odibo m Jekọpụ, atụlẹ egun. Jẹshurunu hụn m họrị, atụlẹ egun.

Azaya 44:8

Amalẹ ni piripiri, ndị nke m; atụlẹ ni egun. Agwatọgụọnị m ụnụ kete-kete nị ihiẹn ndịnị jẹnkọ d'e mẹ? Ụnụ wụ ọshẹri m! Gwa nị m nwan kẹ o nwọn Chuku rịnị wezụka m! Mba! Ọmụma ọzọ arịa — amarịn m ọzọ!”

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Jerimaya 39:17

Kanị, mmẹ wụ Osolobuẹ rị e ku ẹ nị m jẹnkọ d'a gbapụha ị ụhụọhịn ahụn! Ewekọ wẹ i ye ndị ị rị a tụ egun wẹ.

Ẹkwan 3:24

A sịgụọ m enwẹn m, “Osolobuẹ kẹ m nwọn, m k'e cheri ẹ nwan.”

Izikẹlụ 1:1

Nke akpọhịn isẹn imẹ ifọn nke ẹnọ imẹ ahụa nke iri-kwasị-ọgụn, m rị mkpẹnrẹn Iyi Kẹba alị Babilọnụ, ebe wẹ kpụnjẹn mmẹ lẹ ndị Juda ibe m. Ya m nọ hụn ọhụn. Imẹ ọhụn ahụn, igwere nọ kpupụ, Chuku nọ ghọsị m ihiẹn.

Izikẹlụ 11:24

Ya kẹ Mmọn Chuku nọ buru m shi imẹ elu, imẹ ọhụn hụ Chuku mẹ m hụn, wekinhẹn m ebẹhụ ndị Izrẹlụ wẹ kpụnhan Babilọnụ rị. Ọ nọ fọn m ẹnya.

Izikẹlụ 3:4

Ọ nọ sị, “Nwa-ịhịan, buru nwan ikpụlọ Izrẹlụ d'a gwa wẹ ihiẹn m ku.

Ọgụngụn 12:6

ọ nọ sị wẹ, “Gọn ni nwan ntịn ihiẹn m jẹnkọ d'e ku: Omẹni onyẹ-amụma m rị igunrun ụnụ, imẹ ọhụn kẹ m'a nọ e we enwẹn a ghọsị a; imẹ nrọ kẹ m nọ a gwa a oku.

Ọgụngụn 18:20

Osolobuẹ nọ sị Ẹrọnụ, “Y'e nwọnkọ alị imẹ alị wẹ, y'e nwọnkọ ukuu imẹ igunrun wẹ; mmẹ wụ ihiẹn run'i lẹ ukuu i imẹ ndị Izrẹlụ.

Ọgụngụn 24:4

amụma onyẹ hụn a nụ ọnụ Osolobuẹ, a hụn ọhụn gha ẹka Onyẹ Nwọn ikẹn ile a bịa; onyẹ hụn a dann'a alị hụn ẹnya a shịapụ:

Matiu 28:5

Kanị, mmọn-ozi hụ nọ sị ikpoho ndị hụ, “Atụlẹ ni egun. A marịnghọ m nị ụnụ rị a chọ Jizọsị, hụn wẹ kpọgbu elu obe.

Matiu 8:26

Ọ nọ sị wẹ, “Kị ụnụ rị a tụnị egun? Ndị okukwe nta!” Ya ọ nọ lihi ọtọ, jụgbọ okẹn ufere hụ lẹ ohimin hụ. Ụzọ ile nọ mẹchanrịn rajụụ.

Luku 1:13

Mmọn-ozi hụ nọ sị a, “Zẹkaraya, atụlẹ egun! Osolobuẹ a nụgụọ ekpere i: Ẹlizabẹti nwunyẹ i jẹnkọ d'a mụn'ị okẹnnyẹ! I k'a kpọ a Jọnụ.

Luku 1:30

Mmọn-ozi hụ nọ sị a, “Meri, atụlẹ egun. Chuku e mẹgụọn'ị ọhụnma.

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Ọrụn Ndị-ozi 10:22

Wẹ nọ za, sị, “Kọnẹlusu zi ẹnyi. Onyẹ a kị ndị-agha ọgụn-isẹn rọ, onyẹ ezi-omumẹ a tụ egun Osolobuẹ; ndị Ju ile e ku oku ẹ ọhụnma. Mmọn-ozi nsọ gwa a d'a kpọ ị, n'ị bịa iwe ẹ kẹni ọ nụ ihiẹn i k'e ku.”

Ndị Kọrẹntị Ibuzọ 3:22

kẹ Pọlụ-o, kẹ Apolọsụ, kẹ Kẹfasị wụ Pita-o, kẹ ụwa ile-o; kẹ ndụn-o, kẹ ọnwụn-o; kẹ ihiẹn rị ogẹnni-o, kẹ ihiẹn rị ihun-o, wẹ ile wụ nke ụnụ;

Ditrọnọmi 18:2

Esọnkọ wẹ ndị Izrẹlụ ibe wẹ nwọn ukuu; Osolobuẹ wụ ukuu wẹ, k'o dọn kwe wẹ nkwa.

Ditrọnọmi 31:6

Kakẹnmẹ ni; rikin ni obi! Atụlẹ ni egun, amalẹ ni ni piripiri, makẹni ụnụ lẹ Osolobuẹ wụ Chuku ụnụ wị jẹnkọ, ọ hapụkọ ụnụ mọbụ la ụnụ tọ.”

Hibru 1:1

Ogẹn mbụ, Osolobuẹ gwasọnmẹ ndị nẹdi ẹnyi wẹ oku imẹrinmẹ ogẹn lẹ ụzọ rị ichẹn-ichẹn ghahanị ndị-amụma.

Rẹvẹleshọnụ 1:17

Ogẹn m gi hụn a, m nọ fiẹnrin alị ụkụ a kẹ onyẹ nwụnhụnnị. Kanị, ọ nọ bu ẹka-nni ẹ kwasị m, sị, “Atụlẹ egun. Mmẹ wụ Ibuzọ lẹ Ikpanzụụn.

Rutu 2:12

Osolobuẹ ya kụ ị ụgwọ ihiẹn-ọmanị ile i mẹ; ẹghẹẹ, Osolobuẹ wụ Chuku ndị Izrẹlụ, hụn i gbabanhan okpuru nku ẹ, ya kụ ị ụgwọ zu òke.”

Samuẹlụ Nke Ibuzọ 15:10

Ya Osolobuẹ nọ sị Samuẹlụ,

Samuẹlụ Nke Ibuzọ 9:9

(Ogẹn mbụ imẹ Izrẹlụ, onyẹ chọ n'o jẹn d'a chọpụha uche Osolobuẹ, o ru ọ sị, “Nị ẹnyi d'e kunrun ‘Onyẹ a hụn ọhụn’ makẹni ihiẹn w'a kpọ ‘Onyẹ-amụma’ ogẹn mbụ wụ Onyẹ a hụn ọhụn.)”