Jẹnẹsisi 12:3 - Ika

³ M k'a gọzi ndị hụn gọzini i, kanị, onyẹ bụ ị ọnụ, a bụ m'a ọnụ. Ịyụ kẹ ebọn ile rị elu-ụwa k'a gha nwọnhẹn ngọzi.”

Jẹnẹsisi 12:3 Iomraidhean Croise

Jẹnẹsisi 18:18

Ezuemẹkọnị m'a ya, ebe o mẹ ni Ebraham k'a wụrụ okẹn alị nwọn ikẹn ọda-ọda lẹni alị ile rị elu-ụwa k'a gha ẹka a nwọnrin ngọzi.

Jẹnẹsisi 18:19

Mba, ezuemẹkọnị m'a ya makẹni a họrịọlẹ m'a kẹni ọ hụn ụzọ gwa mmụ a lẹ ikpụlọ a ihiẹn wẹ jẹnkọ d'e mẹ, sị wẹ e sọn ụzọ Osolobuẹ ghahanị imẹ ezi-omumẹ lẹ imẹ ihiẹn furuni, kẹni Osolobuẹ mẹzuni Ebraham nkwa o kwe ẹ.”

Jẹnẹsisi 22:18

ẹka ụmụ ị kẹ alị ile rị elu-ụwa k'a gha nwọnrin ngọzi wẹ; o k'a rị ẹrịra makẹni y'e mẹọlẹ ihiẹn m ku.”

Jẹnẹsisi 24:35

Osolobuẹ e mẹgụọnị di-nwọnni m ọhụnma ọda-ọda; ọdanfịn k'ọ wụ kikẹnni; Osolobuẹ e yegụọ a igunrun atụnrụn, ye ẹ igunrun efin; o yegụọ a siliva, ye ẹ goru; o yegụọ idibo-ikẹnnyẹ, ye ẹ idibo-ikpoho; o yegụọ a anyịnyan-mkpukpuke, ye ẹ Jaki.

Jẹnẹsisi 25:11

Kẹ Ebraham nwụnhụngụ, Osolobuẹ gọzi Aziki nwa a. Biẹ-Lahaị-rọị kẹ Aziki bi.

Jẹnẹsisi 26:29

n'o nwọnni ogẹn y'e gi chọ ẹnyi njọ — k'o dọn mẹni ẹnyi a hụatụnị ị ẹka, ẹnyi emẹni i ihiẹn ọwụlẹ karị ihiẹn rị mma; ogẹn ẹnyi gidẹ sị ị lama, onwọnni ihiẹn ẹnyi mẹ i. Osolobuẹ a gọzigụọ ị nwan.”

Jẹnẹsisi 26:4

M k'e mẹ ụmụ ị barahị rịkẹ kokisẹ rị elu-igwere; m k'e we alị ndịnị ile ye ụmụ ị; alị ile rị elu-ụwa k'a gha ẹka nwa ị nwọnrin ngọzi wẹ —

Jẹnẹsisi 27:29

Ndị alị ichẹn-ichẹn wẹ wụrụ idibo i, alị ichẹn-ichẹn wẹ kụn'ị isi alị; umunẹ i wẹ rị okpuru i — ẹghẹẹ, ụmụ ile nnẹ i mụ wẹ kụn'ị isi alị. Ọbụbụ-ọnụ ya rịnị onyẹ ọwụlẹ hụn k'a bụ ị ọnụ; ngọzi ya rịnị onyẹ ọwụlẹ hụn k'a gọzin'i.”

Jẹnẹsisi 28:14

Ụmụ ị k'e bu ọda kẹ ẹjan rị alị. Ị k'a bashi ụzọ ile, kẹ ọdịdan-ẹnyanwụn kẹ ọwụwa-ẹnyanwụn kẹ ẹbamịn-ugu kẹ ẹbamịn ndịdan-mirin. Ịyụ lẹ ụmụ ị kẹ ụwa ile sikọ d'a gha nwọnrin ngọzi.

Jẹnẹsisi 30:27

Ya Labanị nọ sị a, “Dodo, omẹni ihiẹn m a sụọghọ ị, duzi m nọdị, makẹni a mahụngụọ m'a nị ufiri i haịn Osolobuẹ gi rị a gọzi m.”

Jẹnẹsisi 30:30

Ihiẹn i bulẹni ọda kẹ m bịa a barapụgụọ; Osolobuẹ e gigụọ ihiẹn ile m buche ẹka gọzi i. Elee ogẹn kẹ m'e gi nwan mẹni ezi-lẹ-ụlọ m?”

Jẹnẹsisi 39:5

Gha ogẹn ahụn Pọtifa gi bu ikpụlọ a lẹ ihiẹn ile o nwọn che ẹka Josẹfụ jẹnmẹ, Osolobuẹ nọ gi ufiri Josẹfụ mẹ ihiẹn masịnị ikpụlọ onyẹ Ijiptu ahụn; ngọzi Osolobuẹ hụ e sọn ihiẹn ile o nwọn, kẹ ụlọ kẹ ugbo.

Ẹbụ-ọma 72:17

Ẹfan eze ya agụlẹ kaka jẹnrin ejẹn; ẹfan a ya rịsọnmẹ, ẹnyanwụn e we gụ. Alị ile wẹ gi ẹ e nwọnrin ngọzi; alị ile wẹ kpọma a onyẹ wẹ gọzi.

Ọpụpụ 23:22

I gọn ẹ ntịn ọhụnma-ọhụnma, mẹchanrịn ihiẹn ile m ku, m k'a wụ eṅẹnrẹn ndị iṅẹnrẹn i, wụrụ onyẹ iwe ndị iwe i.

Ọgụngụn 24:9

Izrẹlụ a makpuru, o dinẹ, nọkẹ ẹwọrọ, rịkẹ onyẹnnyẹ-ẹwọrọ: onyẹ kẹ egun a nị kpọtiẹn ẹ?! Ngọzi ya rịnị ndị gọzini ụnụ, ịbụ-ọnụ ya rịnị ndị bụ ụnụ ọnụ!”

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Matiu 25:45

O jẹnkọ d'a za wẹ, sị, ‘Ezioku kẹ m rị a gwa ụnụ, ebe ụnụ nọlẹni mẹni onyẹ hụn kachanrịndẹ ntịn imẹ ndịnị ya, ụnụ emẹnini m'ẹ.’

Luku 24:27

Ya Jizọsị nọ gha ihiẹn Mozizi de imẹ Ẹkụkwọ-nsọ lẹ ihiẹn ndị-amụma ile de kọwachanrịn nị wẹ ihiẹn ile Ẹkụkwọ-nsọ ku banyeni enwẹn ẹ.

Ndị Rom 4:11

omẹgụ, Osolobuẹ nọ nwan gi ịkwa-ugun ye ẹ ahịma, ghọsị n'o gigụọlẹ okukwe ẹ họnrin onyẹ ezi-omumẹ k'o kelẹni kwa ugun. Osolobuẹ mẹ ẹ kẹni Ebraham wụrụ nẹdi ndị ile kwalẹni ugun hụn kwerini, ndị hụn Osolobuẹ gizi okukwe wẹ kpọ ndị ezi-omumẹ,

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Galeshịa 3:16

Ogẹn Osolobuẹ gi kwe Ebraham lẹ nwa a nkwa hụ, Ẹkụkwọ-nsọ asịnị “Ụmụ ị” ya wụ, hụn karị onyẹ ohu; kanị ọ sị “nwa ị” ya wụ onyẹ ohu sụọ — hụn wụ Kraịstị.

Ndị Galeshịa 3:28

Ya wụ nị onwọnzini ihiẹn rị ichẹn ẹgbata ndị Ju lẹ ndị wụlẹni ndị Ju; ẹgbata igbọn lẹ onyẹ nwọn enwẹn ẹ; ẹgbata ikẹnnyẹ lẹ ikpoho: ẹnyi ile wụ ohu imẹ Kraịstị wụ Jizọsị.

Ndị Galeshịa 3:8

Ẹkụkwọ-nsọ e kutọgụọ a nị Osolobuẹ jẹnkọ d'e gi okukwe ndị wụlẹni ndị Ju kuni wẹ ọhụnma; ọ sị nị Chuku zi Ebraham oziọma ẹdẹi, sị, “Ẹka ị kẹ Osolobuẹ k'a gha gọzi ndị alị ile.”

Ndị Ẹfẹsọsụ 1:3

Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.

Ndị Kolosị 3:11

Imẹ ndụn ọhụnnị, onwọnzini ihiẹn nọ kẹ ndị Ju lẹ ndị wụlẹni ndị Ju mọbụ ndị kwa ugun lẹ ndị kwalẹni mọbụ ndị rị imẹ ọfịa lẹ ndị walẹni ẹnya mọbụ igbọn lẹ onyẹ nwọn enwẹn ẹ. Kraịstị sụọ wụ ihiẹn ile; Kraịstị rị imẹ wẹ ile.

Rẹvẹleshọnụ 7:9

Ọhụn e mẹgụ, m nọ lee ẹnya, hụn igunrun hi-ogbe, hụn o mẹ ni onwọnni onyẹ saẹka gụn wẹ. Wẹ ghasọnmẹ alị ile, ebọn ile, ndị ile, lẹ asụsụ ile pụha. Igunrunni turu ihun ukpo-eze hụ lẹ ihun Nwa-ebulu hụ. Wẹ ile yi ẹwuru ọchan tueru alị. Onyẹ-onyẹ gi iguru ẹka.