Jẹnẹsisi 10:5 - Ika

⁵ Ụmụ Javanị ndịnị mụ ndị bisọnmẹ mkpẹnrẹn Ohimin Mẹditerenia — hụn ọwụlẹ lẹ alị o bi lẹ asụsụ wẹ lẹ ebọn wẹ lẹ ndị alị wẹ.

Jẹnẹsisi 10:5 Iomraidhean Croise

Jẹnẹsisi 10:20

Wẹ ile wụ ụmụ Ham: onyẹ-onyẹ lẹ ebọn ẹ lẹ asụsụ a lẹ alị o bi lẹ ndị alị a.

Jẹnẹsisi 10:25

Ẹba mụ ikẹnnyẹ ẹbụọ: ẹfan ohu wụ Pẹlẹgị (ya wụ “nkebe”), makẹni, ogẹn ẹ kẹ ụwa gi kebe. Ẹfan nwẹnẹ ẹ wụ Joktanị.

Jẹnẹsisi 10:32

Wẹ ile wụ ebọn ụmụ Nụa — kẹ wẹ dọnsọnmẹ mụ wẹ lẹ alị ndị gha ẹhụ wẹ pụha. Imẹ wẹ kẹ alị ichẹn-ichẹn gha ba ụba bajun ụwa ogẹn okẹn-mirin hụ gi bigụ.

Jẹnẹsisi 10:4

Ụmụ Javanị wụ Ẹlisha lẹ Tashishi lẹ Kitim lẹ Rodu hụn wụzị Dodu.

Jẹnẹsisi 10:6

Ebọn Ham lẹ ụmụ wẹ wụ ndịnị: Kushi lẹ Mizraim wụ Ijiptu lẹ Putu lẹ Kenaanị.

Jẹnẹsisi 9:19

Wẹ ẹtọ wụ ụmụ Nụa; ndị ile rị ichẹn-ichẹn rị elu-ụwa gha ẹhụ wẹ pụha.

Ẹsta 10:1

Eze wụ Ahazẹrusu kịchanrịn alị ile rị akpakalị lẹ ndị rịkwọrị mkpẹnrẹn ohimin, wẹ ile hụ a tụhan'a ụtụ.

Ẹbụ-ọma 72:10

Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 24:15

Ndị rị ẹbamịn ọwụwa-ẹnyanwụn yemẹ ni nwan Osolobuẹ ọghọ; ja nị ẹfan Osolobuẹ wụ Chuku Izrẹlụ mma imẹ alị ndị hụ tegbu enwẹn ẹ rị mkpẹnrẹn ohimin.

Azaya 40:15

Alị ile nọhụ kẹ ntan-ntan mirin ohu rị imẹ igbeju; wẹ nyịnhanhụ kẹ uzunzun elu ihiẹn o gi a ma ihiẹn; O gihụ mkpịnsịn ẹka e deri alị ile rịdẹ mkpẹnrẹn ohimin lekẹ uzunzun riẹnni.

Azaya 41:5

Alị ndị rịdẹ mkpẹnrẹn ohimin a hụngụọ a, egun hụ a tụ wẹ; ndị rị ebe ile ụwa ru hụ a ma piripiri. Wẹ hụ e jẹnpụha, a kịgbama;

Azaya 42:10

Bụnị nị Osolobuẹ ẹbụ ọhụn, gi ni ẹbụ ja a mma ebe ile ụwa ru — kẹ ụnụ ile a gha ohimin kẹ ihiẹn ile rị imẹ ẹ, kẹ alị ndị teni rị mkpẹnrẹn ohimin lẹ ndị ile bi imẹ wẹ.

Azaya 42:4

ẹhụ arọkọ a, ndụn agụkọ a — d'e ru n'o yegụ ezioku ọnọdị a elu-ụwa. Alị ndị rịdẹ nfetu ohimin k'a gha e che iwu ẹ.

Azaya 49:1

Gọn ni m ntịn, alị ndị teni rị ohimin; nụ nị ihiẹnni, alị ile teni: M rị imẹ ẹfọ kẹ Osolobuẹ kpọ m; m rị ẹfọ nnẹ m k'ọ kpọma ẹfan m.

Azaya 51:5

M lala d'e mẹni ụnụ ihiẹn furuni, nzụọpụha m lala alala, ẹka m k'a kị alị ile. Alị ndị teni rị ohimin k'a rịzịdẹ e lee ẹnya m; wẹ k'a rị e che m nị m d'a tụnị wẹ ụya.

Azaya 59:18

Ihiẹn onyẹ-onyẹ mẹ k'o k'e gi sọn ẹ: o k'e ye ndị iṅẹnrẹn ẹ afụnfụn, mẹshi ndị rị a lụsọn ẹ ọgụn ikẹn — o k'e yedẹ alị ndị rị mkpẹnrẹn ohimin teni afụnfụn ihiẹn wẹ mẹ.

Azaya 60:9

Mmẹ kẹ alị ndị tegbu enwẹn wẹ rị ohimin burula! Ụgbọ-mirin uku Tashishi ndị ahụn rị wẹ ihun, wẹ bula ụmụ ị rị ebe teni — uwẹ lẹ siliva lẹ goru wẹ — d'a gbaye Osolobuẹ wụ Chuku ụnụ, Onyẹ-nsọ alị Izrẹlụ — makẹni o yeọlẹ ụnụ ọghọ.

Jerimaya 2:10

Fetu ni Ohimin shi alị Kitim d'e lee, ụnụ a hanjẹnzikwọ ịhịan alị Kẹda d'e lekpọ; lee ni kẹ ihiẹn nọ ẹnịna e mẹtughọ:

Jerimaya 25:22

lẹ ndị-nze alị Taya lẹ ndị-nze alị Sidọnụ lẹ ndị-nze alị ndị rịsọnmẹ nfetu Ohimin Mẹditerenia;

Izikẹlụ 26:15

“Osolobuẹ Nwọn Ihiẹn Ile sị alị Taya: Ọdịdan ị jẹnkọ d'e mẹhunmẹ alị ndị ọzọ rị ibẹka ohimin ọda-ọda — makẹni wẹ k'a rị a nụ udẹn ndị wẹ rụ ẹhụ rị a sụn wẹ gha e gbu ụnụ.

Izikẹlụ 26:18

Alị ndị rị ibe ohimin rị nwan a ma piripiri, nị y'a dan; alị ndị rị ibe ohimin rị nwan a tụ egun n'e wepụgụọ wẹ i.’

Daniẹlụ 11:18

“O bunụmanị alị ndị rị mkpẹnrẹn Ohimin, weri ndị bu ọda imẹ wẹ, kanị ọkị-agha ohu jẹnkọ d'a kụsị ụya ahụn ọ rị e ye wẹ e ri, we ẹ ye ya nwẹn ri.

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

Ditrọnọmi 32:8

Ogẹn Onyẹ Ahụn Kachanrịnnị gi yesọnmẹ ndị alị rị ichẹn-ichẹn ihiẹn o ye wẹ, ogẹn o gi kebe ịhịan ile, o keyesọnmẹ alị ile rị ichẹn-ichẹn ebe o keye wẹ — kẹ ụmụ Osolobuẹ han.