Jẹnẹsisi 1:12 - Ika

¹² akpakalị nọ pupụha ihiẹn ile rị ichẹn-ichẹn, kẹ ndị a mị mkpụrụ kẹ osisi ndị a mị ogbe nwọn mkpụrụ, onyẹ-lẹ-ụdị-a, onyẹ-lẹ-ụdị-a. Osolobuẹ e lee ẹ, ọ nọ hụn a n'ọ hụ mma.

Jẹnẹsisi 1:12 Iomraidhean Croise

Jẹnẹsisi 1:11

Chuku nọzị sị, “Akpakalị ya pu ihiẹn: kẹ ndị a mị mkpụrụ kẹ osisi ndị a mị ogbe nwọn mkpụrụ, onyẹ lẹ ụdị a onyẹ lẹ ụdị a; ya pu ẹrịra akpakalị ile.” Ọ nọ rị ẹrịra:

Jẹnẹsisi 1:13

Uhinhin a gharị, efinaị a gharị: ọhụn mẹ ẹ akpọhịn ẹtọ.

Ẹbụ-ọma 104:14

Y'e mẹ ẹfịfịa e sueni efin, e mẹ ihiẹn-akụnkụn e sue; kẹni ịhịan rụn ugbo hụn ihiẹn-oriri

Azaya 61:11

Ẹghẹẹ, kẹ ẹjan dọn e mẹ ihiẹn e pu, kẹ alị-ugbo dọn e mẹ mkpụrụ wẹ kụn imẹ ẹ e sue, ẹrịra kẹ Di-nwọnni-ẹnyi wụ Osolobuẹ jẹnkọ d'e mẹ ihiẹn o k'e mẹ, alị ile a hụn ezi-omumẹ ẹ, gi ẹ ja a mma.

Makị 4:28

Alị e gi ẹka a e mẹ ihiẹn: o pu, o sue mị mkpụrụ, ọ ka.

Luku 6:44

Mkpụrụ osisi kẹ wẹ gi a marịn a: w'a ra ghọrị figi elu ọgọgọ; w'a ra ghọrị ogbe vaịnị elu abị-ogun.

Ndị Kọrẹntị Nke Ẹbụọ 9:10

Osolobuẹ hụn e ye ịhịan ihiẹn o k'a kụnye lẹ ihiẹn o k'e ri k'e ye ụnụ ihiẹn ụnụ jẹnkọ d'a kụn, o mẹ ẹ sue, mẹ ẹ mị ọda-ọda; o k'e mẹ ụnụ ghọrị ezi-omumẹ nọkẹ ihiẹn-ugbo, ghọrị a ọda-ọda.

Ndị Galeshịa 6:7

Edufiekwọlẹ ni enwẹn ụnụ: Osolobuẹ anịkọkwọ wẹ lelịa a; ihiẹn onyẹ kụn k'o k'a ghọrị.

Hibru 6:7

Alị hụn a ra mirin rị e zueyen'ẹ, e gi ẹ e mẹ ihiẹn wẹ kụnye ẹ a pụha, a bannị ndị kụnn'a erere, ngọzi k'ọ narịn ẹka Osolobuẹ.