Jẹnẹsisi 1:1 - Ika

¹ Isi mbidọn, kẹ Chuku ke elu-igwere lẹ elu-ụwa,

Jẹnẹsisi 1:1 Iomraidhean Croise

Ndị-nze Nke Ẹbụọ 19:15

Hezikaya nọ mẹ ekpere rịọ Osolobuẹ, sị, “Euu Osolobuẹ, Chuku Izrẹlụ, ịyụ hụn nọdị ukpo-eze elu ndị chẹrobu ẹbụbụọ hụ, ịyụ sụọ wụ Chuku hụn alị-eze ile rị ụwa rị okpuru ẹ. Ịyụ ke elu-igwee lẹ alị.

Ihiẹn Mẹni Nke Ibuzọ 16:26

Makẹni mmọn-lẹ-iyi ile alị ndị ọzọ e fe wụhụ ihiẹn ẹka mẹmẹ, kanị Osolobuẹ mẹmẹ elu-igwere.

Ihiẹn Mẹni Nke Ẹbụọ 2:11

Hiram wụ eze Taya nọ de ẹkụkwọ-ozi, sị Solomọnụ, “Ihiẹn ndị nke Osolobuẹ sụọ a haịn o gi tumẹ i eze wẹ.”

Nehemiah 9:6

“Ịyụ sụọ wụ Osolobuẹ: Ịyụ ke elu-igwere, k'o jẹnhanlẹ elu — ya lẹ kokisẹ ile rịn'a; ịyụ kezikwọ ụwa lẹ ihiẹn ile rị imẹ ẹ lẹ ohimin ile lẹ ihiẹn ile rị imẹ wẹ. Ịyụ ye wẹ ile ndụn; ndị ile rị elu-igwee e fe i efe.

Jobu 26:13

Uzun ẹ kẹ igwere gi fọn; ẹka a zupu agwọ akan ahụn wụ Lẹvịatanị.

Jobu 38:4

“Elebe k'ị rị kẹ m gbe iyetọ ụwa? Gwa m, omẹni y'a marịnka ihiẹn.

Jobu 9:8

Ịya sụọ ke igwere hụn shịagbu enwẹn ẹ; ịya sụọ kẹ ẹbiri ohimin rị okpuru ẹ;

Ẹbụ-ọma 102:25

ịyụ ke ụwa kete-kete; igwere wụzịkwọ ọrụn-ẹka ị.

Ẹbụ-ọma 104:24

Euu Osolobuẹ, ihiẹn i ke e bukẹkwọ ọda! Akọ-lẹ-uche k'i gi ke wẹ ile; ihiẹn i ke e jun elu-ụwa ile.

Ẹbụ-ọma 104:30

Ịyụ zihẹ Mmọn ị gi ke wẹ; ịyụ e mẹ ihiẹn e pupụhazị alị ogẹn ẹ ru.

Ẹbụ-ọma 115:15

Osolobuẹ ya dodo gọzi ụnụ, Osolobuẹ hụn ke elu-igwee lẹ ụwa!

Ẹbụ-ọma 121:2

Ẹka Osolobuẹ kẹ m'a nọ hụn eyemẹka, Osolobuẹ hụn ke elu-igwee lẹ ụwa.

Ẹbụ-ọma 124:8

Ẹfan Osolobuẹ, Onyẹ hụn ke elu-igwee lẹ ụwa, kẹ eyemẹka ẹnyi gha a bịa.

Ẹbụ-ọma 134:3

Osolobuẹ ya gha Zayọnụ gọzi ụnụ, Osolobuẹ hụn ke elu-igwee lẹ ụwa.

Ẹbụ-ọma 136:5

Kpanmịn nị Onyẹ ahụn gi ẹka a ke igwere; makẹni ihiẹn-ọsụsụọ a rị jẹnrin ejẹn.

Ẹbụ-ọma 146:6

Onyẹ hụn ke elu-igwee lẹ ụwa lẹ ohimin lẹ ihiẹn ile rị imẹ wẹ, Osolobuẹ hụn e mẹsọnmẹ hụn run'ẹ jẹnrin ejẹn.

Ẹbụ-ọma 33:6

Oku-ọnụ Osolobuẹ k'o gi ke elu-igwere, uzun gha a ọnụ pụha k'o gi ke ihiẹn ndị rị igwere.

Ẹbụ-ọma 33:9

Makẹni oku k'o kuhụ, ụwa nọ rị; ọ sị a hụ pụha, ọ nọ pụha.

Ẹbụ-ọma 8:3

M gha e lee igwere i — hụn ẹka ị mẹmẹ kẹ ifọn kẹ kokisẹ rịn'a hụn i dọnmẹsọnmẹ ebe wẹ ri —

Ẹbụ-ọma 8:4

m hụ a jụ kẹ kị ịhịan wụdẹ nwan, i gi e ro ẹ? Kị ịhịan mmaka wụdẹ nwan, i gi e lepụ a ẹnya?

Ẹbụ-ọma 90:2

N'i d'e ke ugu ọwụlẹ, n'i d'e ke ụwa lẹ ndị rịn'a, ịyụ wụ Chuku; ị wụ Chuku ẹdẹi; ịyụ wụzịkwọ Chuku jẹnrin-ejẹn.

Ẹbụ-ọma 96:5

makẹni mmọn ile alị ndị ọzọ e fe wụhụ ihiẹn wẹ kpụ, kanị Osolobuẹ wụ onyẹ ke igwere!

Ọpụpụ 20:11

Makẹni akpọhịn isin kẹ Osolobuẹ gi ke elu-igwere lẹ ụwa lẹ ohimin lẹ ihiẹn ile rị imẹ wẹ, kanị nke akpọhịn ẹsa rịn'a, ọ nọ zu ikẹn. Ya kẹ Osolobuẹ nọ gọzi Ụhụọhịn Ezumikẹn, dọn ẹ nsọ.

Ọpụpụ 31:18

Ya kẹ Osolobuẹ nọ nwan ye Mozizi ibe ọmụma ẹbụọ hụ Ashịa-ẹri, kẹ ọ gwagụ a oku elu Ugu Saịnaị, ibe ọmụma ẹbụọ Osolobuẹ gi mkpịnsịn-ẹka a deye ihiẹn.

Itẹn 16:4

Osolobuẹ nwọn ihiẹn o bu obi e mẹ ihiẹn ile o mẹ — o dọnmẹzidẹ ndị eje-omumẹ ndụn kẹni nsọngbu kunrun wẹ.

Itẹn 3:19

Amamihiẹn kẹ Osolobuẹ gi gbe iyetọ ụwa, nghọta k'o gi dọnmẹ igwere ebe o dọnmẹ ẹ;

Ẹkịliziastisi 12:1

Nyanhankwọ Onyẹ keni i ebe ị rị okoro, ogẹn nsọngbu gini d'a bịa, ahụa ndị ahụn gini d'a bịa hụn y'e gi sị, “Asụọnị wẹ m;”

Azaya 37:16

Euu Osolobuẹ Ihiẹn Ile rị okpuru ẹ! Chuku Izrẹlụ; Onyẹ hụn nọdị alị ukpo ẹ elu Chẹrobu ndị ahụn nwọn nku! Ịyụ wụ Chuku nke-esi hụn alị-eze ile rị elu-ụwa rị okpuru ẹ; ịyụ ke elu-igwee lẹ ụwa.

Azaya 40:21

Ụnụ amarịn? Ụnụ e ke nụ? Agwanị wẹ ụnụ ya isi mbidọn? Ụnụ aghọtan'a kete w'e kelẹ ụwa?

Azaya 40:26

Weshidẹ ni ẹnya elu lee igwere: Onyẹ ke ihiẹn ndịnị ile? Onyẹ hụ hụn a kịpụha kokisẹ ile ohu-ohu, a kpọ wẹ ẹfan. Onwọnni akpụ-ohu e tuhuni, Makẹni ọ wụ dikẹn nwọn ikẹn ọda-ọda,

Azaya 40:28

Y'a marịn? Y'e ke nụ? Osolobuẹ wụ Chuku hụn rị jẹnrin ejẹn, Onyẹ hụn ke ebe ile ụwa ru. Ndụn agụkọ a, ẹhụ arọkọ a, onwọnni onyẹ marịn kẹ nghọta a han.

Azaya 42:5

Lee ihiẹn Chuku wụ Osolobuẹ ku — Chuku hụn ke igwere ile, gbama wẹ; hụn gbama elu-ụwa lẹ ihiẹn ile a gha imẹ ẹ a pụha, Chuku hụn e ye ndị rị elu-ụwa uzun, e ye ndị ile rịn'a ndụn:

Azaya 44:24

Lee ihiẹn Osolobuẹ ku — ihiẹn Onyẹ hụn gbapụhan'ị ku, Onyẹ hụn mẹmẹ i imẹ ẹfọ-nnẹ i: ọ sị: “Mmẹ wụ Osolobuẹ hụn ke ihiẹn ile; mmẹ sụọ setịnpụ igwere; gi ẹka m gbama ụwa kẹ ẹkwa.

Azaya 45:18

Makẹni ọnwan kẹ Osolobuẹ ku — Osolobuẹ, onyẹ hụn ke igwere; ịya wụ Chuku hụn ke ụwa, mẹmẹ ẹ k'ọ rị. Ịya ke ẹ, ẹlẹ kẹni ọ gba okpokoro, kanị o ke ẹ nị wẹ bi imẹ ẹ. Ọ sị, “Mmẹ wụ Osolobuẹ, ọzọ arịa.

Azaya 51:13

Onyẹ k'ị wụ hụn i gi a zọ Osolobuẹ hụn ken'i, hụn shịshịapụ igwere, gbe iyetọ ụwa? Onyẹ k'ị wụdẹ nwan egun gi a tụ ị ụhụọkịn ile makẹ ọnụma onyẹ rị a bịangbuni, hụn rị a sị n'o k'e tikpọrịrị? Kịnị kẹ ọnụma onyẹ hụ rị a bịangbuni k'e mẹdẹ nwan?

Azaya 51:16

E bugụọ m oku m che i ọnụ, gi ẹka m kpumẹ i. Mmẹ hụn dọnmẹ igwere ebe ọ rị, mmẹ hụn gbe iyetọ ụwa, mmẹ hụn rị a sị ndị Zayọnụ, ‘Ndị nke m kẹ ụnụ wụ.’ ”

Azaya 65:17

“Lee n'ẹ, m'e d'e ke igwere ọhụn lẹ ụwa ọhụn. Anyanhankọzị wẹ ndị mbụ; erokọdẹ wẹ wẹ.

Jerimaya 10:12

Kanị Chuku gi ikẹn ẹ ke ụwa; ịya gi akọ-lẹ-uche ẹ mẹmẹ ụwa, gi nghọta a shịshịapụ igwere.

Jerimaya 32:17

“Euu, Osolobuẹ ihiẹn ile rị okpuru ẹ, yụ gi ikẹn i hi-ogbe lẹ ẹka ị tịnpụ mẹmẹ igwere lẹ ụwa! Onwọnni ihiẹn a karị ị ẹka.

Jerimaya 51:15

“Kanị, Chuku gi ikẹn ẹ ke ụwa; ịya gi akọ-lẹ-uche ẹ mẹmẹ ụwa, gi nghọta a shịshịapụ igwere.

Zẹkaraya 12:1

Ọnwan wụ ihiẹn Osolobuẹ ku banyeni alị Izrẹlụ: “Lee ni ihiẹn Osolobuẹ ku, Osolobuẹ hụn gbama igwere, hụn ke ụwa, hụn ke mmọn rị imẹ ịhịan:

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Makị 13:19

Makẹni okẹn afụnfụn jẹnkọ d'a rị ogẹn hụ — ụdị hụn rịtulẹni kete Osolobuẹ e kelẹ ụwa; ụdị hụn jẹnkọlẹni d'a rịzị.

Ọrụn Ndị-ozi 14:15

“Ibe ẹnyi, kị ụnụ rị e mẹ ihiẹnni?! Ẹnyi wụhụ ịhịan mmaka nọ kẹ ụnụ!! Ẹnyi wẹhẹni ụnụ oziọma, kẹni ụnụ hụn ụzọ gbehutọ, la ihiẹn ndịnị nwọnlẹni-isi tọ, pụha d'e kunrun Osolobuẹ rị ndụn, onyẹ hụn ke elu-igwee lẹ ụwa lẹ ohimin lẹ ihiẹn ile rị imẹ wẹ.

Ọrụn Ndị-ozi 17:24

“Osolobuẹ hụn ke ụwa lẹ ihiẹn ile rị imẹ ẹ, Onyẹ hụn nwọn elu-igwee lẹ ụwa, ara bi ụlọ-mmọn wẹ gi ẹka tụn;

Ọrụn Ndị-ozi 4:24

Ogẹn wẹ gi nụ ihiẹnni, wẹ ile nọ gi obi ohu kpọku Osolobuẹ, sị, “Di nwọnni ẹnyi, onyẹ hụn ihiẹn ile rị okpuru ẹ, Onyẹ hụn ke elu-igwere lẹ ụwa lẹ ohimin lẹ ihiẹn ile rị imẹ wẹ,

Ndị Rom 11:36

Ẹghẹẹ! Makẹni, ẹka a kẹ ihiẹn ile gha a bịa; ẹka a kẹ ihiẹn ile gha a rị; ihiẹn ile a rịzịkwọ n'a. Ịja-mma ya rịn'a jẹnrin ejẹn! Isẹẹ.

Ndị Kọrẹntị Ibuzọ 8:6

Kanị, nke ẹnyi wụ nị Chuku ohu sụọ rị; ịya wụ Nẹdi ẹnyi; ihiẹn ile gha ẹka a a bịa; ịya kẹ ẹnyi rị a rịnị. Nna ohu rịzị, ya wụ Jesu Kristi; Osolobuẹ ke ihiẹn ile ghahan'a; ẹnyi rị a rị ghahan'a.

Ndị Ẹfẹsọsụ 3:9

lẹni m ghọsị ịhịan ile kẹ Chuku hụn ke ihiẹn ile dọn nwan rị a rụnpụha ihiẹn-omimi ahụn o zuemẹ ketekete,

Hibru 1:10

Osolobuẹ sịzị Nwa a, “Di-nwọnni-ẹnyi, ịyụ ke ụwanị isi mbidọn; ẹka ị mẹmẹ igwere lẹ ihiẹn ile rịn'a.

Hibru 1:2

Kanị, ogẹn ikpanzụụnnị, ọ gwaọlẹ ẹnyi oku ghahanị Nwa a, onyẹ hụn o yechanrịn ihiẹn ile, onyẹ hụn ọ gha ẹka a ke ụwa ile lẹ ihiẹn ile rịn'a.

Hibru 11:3

Okukwe kẹ ẹnyi gi a ghọta nị oku-ọnụ kẹ Osolobuẹ gi ke ụwa, ya wụ nị ihiẹn ẹnya ghalẹni a legha kẹ wẹ gha mẹmẹpụha ihiẹn ẹnya e legha.

Hibru 3:4

Makẹni, ọsụọn'a nị ụlọ ọwụlẹ nwọn onyẹ rụnn'a, Osolobuẹ ya rụn ihiẹn ile.

Pita Nke Ẹbụọ 3:5

A kpachanpụgụọ wẹ ẹnya zọ nị oku-ọnụ Osolobuẹ k'o gi ke igwere hụ rị mbụ-mbụ; nị oku-ọnụ k'o gizi gha mirin mẹmẹ akpakalị, gha imẹ mirin wepụha a;

Jọnụ Ibuzọ 1:1

Ihiẹn ahụn rị gha mbidọn lala kẹ ẹnyi rị a gwa ụnụ oku ẹ, ihiẹn ẹnyi gi ntịn nụ, gi ẹnya ẹnyi hụn; ihiẹn ẹnyi lekpọgụ, mẹtụ ẹka. Ẹnyi rị e ku oku onyẹ ahụn wụ ndụn.

Rẹvẹleshọnụ 10:6

kun ẹfan Onyẹ hụ rị ndụn jẹnrin ejẹn hụn ke elu-igwee lẹ ihiẹn ile rịn'a, ụwa lẹ ihiẹn ile rịn'a lẹ ohimin lẹ ihiẹn ile rịn'a, sị, “Ebiekọzị wẹ, kaka;

Rẹvẹleshọnụ 14:7

Ọ nọ gi okẹn olu sị, “Tụ nị egun Osolobuẹ, ụnụ e ye ẹ ọghọ, makẹni ogẹn o k'e gi kin ikpe e rugụọ. Ẹghẹẹ, fe ni Onyẹ hụn ke elu-igwee lẹ ụwa lẹ ohimin lẹ isi-iyi ile!”

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.

Rẹvẹleshọnụ 22:13

Mmẹ wụ Afa lẹ Omega, Ibuzọ lẹ Ikpanzụụn, Mbidọn lẹ Ọgụgụ.”

Rẹvẹleshọnụ 3:14

“Dejẹnni onyẹ-isi ụka Laodishia, sị a, “Lee ihiẹn onyẹ hụ wụ Isẹẹ — Ọshẹri ahụn wụ onyẹ ezioku furu wẹ gi e dọn ẹnya; Onyẹ hụ ihiẹn ile Osolobuẹ ke gha ẹka a bịa: ọ sị,

Rẹvẹleshọnụ 4:11

“Chuku-nwọnni ẹnyi, i furu onyẹ w'a ja mma makẹni ọghọ lẹ mgbaye lẹ ikẹn wụ nke i. Makẹni, ịyụ ke ihiẹn ile. Ịyụ chọ nị wẹ rị; ịyụ chọ n'ị ke wẹ.”