Jemisi 1:12 - Ika

¹² Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Jemisi 1:12 Iomraidhean Croise

Jẹnẹsisi 22:1

Ihiẹn ndịnị e mẹgụ, Chuku nọ lele Ebraham: ọ hị a, “Ebraham!” Ebraham nọ sị a, “Lee m ebeni.”

Nehemiah 1:5

sị, “Euu Osolobuẹ, Chuku rị elu-igwee, Chuku hụn hi ogbe, hụn w'a tụ egun ẹ, hụn e gi ihiẹn-ọsụsụọ e sọn ndị ya lẹ wẹ kwerigbama, ndị ihiẹn ẹ a sụọ hụn rị e dọnmẹ iwu ẹ.

Jobu 2:10

Jobu nọ sị a, “Y'e kumẹ kẹ ikpoho nzuzu! Ya wụ Chuku ye ẹnyi ihiẹn rị mma ẹnyi a narịn, o ye ẹnyi nsọngbu ẹnyi a jụ?” Ihiẹnni ile mẹni, Jobu egini oku-ọnụ a mẹ njọ.

Jobu 5:17

Ya wụ, onyẹ hụn Chuku sị ‘Ẹlẹ ẹrịra, mẹmẹ ẹ ẹnịna’ e nwọnkẹ ngọzi; elegberilẹ nwan mkpịnsịn hụn Onyẹ Hụn Nwọn Ikẹn Ile rị a fịan ị.

Ẹbụ-ọma 11:5

Osolobuẹ hụ e kweni onyẹ ezi-omumẹ isi, kanị ize onyẹ-njọ hụ e ze ẹ ọda-ọda, ize onyẹ ẹka-ikẹn a sụọ hụzị e ze ẹ ọda-ọda.

Ẹbụ-ọma 119:67

K'i kelẹni ye m afụnfụn, m te kpahukọ akpahukọ; kanị, m'e mẹ nwan ihiẹn i ku.

Ẹbụ-ọma 119:71

Afụnfụn m ta hụghọ m mma kẹni m mụnrụn iwu i.

Ẹbụ-ọma 119:75

A marịnghọ m nị ezigbo eṅẹn kẹ y'a han, Osolobuẹ, nị y'e mẹgụọ kẹ onyẹ wẹ gi e dọn ẹnya ebe ị nọ ye m afụnfụn.

Ẹbụ-ọma 5:11

Kanị, ẹfọ ya sụọma ndị gbaburun'i ụsụọ — ẹbụ ịghọghọ ya rịsọnmẹ wẹ ọnụ. Dodo, kpumẹ wẹ kẹni ndị ihiẹn i a sụọ gi ufiri i ghọghọ.

Ẹbụ-ọma 94:12

Euu Osolobuẹ, onyẹ ị zụn e nwọnkẹ ngọzi, makẹni iwu i k'i gi a kuzi ẹ,

Ọpụpụ 20:6

Kanị, ndị ihiẹn m a sụọ rị e dọnmẹ iwu m, m'e mẹni wẹ lẹ ụmụ wẹ kẹ ndị nke m d'e rudẹ agbọ nnụ-uku ole-lẹ-ole.

Itẹn 17:3

Ọkụn kẹ wẹ gi e lele siliva; okẹn ọkụn kẹ wẹ gi e lele goru; kanị Osolobuẹ ya nwọn e lele obi.

Azaya 64:4

Gha alị lala, anụtuni wẹ n'o nwọn Chuku ọzọ nọ kẹ yụ, onwọntudẹni onyẹ o feban ntịn; ahụntuni wẹ Chuku ọzọ nọ kẹ yụ, hụn e mẹni ndị e chen'ẹ ihiẹn y'e mẹ.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Matiu 10:22

Ize ụnụ k'a ban ịhịan ile makẹ ufiri ẹfan m, kanị onyẹ hụn din ndidin d'e ru isi ẹ jẹnkọ d'e nwọn nzụọpụha.

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Luku 6:22

Ngọzi wụ nke ụnụ wẹ gha e gi ufiri Nwa nke ịhịan e ze ize ụnụ, e nu ụnụ e ye ụsụọ, a kpari ụnụ, e ye ụnụ ẹjan ẹfan!

Ndị Rom 5:4

ndidin e wẹhẹ agụngụn rị mma; agụngụn rị mma e wẹhẹ olilẹnya —

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ndị Kọrẹntị Ibuzọ 2:9

Kanị, nọkẹ kẹ Ẹkụkwọ-nsọ dọn ku, “Ẹnya ịhịan ahụntuni, ntịn ịhịan anụtuni, ịhịan erotuni ihiẹn Osolobuẹ kwademẹni ndị ihiẹn ẹ a sụọ.”

Ndị Kọrẹntị Ibuzọ 8:3

kanị onyẹ hụn ihiẹn Osolobuẹ a sụọ kẹ Osolobuẹ marịn.

Ndị Kọrẹntị Ibuzọ 9:25

Onyẹ-ọsọ ọwụlẹ chọ n'o mẹri a napụsọnmẹ enwẹn ẹ ihiẹn ile rị ichẹn-ichẹn. Wẹ e mẹ ihiẹnni ile nị wẹ gi okpu mmaka e wiwini tu wẹ ugọn. Kanị, ẹnyi nwẹn rị a gbanị hụn ghalẹni e wiwi.

Ditrọnọmi 13:3

egọnkwọlẹ ntịn oku onyẹ-amụma hụ mọbụ onyẹ hụ nrọ a a bụn. Osolobuẹ wụ Chuku ụnụ rịkwọ e lele i n'ọ marịn kẹ y'e gighọ obi i ile lẹ umẹ-ndụn ị ile nwọn ihiẹn-ọsụsụọ a.

Ditrọnọmi 7:9

Marịn nị nwan nị Osolobuẹ wụ Chuku ụnụ wụ Chuku nke-esi; Chuku wẹ gi e dọn ẹnya k'ọ wụ: o gisọnmẹ ihiẹn-ọsụsụọ o kwe nkwa a e sọn ụmụ ndị ihiẹn ẹ a sụọ, ndị e mẹ ihiẹn o ku, o gi ẹ e sọn wẹ agbọ nnụ ole-lẹ-ole.

Ditrọnọmi 8:2

Nyanhankwọ nị kẹ Osolobuẹ wụ Chuku ụnụ dọn du ụnụ hụn ahụn ile ụnụ rị imẹ atụ ọrọgbọ ahụa ọgụnnaịnị, gi ẹ welụa ụnụ isi alị, gi ẹ lele ụnụ, n'ọ hụn ụzọ marịn ihiẹn rị ụnụ obi, marịn kẹni ụnụ mẹ ihiẹn ọ sị ụnụ mẹ ra ụnụ emẹkọ a.

Timoti Nke Ẹbụọ 2:15

A lịlịma n'ị y'a ghọsị n'ị wụ onyẹ Chuku kwadọn; onyẹ-ọrụn nwọnlẹni ihiẹn ifẹnrẹn e gi mẹ ẹ, hụn marịn ẹnya oku-Chuku oku ahụn wụ ezioku, a kuzi ẹ ọhụnma.

Timoti Nke Ẹbụọ 4:8

Ihiẹn rị nwan e cheni m wụ ugọn ezi-omumẹ, hụn Onyẹ-nwọnni-ẹnyi, Ọka-Ikpe ahụn ghalẹni a tụ ntụ, jẹnkọ d'e tu m Ụhụọhịn hụ. Ẹlẹ mmẹ sụọ, kanị ndị ile buchanrịn obi wẹ che ọbịbịa a.

Hibru 10:32

Ka nyanhan nị ọrụrụ-alị hụ ụnụ kweri, ogẹn ụnụ gi leghama ukpẹ; nyanhan nị ọnwụn ụnụ shi lẹ afụnfụn ụnụ dingbu,

Hibru 11:17

Okukwe kẹ Ebraham gi wepụha Aziki n'o gi ẹ chụn ẹjan, ogẹn Osolobuẹ gi lele ẹ. Onyẹ nwẹn Osolobuẹ kwe nkwa ndị ahụn nọ wepụha akpụ nwa a ohu!

Hibru 12:5

Ụnụ a zọgụọdẹ nwan oku Osolobuẹ gi a gba ụnụ umẹ kẹ ụmụ a ra? Ọ sị, “Nwa m, elegberilẹ afụnfụn Osolobuẹ gi a zụn ị; anịlẹ ndụn gụ ị makẹni ọ jụgbọ ị;

Hibru 6:15

Ebraham nọ din ndidin cheri; o mẹgụ, ọ nọ nwọnhẹn ihiẹn hụ Osolobuẹ kwe ẹ nkwa a.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Jemisi 5:11

Eziẹ, ẹnyi a ja ndị din ndidin mma. Ụnụ a nụghọ kẹ Jobu dọn din ndidin; ụnụ a hụnzịghọ ihiẹn Di-nwọnni-ẹnyi mẹ ikpanzụụn, nị Di-nwọnni-ẹnyi e mẹkẹ ẹfọma lẹ omikẹn.

Pita Ibuzọ 3:14

Ọsụọn'a nị ụnụ ta afụnfụn makẹ ezi-omumẹ, ya wụ nị ndị Osolobuẹ gọzi kẹ ụnụ wụ. Atụlẹ ni nwan egun wẹ; emẹhunmẹlẹ ni.

Pita Ibuzọ 4:13

Ka ghọghọma nị, makẹni ụnụ rị e sọn Kraịstị a ta afụnfụn a; kẹni ụnụ hụn ụzọ ghọghọ, ghọghọ ọhụnma-ọhụnma, mgbe ọghọ a k'a pụhachanrịn ifọn.

Pita Ibuzọ 4:14

Wẹ kpari ụnụ makẹni ụnụ rị a za ẹfan Kraịstị, ngọzi rọ: ya wụ nị ọghọ Mmọn nsọ Osolobuẹ rị ụnụ ẹhụ.

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.

Pita Ibuzọ 5:4

kẹni, Onyẹ-isi ndị-ndu atụnrụn bịa, o gi okpu-eze ọghọ ahụn ghalẹni a fapụ tu ụnụ ugọn.

Jọnụ Ibuzọ 4:19

Ẹnyi rị nwan e nwọn ihiẹn-ọsụsụọ makẹni o buọlẹ ụzọ nwọn ihiẹn-ọsụsụọ ẹnyi.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Rẹvẹleshọnụ 3:19

“Ndị ihiẹn wẹ sụọ m kẹ m'a jụgbọ, a fịan mkpịnsịn. Mẹ ngwa bihutọ ẹka.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.