Itẹn 9:4 - Ika

⁴ “Ndị ile nwọnlẹni hụn wẹ marịn wẹ kụye ebeni!” Ọ sị ndị nwọnlẹni nghọta,

Itẹn 9:4 Iomraidhean Croise

Ẹbụ-ọma 119:130

Wẹ kọwa oku i, ukpẹ a bịa, o mẹ ogbori a marịn ihiẹn.

Ẹbụ-ọma 19:7

Iwu Osolobuẹ ye ẹnyi zu oke, o bu ndụn e che ịhịan obi; ụmụ-iwu Osolobuẹ ti furuchanrịn wẹ gi e dọn ẹnya, o mẹ ogbori a marịn ihiẹn;

Itẹn 1:22

“Euu, ndị ẹwobi, ele mgbe kẹ ‘Onwọnni hụn m marịn’ k'a sụọbehi ụnụ? Elee ogẹn kẹ ịmụ ịhịan ẹmụ k'a sụọbehi ndị-nlelịa? Elee mgbe kẹ ịmarịn-ihiẹn k'e zebehi ndị-nzuzu ize?

Itẹn 6:32

Onyẹ na nwunyẹ ịhịan enwọn uche; onyẹ ọwụlẹ mẹn'ẹ gbu enwẹn ẹ.

Itẹn 7:7

M nọ hụn ndị marịnlẹni ihiẹn, ẹghẹẹ, m nọ hụn ikorọbịa, ẹnya m nọ legha okorọbịa ohu nwọnlẹni uche.

Itẹn 8:5

Ụnụ ndị nwọnlẹni hụn wẹ marịn, nwọnrin ni uche; ndị-nzuzu, nwọnrin ni nghọta.

Itẹn 9:16

a sị, “Kụye ni ebeni, ụnụ ile nwọnlẹni hụn ụnụ marịn!” Ọ hụ a sị ndị nwọnlẹni nghọta,

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.