3 Kẹn wẹ ye mkpịnsịn-ẹka ị; de wẹ ye akpobi i.
Enwọnbehikwọlẹ ihiẹn-ọsụsụọ mọbụ wụbehi onyẹ wẹ gi e dọn ẹnya; yiri wẹ olu lekẹ ihiẹn-olu; de wẹ ye akpobi i.
Anịkwọlẹ ẹnya ị pụ a, ka bu ẹ che imẹ obi i;
Bu wẹ che imẹ obi i jẹnrin ejẹn; yiri wẹ olu kẹ ihiẹn-olu.
Sị amamihiẹn, “Nwẹnẹ m okpoho k'ị wụ,” y'a kpọ nghọta onyẹ ebọn i;
Jẹn nwan d'e de ẹ ye ihiẹn ụrụa idẹnya wẹ, y'e dezi ẹ ye imẹ ẹkụkwọ — kẹni, o ru ihun, ọ wụsọnmẹ ọshẹri.
“Mmẹ nwẹn, ọnwan wụ nkwa m kwe wẹ: gha ogẹnni jẹnmẹ, Mmọn m hụn m buche imẹ ndụn ụnụ aghakọ imẹ ụnụ pụ; oku m hụn m buche ọnụ ụnụ aghakọ ụnụ ọnụ pụ, ọ ghakọ ọnụ ụmụ ụnụ pụ, ọ ghakọ ọnụ ụmụ-ụmụ ụnụ pụ, jẹnrin-ejẹn. Ya kẹ Osolobuẹ ku.”
Osolobuẹ sị, “Igwe kẹ wẹ gi de njọ ndị Juda ye obi wẹ, ọmụma zegbu enwẹn ẹ kẹ wẹ gi de ẹ — ye wẹ akpobi lẹ mpịn rịsọnmẹ ukpo nchụn-ẹjan wẹ.
Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.
Ihiẹn wẹ a hụn ebe ụnụ rị a ghọsị nị ụnụ wụ ẹhụhụọ-ozi Kraịstị de, hụn ọ gha ẹka ẹnyi zihẹ. Ẹlẹ hụn wẹ gi pẹni de, kanị hụn wẹ gi Mmọn-nsọ Osolobuẹ de — Osolobuẹ hụn rị ndụn; ẹlẹ hụn wẹ deye ibe ọmụma — rịkẹ Iwu mbụ ahụn, kanị hụn wẹ deye obi ịhịan.
