Itẹn 3:6 - Ika

⁶ Imẹ ihiẹn ile y'e mẹ, jụgụ a ọnụ, o k'a kwan'ị ụzọ.

Itẹn 3:6 Iomraidhean Croise

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ẹzra 7:27

Ịja-mma ya rịnị Osolobuẹ, Chuku ndị nẹdi ẹnyi, hụn bu ẹ che eze obi n'o ye ụlọ Osolobuẹ rị Jerusalẹm ọghọ ẹnịna,

Nehemiah 1:11

Euu Di-nwọnni ẹnyi, dodo gọn ntịn ekpere odibo i ni lẹ idibo i ndị ọzọ hụn ọ sụọ nị wẹ e ye ẹfan ị ọghọ. Ye mmẹ wụ odibo i ẹwẹrẹ tannị, y'e mẹ eze kweri ihiẹn m jẹnkọ d'a rịọ a.” Ogẹn hụ, mmẹ wụ odibo eze hụn e buye eze manya.

Nehemiah 2:4

Eze nọ sị m, “K'ị chọ?” Ya m nọ mẹ ekpere ozigbo jẹnni Osolobuẹ rị elu-igwee.

Nehemiah 7:5

Ya Chuku m nọ bu ẹ che m obi nị m kpọkikomẹ ndị-isi lẹ ndị-isi ọrụn gọmẹnti lẹ ndị alị, nị ẹnyi gi uri-uri detusọnmẹ ẹfan, ezi-lẹ-ụlọ, ezi-lẹ-ụlọ. M nọ hụn ẹkụkwọ wẹ gi deye ẹfan ndị bu ụzọ lụa lẹ ndị mụnị wẹ. Lee ihiẹn m hụn imẹ ẹ:

Ẹbụ-ọma 32:8

M k'a kuzi i, e zin m'i ụzọ ị k'a gha, m k'a gha a dụn ị ọdụn, e leban obibi i ẹnya.

Itẹn 11:5

Ezi-omumẹ ndị nwọnlẹni nkọrịanị e beyeni wẹ ụzọ zinrinni, kanị eje-ihiẹn ndị eje-omumẹ e mẹ wẹ a dan.

Itẹn 16:3

Bu ihiẹn ile che ẹka Osolobuẹ, ihiẹn i bu obi a gha.

Itẹn 16:9

Ịhịan nwọn ikẹn rotọ ihiẹn ọ chọ n'o mẹ, kanị ụkụ ịhịan e jẹn ebe Osolobuẹ chọ.

Itẹn 23:17

Anịlẹ ni ihiẹn ndị-njọ la ị ẹnya, k'a tụ egun Osolobuẹ ogẹn ile,

Azaya 26:7

Ụzọ onyẹ ezi-omumẹ e riẹn eriẹn; Euu Onyẹ Hụn Kụrụ Ọtọ, y'e mẹ ụzọ e riẹnni onyẹ ezi-omumẹ.

Azaya 30:21

Nke wụnị, ọ sụọn'a nị ụnụ kụye ẹka-nni mọbụ ẹka-ekpẹn, ụnụ k'a nụ olu rị ụnụ ibe azụụn, a sị, “Ọnwan wụ ụzọ, ghashi n'ẹ!”

Azaya 45:13

Mmẹ kpọli Saịrọsị — makẹni m'e mẹ ihiẹn furuni; m k'e mẹ ihiẹn ile o buche ẹka ghan'a. O k'a tụndọnzi obodo m wụ Jerusalẹm, mẹ wẹ hatu ndị nke m wẹ nwụnshi alị ndị ọzọ. Ẹlẹ nị wẹ kụ a ụgwọ mọbụ ye ẹ ihiẹn. Ya kẹ Osolobuẹ ku.’ ”

Azaya 48:17

Lee ihiẹn Osolobuẹ ku — ihiẹn Onyẹ-mgbapụha ị, Onyẹ-nsọ Izrẹlụ, ku: ‘Mmẹ wụ Osolobuẹ, Chuku ụnụ, hụn a kuzi ụnụ kẹ n'ọ rịnị ụnụ mma; hụn a ghọsị ụnụ ụzọ ụnụ k'a gha.

Jerimaya 10:23

Osolobuẹ, a marịnghọ m nị ẹlẹ ịhịan nwọn enwẹn ẹ; ẹlẹ ịhịan e ku ebe o k'e jẹn.

Jerimaya 42:3

Rịọ Osolobuẹ wụ Chuku i n'ọ gwa ẹnyi ebe ẹnyi jẹnkọ d'e jẹn lẹ ihiẹn ẹnyi jẹnkọ d'e mẹ.”

Ọgụngụn 9:20

Mgbe ndị hụ, orukpu ahụn anọkarịkọ akpọhịn ole. Kẹ Osolobuẹ dọn ku, e ziẹntọ wẹ; o kuzi nwan, e buli wẹ.

Ndị Kọrẹntị Ibuzọ 10:31

Kẹ oriri kẹ ọrịra kẹ ihiẹn ọzọ ọwụlẹ ụnụ e mẹ, e mẹni wẹ ile ụzọ o gi wẹhẹni Osolobuẹ ọghọ,

Ndị Kọrẹntị Nke Ẹbụọ 8:16

Ekele ya rịnị Osolobuẹ hụn bu ọrịrịmma ụnụ che Taịtọsụ obi k'ọ dọn rị mmẹ nwẹn obi.

Ndị Filipi 4:6

Ehuelẹ ni uhue ihiẹn ọwụlẹ; imẹ ihiẹn ile, e gi ni ekpere lẹ arịrịọ lẹ iye-ekele a gwa Osolobuẹ ihiẹn rị ụnụ mkpa.

Ndị Kolosị 3:17

Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Ndị Kolosị 3:23

Ihiẹn ọwụlẹ wẹ sị ụnụ rụn, gi ni obi ụnụ ile rụn a, nọkẹ sị Di-nwọnni-ẹnyi kẹ ụnụ rị a rụnn'a, ẹlẹ ịhịan;

Jemisi 1:5

Onyẹ marịnlẹni ihiẹn o k'e mẹ, ya rịọ Osolobuẹ hụn a shịapụ ẹfọ e ye, hụn ghalẹni e kpe nị w'e rịọ a ihiẹn, o k'e ye ẹ amamihiẹn.

Samuẹlụ Nke Ibuzọ 30:8

Ya Defidi nọ jụma Osolobuẹ, sị “Nị m chụ itu-gbukwarịnị? Nịbe m s'ẹka kunrun wẹ?” Osolobuẹ nọ sị a, “Chụ wẹ. I jẹnkọ d'e kunrunrịrị wẹ; i jẹnkọ d'a napụhadẹ wẹ ihiẹn wẹ weri.”