Itẹn 3:4 - Ika

⁴ Y'e gi ẹ nwọnrin aghamihun, wụrụ onyẹ nwọn uche — kẹ ebe Chuku rị kẹ ebe ịhịan rị.

Itẹn 3:4 Iomraidhean Croise

Jẹnẹsisi 39:21

Kanị Osolobuẹ nọ nọyeni Josẹfụ, mẹn'ẹ ẹfọma, mẹ ihiẹn ẹ sụọma onyẹ e lepụ ndị-ngan ẹnya.

Ẹbụ-ọma 111:10

Ịtụ egun Osolobuẹ wụ mbidọn amamihiẹn; ndị gi ẹ e bi e nwọnrin ezigbo nghọta. Ịja-mma k'a rịnị Osolobuẹ jẹnrin ejẹn.

Itẹn 12:2

Ọhụnma kẹ Osolobuẹ e mẹni ezigbo ịhịan, kanị ikpe kẹ Osolobuẹ a ma onyẹ ẹro.

Itẹn 13:15

Ọhụnma a bịanị onyẹ nwọn ezigbo nghọta, kanị ihiẹn a fụsọnmẹ onyẹ ihunnaị ọrụn.

Itẹn 8:35

Makẹni onyẹ nwọnhẹn m, o nwọnhẹn ndụn, ihiẹn ẹ a sụọma Osolobuẹ.

Daniẹlụ 1:9

Ogẹnni, Chuku e mẹtụgụọ onyẹ-isi hụ ẹka obi n'ọ hụn ụzọ mẹni Daniẹlụ omikẹn —

Luku 2:52

Jesu hụ e sue, a ka ẹhụ, a marịnwaye ihiẹn; ihiẹn ẹ hụ a sụọ kẹ Osolobuẹ kẹ ịhịan.

Ọrụn Ndị-ozi 2:47

a ja Osolobuẹ mma; ihiẹn wẹ hụ a sụọ ịhịan ile. Ụhụọhịn-ụhụọhịn, Di-nwọnni-ẹnyi hụ e bucheni wẹ ndị hụn ọ rị a zụọpụha.

Ndị Rom 14:18

Onyẹ e fe Kraịstị ẹrịra kẹ ihiẹn ẹ a sụọ Osolobuẹ, ndị ọzọ e kuzi oku ẹ ọhụnma.

Ndị Kọrẹntị Nke Ẹbụọ 8:21

ẹnyi rị e mẹ ẹ n'ọ rị mma, ẹlẹ ẹnya Di-nwọnni-ẹnyi sụọ, kanị, ẹnya ịhịan zị.

Samuẹlụ Nke Ibuzọ 2:21

Osolobuẹ nọ mẹni Hana ọhụnma: ọ nọ mụ ikẹnnyẹ ẹtọ lẹ ikpoho ẹbụọ. Samuẹlụ nkẹ hụ e sue ihun Osolobuẹ ebẹhụ ọ rị Ụlọ-Osolobuẹ.

Samuẹlụ Nke Ibuzọ 2:26

Nwata ahụn wụ Samuẹlụ nkẹ hụ e suewaye, ihiẹn ẹ hụ a sụọ kẹ Osolobuẹ kẹ ịhịan.