2 Ihiẹnni kẹ ọdanfịn lẹ ogbẹnnyẹ gi wụ ohu: Osolobuẹ ke wẹ ile.
Ẹlẹ onyẹ mẹmẹ m imẹ ẹfọ nnẹ m mẹmẹzi wẹ nwẹn? Ẹlẹ onyẹ ohu hụ mẹmẹ ẹnyi ile imẹ ẹfọ nnẹ ẹnyi?
Ẹlẹ ịya wụ onyẹ hụn ghalẹni e gbeyeni ndị-ọkịkị, onyẹ hụn ghalẹni emẹyeni ọdanfịn a hapụ ogbẹnnyẹ, makẹni ya mẹmẹ wẹ ile?
Onyẹ hụn e mẹgbu ndị igbẹnnyẹ rị e legberi Onyẹ keni wẹ, kanị onyẹ ọwụlẹ e mẹni ndị elu rị a fụ ọhụnma rị a gbaye Chuku.
Ihiẹn ohuni rịnị kẹ ogbẹnnyẹ kẹ onyẹ rị a bịangbun'ẹ: Osolobuẹ e mẹ wẹ ẹbụbụọ e legha ụzọ.
Ẹnya as'ẹka sị ẹka, “Onwọnni ihiẹn m gi i e mẹ!” Isi as'ẹka sị ụkụ, “Onwọnni ihiẹn m gi i e mẹ!”
Osolobuẹ e mẹ ịhịan e hi ọdanfịn e mẹ ịhịan a dan ogbẹnnyẹ; o butu ịhịan; o bushizikwọ ịhịan elu.
