Itẹn 2:6 - Ika

⁶ Makẹni Osolobuẹ e ye amamihiẹn; ọnụ a kẹ ịhịan gha a marịn ihiẹn, ọnụ a kẹ nghọta gha a bịa.

Itẹn 2:6 Iomraidhean Croise

Ndị-nze Nke Ibuzọ 10:24

Ụwa ile hụ a chọha Solomọnụ nị wẹ d'a gọn ntịn ihiẹn ọ rị e gi amamihiẹn Osolobuẹ ye ẹ e ku.

Ndị-nze Nke Ibuzọ 3:12

m jẹnkọ d'e ye i ihiẹn ị rịọ! M jẹnkọ d'e ye i amamihiẹn lẹ obi nghọta, ụdị hụn o k'e gi wụrụ nị onwọnni onyẹ nọ kẹ yụ imẹ ndị bu i ụzọ, onwọnzikwọnị onyẹ k'a nọ kẹ yụ, i bigụ!

Ndị-nze Nke Ibuzọ 3:9

Ye nwan odibo i uche n'o gi kị ndị nke i, gi ẹ marịn ihiẹn rị mma lẹ ihiẹn jọ njọ. Onyẹ k'a sa ẹka kị ndị nke i ni bugbu enwẹn wẹ ọda?”

Ndị-nze Nke Ibuzọ 4:29

Osolobuẹ ye Solomọnụ amamihiẹn lẹ okẹn akọ-lẹ-uche, ye ẹ nghọta wẹ ghalẹni a s'ẹka a kọwa.

Ihiẹn Mẹni Nke Ibuzọ 22:12

Osolobuẹ ya ye i uche lẹ nghọta ogẹn o k'e gi tumẹ i onyẹ-isi Izrẹlụ, n'i hụn ụzọ dọnmẹ iwu Osolobuẹ wụ Chuku i.

Ẹzra 7:25

Ịyụ wụ Ẹzra, gi amamihiẹn Chuku i, hụn rị imẹ i, tumẹsọnmẹ ndị ọka-ikpe uku lẹ ọka-ikpe nta hụn marịn Iwu Chuku i, nị wẹ hụn ụzọ e dọnzini ndị ile rị Ẹgbẹrẹ Nfetu Iyi-Yufretisi oku. Ndị ile marịnlẹni Iwu Chuku i, y'a kuzi wẹ ya.

Nehemiah 7:5

Ya Chuku m nọ bu ẹ che m obi nị m kpọkikomẹ ndị-isi lẹ ndị-isi ọrụn gọmẹnti lẹ ndị alị, nị ẹnyi gi uri-uri detusọnmẹ ẹfan, ezi-lẹ-ụlọ, ezi-lẹ-ụlọ. M nọ hụn ẹkụkwọ wẹ gi deye ẹfan ndị bu ụzọ lụa lẹ ndị mụnị wẹ. Lee ihiẹn m hụn imẹ ẹ:

Jobu 12:13

Osolobuẹ nwọn amamihiẹn lẹ ikẹn; ezigbo ndụnmọdụn lẹ nghọta wụ nke ẹ.

Jobu 12:16

Akwanran lẹ amamihiẹn wụ nke ẹ; kẹ onyẹ wẹ dufie kẹ onyẹ rị e dufieni wụ nke ẹ.

Jobu 22:22

E gi oku-ọnụ a e dọn; bu oku ẹ che imẹ obi i.

Jobu 32:8

Kanị, mmọn hụn rị imẹ ịhịan, uzun hụn Onyẹ Hụ Nwọn Ikẹn Ile kunye imẹ ẹ, e ye ịhịan nghọta.

Ẹbụ-ọma 119:104

Iwu i kẹ m gi e nwọn nghọta, ịya haịn ize eje-obibi ile gi e ze m.

Ẹbụ-ọma 119:34

Ye m nghọta, nị m hụn ụzọ e dọnmẹ iwu i, e gi obi m ile e dọnmẹ ẹ.

Ẹbụ-ọma 119:98

Iwu i kẹ m gi e nwọnkarị ndị-iṅẹnrẹn m akọ-lẹ-uche makẹni ịya kẹ ẹnya m rị ogẹn ile.

Ẹbụ-ọma 19:7

Iwu Osolobuẹ ye ẹnyi zu oke, o bu ndụn e che ịhịan obi; ụmụ-iwu Osolobuẹ ti furuchanrịn wẹ gi e dọn ẹnya, o mẹ ogbori a marịn ihiẹn;

Ẹbụ-ọma 19:8

ihiẹn ndị Osolobuẹ sị ẹnyi mẹ rị mma, w'e mẹ obi a sụọ ịhịan ụsụọ; ihiẹn Osolobuẹ sị ẹnyi e mẹ we ẹnya, ọ shịapụ ịhịan ẹnya;

Ẹbụ-ọma 51:6

Ẹghẹẹ, ezioku gha akpak'alị obi pụha kẹ ị chọ; y'e mẹ m amarịn ihiẹn rị mma imẹ obi m.

Ẹbụ-ọma 94:10

Onyẹ hụn e ye alị ọwụlẹ mẹ eje-ihiẹn afụnfụn, o yekọ ụnụ afụnfụn? Onyẹ hụn e ye amamihiẹn?

Ọpụpụ 31:3

e bugụọ m Mmọn Osolobuẹ lẹ ẹka-ọrụn rị mma lẹ uche lẹ amamihiẹn ile wẹ gi a rụn ọrụn ẹka ọwụlẹ che imẹ ẹ ọda-ọda —

Itẹn 6:23

Makẹni ihiẹn ọ sị ị mẹ wụ ukpẹ wẹ mụyen'i; nkuzi hụ wụ ukpẹ; njụgbọ wẹ gi a zụn ịhịan wụ ụzọ ndụn —

Ẹkịliziastisi 2:26

Onyẹ hụn ihiẹn ẹ sụọ Chuku, o ye ẹ amamihiẹn, mẹ ẹ marịn ihiẹn o furu n'ọ marịn, mẹ ẹfọ a sụọ a ụsụọ; kanị, nke onyẹ njọ, ogbo o ye ẹ wụ ịkpatọ lẹ iwe ẹ ye onyẹ ihiẹn ẹ a sụọ Chuku. Hụnnị wụzịkwọ ihiẹn-ọlaliwi lẹ ịchụ ufere!!

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Azaya 8:20

Jẹn ni d'e kunrun Iwu Osolobuẹ lẹ ihiẹn ile ọ gwa ụnụ! Omẹni oku ịhịan gwa ụnụ lẹ Iwu Osolobuẹ a dangbamanị, ịya wụ nị ukpẹ arị imẹ wẹ.

Daniẹlụ 1:17

Chuku ye ikorọbịa ẹnọnị ikẹn wẹ gi a mụ ihiẹn lẹ hụn wẹ gi a ghọta ẹkụkwọ ile lẹ ihiẹn ile w'a mụ a mụ. Daniẹlụ nkẹ a ghọta ọhụn ile lẹ nrọ ile.

Daniẹlụ 2:21

Ịya e hutọ ogẹn lẹ mgbe ihiẹn gi e mẹ; ịya e tumẹ ndị-nze, a chụpụzịkwọ ndị-nze. Ịya e ye onyẹ nwọn uche amamihiẹn, e ye onyẹ marịn ihiẹn nghọta.

Daniẹlụ 2:23

Chuku ndị nẹdi m — m rị a kpanmịn ị, a ja ị mma: makẹni y'e yegụọ m amamihiẹn lẹ ikẹn, y'a ghọsịgụọ m ihiẹn ẹnyi rịọ ị, y'e mẹgụọ ẹnyi marịn ihiẹn eze rị a chọ.

Luku 21:15

Makẹni m sikọ d'e ye ụnụ amamihiẹn lẹ oku-ọnụ hụn ndị ikpe ụnụ jẹnkọlẹni d'a saẹka shịarị mọbụ papụ.

Jọnụ 6:45

Wẹ de ẹ imẹ Ẹkụkwọ ndị-amụma nị, ‘Osolobuẹ sikọ d'a kuzi wẹ ile.’ Onyẹ hụn e gọn Chuku-Nẹdi ntịn, a mụnarịn a, jẹnkọ d'a bịa d'e kunrun m.

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Jemisi 1:5

Onyẹ marịnlẹni ihiẹn o k'e mẹ, ya rịọ Osolobuẹ hụn a shịapụ ẹfọ e ye, hụn ghalẹni e kpe nị w'e rịọ a ihiẹn, o k'e ye ẹ amamihiẹn.