Itẹn 15:2 - Ika

² Oku-ọnụ ndị nwọn uche e mẹ ịhịan a chọ n'ọ marịn ihiẹn, kanị ọnụ ndị-nzuzu e hupụha oku nwọnlẹni isi.

Itẹn 15:2 Iomraidhean Croise

Ẹbụ-ọma 45:1

Obi rị a sụọ m ụsụọ, yeni ihiẹn rị mma m chọ nị m ku. Eze kẹ m rị a gwa; ire m wụ ukeke (pẹni) akanwe marịn ọrụn!

Ẹbụ-ọma 59:7

Lee ihiẹn rị a gha wẹ ọnụ a pụha! Ọpịa-agha tụ nkọ rị wẹ ọnụ! Wẹ hụ a sị enwẹn wẹ, “Onwọnni onyẹ k'a nụ ihiẹn ẹnyi rị e ku!”

Itẹn 12:23

Onyẹ nwọn uche ma e kuhọdụ, kanị onyẹ nzuzu e hupụha ihiẹn ọ marịn nọkẹ nzuzu.

Itẹn 13:16

Onyẹ ọwụlẹ nwọn uche e mẹ ihiẹn we ẹ ẹnya sụọ, kanị onyẹ-nzuzu gha e mẹ ihiẹn, ọ hụ a ghọsị nzuzu ẹ.

Itẹn 15:23

Oku ịhịan shịarị danyechanrịn, o mẹ ẹ ghọghọ; oku wẹ ku ogẹn o furu a rịka mma.

Itẹn 15:28

Obi onyẹ ezi-omumẹ e rokpọ ihiẹn o k'a shịarị, kanị ọnụ onyẹ eje-omumẹ a shịarịhụ, e hupụha eje-ihiẹn.

Itẹn 15:7

Ọnụ ndị nwọn uche e mẹsọnmẹ ịhịan a marịn ihiẹn, kanị ndị-nzuzu ara rodẹ ọhụn.

Itẹn 16:23

Obi onyẹ nwọn uche a gwa ọnụ a ihiẹn o ku hụn ọnụ a gi a saẹka a kuzi ọhụnma.

Itẹn 5:2

kẹni i marịn gi ezigbo uche e bi, kẹni oku-ọnụ ị wụrụ nke onyẹ marịn ihiẹn.

Ẹkịliziastisi 10:14

onyẹ nzuzu e kuzikwọ ọtụtụ-oku. Onwọnni onyẹ marịn ihiẹn lalanị — onyẹ k'a s'ẹka gwa a ihiẹn jẹnkọ d'e mẹni ọ nwụnhụngụ?

Ẹkịliziastisi 5:3

Kẹ okẹn iroro dọn e buhẹ okẹn-nrọ, ẹrịra kẹ ọtụtụ oku e buhẹ oku onyẹ-nzuzu.

Azaya 50:4

Di-nwọnni-ẹnyi wụ Osolobuẹ e yegụọ m ire onyẹ wẹ zụn hụn m gi a marịn oku m'e gi gba onyẹ ndụn gụ umẹ. Ụtụntụn ọwụlẹ k'o gi a kpọtiẹn m, a shịapụ ntịn m — kẹni m gọn ntịn kẹ onyẹ wẹ rị a kuzi ihiẹn.