Itẹn 13:4 - Ika

⁴ Ihiẹn a gụnsọnmẹ onyẹ-nzụnzụn bụ onwọnni hụn e ru ẹ ẹka; kanị onyẹ ẹka shi ikẹn e nwọnhẹnchanrịn ihiẹn rị a gụn a ẹgụn.

Itẹn 13:4 Iomraidhean Croise

Jẹnẹsisi 26:32

Ụhụọhịn ahụn daị, idibo Aziki nọ bịa d'a gwa Aziki oku ọmị wẹ gu, sị a, “Ẹnyi e gupuọlẹ mirin.”

Ẹbụ-ọma 92:14

Wẹ kagụdẹ ẹgẹdi, wẹ k'a gha a mịzị mkpụrụ, e du, a gha ihun;

Itẹn 10:4

Ẹka-nkụtọpụ e mẹ ịhịan a dan ogbẹnnyẹ, kanị ẹka shi ikẹn e wẹhẹ akụ-lẹ-ụba.

Itẹn 11:25

Onyẹ a ha ẹka k'a gha ihun; onyẹ hụn e ye ndị ọzọ mirin a ra k'a hụnzị onyẹ e ye ẹ mirin a ra.

Itẹn 12:11

Onyẹ hụn a rụn ugbo ẹ k'a hụn ihiẹn-oriri ọhụnma-ọhụnma, kanị onyẹ hụn a chụsọnmẹ ihiẹn rịlẹni mkpa enwọn uche.

Itẹn 12:24

Ndị ẹka shi ikẹn k'a kị, kanị onyẹ kụtọpụ ẹka k'e họnrin igbọn.

Itẹn 12:27

Onyẹ ẹka-nkụtọpụ ara sadẹ ẹka shimẹ anụ o gbu, kanị onyẹ ẹka shi ikẹn ara gi ihiẹn ọ rụn gu egu.

Itẹn 13:3

Onyẹ hụn e kwọndọn ire ẹ rị e chedọn ndụn a, kanị onyẹ ghalẹni e rogụ o kebe ku k'a la iwi.

Itẹn 13:5

Ntụ e ze onyẹ ezi-omumẹ ize, kanị onyẹ eje-omumẹ e wẹhẹdẹ ifẹnrẹn lẹ ịfa.

Itẹn 20:4

Onyẹ-nzụnzụn ara kụn ihiẹn-ugbo ogẹn furuni: o ru nwan ogẹn wẹ gi e we ihiẹn-ugbo, ọ chọma ihiẹn-ugbo kanị ọ hụnkọ.

Itẹn 21:25

Ihiẹn a gụn onyẹ-nzụnzụn k'a gụngbu ẹ, makẹni ọ jụgụọ ịrụn ọrụn —

Itẹn 21:5

Ihiẹn ile wẹ ro ọhụnma, rụnshi ẹ ikẹn, a ban erere, kanị onyẹ a hụhụnị a dan ogbẹnnyẹ.

Itẹn 24:30

A ghafeghọ m ugbo onyẹ-nzụnzụn, Anị-vaịnị onyẹ nwọnlẹni uche —

Itẹn 24:31

e lee ogun rujun ebe ile, ẹfịfịa e rujun alị; mgbọn ẹ wẹ gi ọmụma tụn a dankpọgụọ.

Itẹn 26:13

Onyẹ-nzụnzụn a sị, “Ẹwọrọ rị ụzọ; ẹwọrọ rị ogbe e jẹnhunmẹ!”

Itẹn 28:25

Onyẹ ẹnya-uku e buhẹ ikpe, kanị o k'a masịnị onyẹ hụn gi Osolobuẹ e dọn ẹnya.

Itẹn 6:6

Onyẹ-nzụnzụn, jẹnburu ndandan; lekpọ k'o bi — nị ị hụn ụzọ nwọnrin uche!

Itẹn 8:34

O jẹnkọ d'a rịnị onyẹ hụn e gọn m ntịn mma, onyẹ hụn e che m ọnụ-mgbọn iwe m ụhụọhịn-ụhụọhịn n'ọ hụn m, e rudẹ ọnụmụzọ iwe m d'e che m.

Ẹbụ Solomọnụ 5:3

A gbụpụgụọ m ẹwuru m — nị m tazị nwan afụnfụn yirizi ẹ? A chanpụgụọ m ụkụ m dinẹ — nị m ruzi ẹ nwan unyin?

Azaya 58:11

Osolobuẹ k'e du i ogẹn ile; e ye i ihiẹn rị ị mkpa ọsụọn'a nị ị rị alị kpọchanrịn nkụn; o k'e mẹ ọkpụkpụ ị ze ọhụnma-ọhụnma. Ị k'a rị kẹ ugbo-nta w'a gba mirin ọhụnma, rị kẹ isi-mirin hụn mirin ẹ ghalẹni a gụ.

Ọgụngụn 23:10

“Onyẹ k'a s'ẹka gụngụ ẹjannị wụ ebọn Jekọpụ? Wẹ kebedẹ Izrẹlụ ụzọ ẹnọ, onyẹ k'a saẹka gụngụdẹ azụụn ohu?! “Dodo, ni m nwụndẹ kẹ ndị ezi-omumẹni! Dodo, njẹndemẹ m ya nọ kẹ nke wẹ!”

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Hibru 6:11

Kanị, ẹnyi a chọkẹnmẹkẹ nị onyẹ-onyẹ imẹ ụnụ gi adụdụ ohu hụ kwọnkẹnmẹ olilẹnya ụnụ d'e ru njẹndemẹ;

Joshụa 7:3

A lụaha wẹ, wẹ nọ sị Joshụa, “Ẹlẹ hụn ndị-agha ile e gi jẹn d'a lụsọn Aị ọgụn; zihụ ihiẹn nọ kẹ mmadụ nnụ-uku ẹbụọ mọbụ ẹtọ. Anịlẹ ndị-agha ile ta afụnfụn jẹnmẹ, makẹni ndị Aị ebuni ọda.”