Itẹn 11:4 - Ika

⁴ Akụ-lẹ-ụba ara zụọpụha ịhịan ẹka Osolobuẹ, kanị ezi-omumẹ a napụdẹ ịhịan ọnwụn.

Itẹn 11:4 Iomraidhean Croise

Jẹnẹsisi 7:1

Ya kẹ Osolobuẹ nọ sị Nụa, “Banye imẹ ụgbọ, yụ lẹ ikpụlọ ị, makẹni a hụnọlẹ m nị yụ sụọ e bi obibi rị mma ẹnya m imẹ agbọnị ile.

Jobu 20:28

Mirin k'e buru ụlọ a, mirin hukọnị k'e mẹ ẹ — ụhụọhịn Chuku k'e bu olulu ẹ.

Itẹn 10:2

Eje akụ-lẹ-ụba ara ban erere, kanị ezi-omumẹ a gbapụha ịhịan ẹka ọnwụn.

Itẹn 12:28

Ụzọ ezi-omumẹ kẹ ndụn rị; ọnwụn arị ụzọ ahụn.

Itẹn 6:34

Makẹni ẹnya-ụfụ a mẹ di e we eje-iwe, o mẹkọ omikẹn ọ gha e mẹgwarị.

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Izikẹlụ 14:14

ọsụọkwọn'a nị madụ ẹtọnị rị alị hụ, Nụa lẹ Danẹlụ lẹ Jobu, enwẹn wẹ sụọ kẹ ezi-omumẹ wẹ k'a saẹka zụọpụha. Ya kẹ Osolobuẹ Nwọn Ihiẹn Ile ku.

Izikẹlụ 7:19

Wẹ k'a ma siliva wẹ ye ogbe, mẹ goru wẹ kẹ ihiẹn rụnị. Siliva lẹ goru wẹ asakọ ẹka zụọpụha wẹ ogẹn Osolobuẹ k'e gi ọnụma a mẹ wẹ ihiẹn. Asakọ wẹ ẹka gi ẹ gbọn ẹgụn mọbụ gi ẹ rijun ẹfọ, makẹni goru lẹ siliva a dọgụọ wẹ ye imẹ njọ.

Zẹfanaya 1:18

Egho wẹ lẹ ihiẹn ile wẹ nwọn azụọpụhakọ wẹ ogẹn hụ Osolobuẹ k'e gi ghọsị iwe-lẹ-ọnụma a. O k'e gi iwe-lẹ-ọnụma bu elu-ụwa ile ri kẹ ọkụn dọn e bu ihiẹn e ri.”

Matiu 16:26

Elee erere k'ọ ban nị ịhịan e nwọnchanrịngụ ụwa ile, umẹ-ndụn a a nahịn a? Kị ịhịan sikọ d'e gi gbarị umẹ-ndụn a?

Luku 12:20

Kanị Osolobuẹ nọ sị a, ‘Onyẹ nzuzu! Uhinhinni kẹ wẹ jẹnkọ d'a napụ ị ndụn ị! Onyẹ jẹnkọ nwan d'e nwọnrin ihiẹn ndịnị ile i rụntọ?’ ”

Ndị Rom 5:17

Omẹni njọ okẹnnyẹ ohu ahụn wụ Adam kẹ ọnwụn gi ghaha ẹka a d'a kịma, kị k'e mẹ ndị nabanhan okẹn ẹfọma Osolobuẹ lẹ ezi-omumẹ o ye ọfẹ? Ya wụ nị o k'e wẹhẹni wẹ ndụn, ẹlẹzi ọnwụn — wẹ k'a rịferi ndụn wụ ndụn ghahanị okẹnnyẹ ohu hụ wụ Jesu Kristi.

Timoti Ibuzọ 4:8

Ịzụn ẹhụ a banghọ erere, kanị ife-Osolobuẹ ka erere a ban ụzọ ile, makẹni w'e ri erere ẹ imẹ ndụnnị lẹ ndụn lalanị.