10 Nwa m, ndị-njọ chọ nị wẹ rẹrẹrị ị, ekwerikwọlẹ!
Nị ẹnyi gbun'ẹ nwan, ẹnyi a tụ a ye ọmị ohu ebeni, gwa wẹ nị eje-anụ e bugụọ a ri; nị ẹnyi hụn kẹ nrọ a dọn bụn.”
Chuku a gọzikẹ onyẹ hụ hụn ghalẹni e weri ndụnmọdụn ndị-njọ, hụn ghalẹni e sọn nzọmụkụ ndị-njọ, hụn ghalẹni a nọdịyeni ndị-nlelịa;
Ihiẹn onyẹ-ohin a sụọ ụnụ a sụọ; ụnụ lẹ ndị ughẹrẹ hụ a kpa.
Onyẹ sọn onyẹ marịn ihiẹn kpa ọ marịn ihiẹn, kanị onyẹ sọn onyẹ-nzuzu kpa ọ rụ ẹhụ.
Eje-ịhịan e dufie ibe ẹ, e mẹ ẹ a ghama ụzọ rịlẹni mma.
Ọghẹlẹ a ma zuemẹ oku — gbanị nwan onyẹ ghalẹni e kpumẹ ọnụ ọsọ.
makẹni eje-ihiẹn kẹ obi wẹ e ro, oku kẹ wẹ gi ọnụ wẹ a chọ.
Ndị e bi ezigbo obibi, e ku ezioku; ndị a jụ egho mmẹgbu; ndị a jụ egho-azụụn; ndị ghalẹni a chọ nị wẹ nụ oku igbu-ọchụn, ndị ghalẹni a chọ nị wẹ gidẹ ẹnya wẹ hụn eje-ihiẹn.
Makẹni ndị nọ ẹrịra arị e fe Di-nwọnni-ẹnyi wụ Kraịstị, kanị ẹfọ wẹ lẹ ihiẹn a gụnnị wẹ kẹ wẹ rị e fe. W'e gi ọnụ-ọma lẹ oku ọnụnụ-ire e dufie ndị marịnlẹni ihiẹn.
Ebuchekwọlẹ ni ẹka ihiẹn ishi makẹni abannị wẹ erere; kama, kpu ni wẹ oro,
ekwerilẹ; egọndẹlẹ ẹ ntịn. Emẹkwọlẹ omikẹn ẹ. Edọnmẹkwọl'a ndụn mọbụ kpumẹ ẹ.
