Hosia 4:3 - Ika

³ Ya haịn alị gilẹni e mẹ ihiẹn, ndị ile rịn'a hụ a la iwi, kẹ ịhịan kẹ anụ rị ọfịa kẹ nnụnụ; azụn hụ a nwụn imẹ mirin.

Hosia 4:3 Iomraidhean Croise

Azaya 33:9

Ụya rị nwan e ri alịnị ile, ọ hụ a la iwi, ẹgboko Lẹbanọnụ e shinwụngụọ, ifẹnrẹn e mẹgbu ẹ! Alị Sharọnụ rị nwan kẹ alị ọkpọ-nkụn. Osisi ndị jun Bashanị lẹ Kamẹlụ a gbụchanrịngụọ ẹhụhụọ.

Jerimaya 12:4

Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”

Jerimaya 23:10

Alịnị ile e mẹ ndị ughẹrẹ ndị ughẹrẹ; abụmọnụ Osolobuẹ e mẹgụọ alị kpọpụ nkụn, ẹfịfịa rị ebe wẹ nọ a zụn anụ e shinwụn — makẹni wẹ rị e bi eje-obibi, e gi ikẹn wẹ e mẹ ihiẹn ile.

Jerimaya 4:25

E lee m ẹnya, ịhịan arịzị a kaka; nnụnụ ile rị imẹ elu e fepụgụọ.

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Jerimaya 9:9

Kị k'e mẹ m eyelẹ wẹ afụnfụn ihiẹnni?” Ya kẹ Osolobuẹ ku — “Kị k'e mẹ m emẹgwarịlẹ alị nọ ẹnịna?”

Izikẹlụ 38:20

Azụn rị imẹ ohimin, nnụnụ rị e fe elu, anụmanụ rị ọfịa, ihiẹn ile a rịnị lẹ ịhịan ile rị elu-ụwa k'e mẹhunmẹ makẹ ufiri m. Ugu k'a dan; ugu lẹ ebe ile jẹn elu a gbajịja; mgbọn ile k'a dan alị.

Juwẹlụ 1:18

Euu, anụ ile hụzị a sụn udẹn! Igunrun efin hụ ụzọ ile a wahunmẹ, makẹni ẹfịfịa hụn w'e ri arịa; atụnrụn lẹ ewu hụzịdẹ a hụnjun ẹnya.

Emọsụ 1:2

Emọsụ sị, “Osolobuẹ gha Zayọnụ e bigbọ! Ọ gha Jerusalẹm a ban mban! Irurue jun ebe ile wẹ n'a zụn anụ hụ a kpọpụ nkụn; ẹfịfịa jun elu ugu Kamẹlụ hụ a kpọ nkụn!”

Emọsụ 5:16

Makẹ njọ ndị Izrẹlụ, Osolobuẹ, Chuku ihiẹn ile rị okpuru ẹ, sị, “Wẹ k'a rị e goo imẹ ughere ile; wẹ k'a rị a kwan ‘Ụya! Ụya!!’ ọgbara ogbe ile; Wẹ k'a kpọ ndị-ugbo d'a kwan ẹkwan, sị ndị ma kwan ụya d'e gomẹ.

Emọsụ 8:8

Ẹlẹ ọnwan haịn alịnị k'e gi mẹhunmẹ onyẹ ọwụlẹ rịn'a a kwan ụya? Alị k'e buli kẹ Iyi Naịlị, o k'e buli kẹ Iyi Naịlị, ziẹnban.”

Nahum 1:4

Ọ bannị ohimin mban, ohimin a tahị; o mẹ iyi a tahị; ẹfịfịa jun Bashanị lẹ ugu Kamẹlụ e shinwụn, osisi jun alị Lẹbanọnụ a kpọpụ nkụn.

Zẹfanaya 1:3

m k'e tikpọchanrịn ịhịan lẹ anụmanụ; m k'e tikpọchanrịn nnụnụ e feni lẹ azụn rị imẹ ohimin lẹ ihiẹn ndị hụ ndị njọ gi rị a kpọgburu. M k'a zapụchanrịn ịhịan elu ụwa. Ya kẹ mmẹ wụ Osolobuẹ ku.

Zẹkaraya 5:4

Osolobuẹ nwọn ikẹn ile sị, ‘M zikọ a d'a banyesọnmẹ iwe onyẹ ọwụlẹ e zun ohin lẹ onyẹ e kun ẹfan m a tụ ntụ. O jẹnkọ d'a nọbie iwe ẹ, tikpọ a ru alị, kẹ osisi kẹ blọkụ lẹ ẹjan.’ ”