Hosia 2:3 - Ika

³ Amamgbe m'a gba a ọtọ, e lee wẹ ọtọ a nọkẹ ụhụọhịn wẹ mụ a; e mẹ m'a gba okpokoro, gi ẹ họnrin alị ọkpọ-nkụn, gi ẹgụn mirin gbu ẹ!

Hosia 2:3 Iomraidhean Croise

Ọpụpụ 17:3

Kanị, ẹgụn mirin hụkwọ a gụn ndị hụ; wẹ nọ dusọnmẹ Mozizi e kpe, a sị, “Kịnị haịn i gi gha alị Ijiptu wepụha ẹnyi n'i gi ẹgụn mirin gbupụ ẹnyi lẹ ụmụ ẹnyi lẹ anụ ẹnyi?”

Azaya 33:9

Ụya rị nwan e ri alịnị ile, ọ hụ a la iwi, ẹgboko Lẹbanọnụ e shinwụngụọ, ifẹnrẹn e mẹgbu ẹ! Alị Sharọnụ rị nwan kẹ alị ọkpọ-nkụn. Osisi ndị jun Bashanị lẹ Kamẹlụ a gbụchanrịngụọ ẹhụhụọ.

Azaya 47:3

Wẹ k'a hụn ọtọ ị, a hụnchanrịn wẹ ẹhụ ị, ifẹnrẹn e mẹ i. M k'e mẹgwarị; ahatukọ m onyẹ ọwụlẹ.”

Azaya 64:10

Obodo i ile rị nsọ e họnringụọ nwan atụ. Zayọnụ wụdẹ nwan atụ; Jerusalẹm a gbagụọ okpokoro.

Jerimaya 12:10

Ndị-nze alị ichẹn-ichẹn kịla ndị-agha wẹ nọkẹ atụnrụn d'a zọgbu ugbo-vaịnị m wụ Izrẹlụ; wẹ sikọ d'a zọkpụkpọ ihiẹn-ugbo m; wẹ k'e mẹ ugbo m hụn ma mma họnrin alị la iwi ihiẹn anaị rịlẹni.

Jerimaya 13:22

Ị k'a jụma enwẹn i, ‘Kị seni m ihiẹnni?’ Njọ ile i mẹ, ịya haịn wẹ gi nwan kpushi ẹbulukun i elu, gi ẹhụ ị mẹ ihiẹn sụọnị wẹ.

Jerimaya 13:26

M jẹnkọ d'e kpushi ẹbulukun i elu, a hụn wẹ ọtọ ị,

Jerimaya 14:3

Ndị-isi hụ e zi idibo wẹ d'a chọ mirin; wẹ hụ e jẹn ọmị ile d'a chọ mirin, kanị arị wẹ a hụn mirin. Wẹ hụ e bulụa okpokoro ẹgbo-mirin, amarịnzị wẹ hụn w'e mẹ, e gi wẹ ẹka kpumẹ ihun yeni ifẹnrẹn.

Jerimaya 17:6

O k'a nọ kẹ ihiẹn rị e sue alị rịlẹni mma — ọ hụnkọ ihiẹn rị mma ogẹn o gi bịa. O k'e bi alị-ọkpọnkụn rị imẹ atụ, alị nnu ịhịan ghalẹni e bi.

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Jerimaya 2:6

Ajụnị wẹ enwẹn wẹ, ‘Elebe kẹ Osolobuẹ rị nwan? Osolobuẹ hụn gha alị Ijiptu wepụha ẹnyi, we ẹnyi ghachanrịn atụ hụ ile, alị ọkpọ-nkụn hụ mẹ mgbugbu-mgbugbu; alị mirin ghalẹni e zue gbagbu enwẹn ẹ ishi; alị wẹ ghalẹni a gha, ịhịan bilẹni!’

Jerimaya 22:6

Lee ihiẹn Osolobuẹ ku banyeni obi-eze Juda: “Ọsụọn'a nị obi-ezeni ma mma kẹ alị Gilẹdị, ọsụọn'a n'ọ rị m kẹ osisi Lẹbanọnụ mẹ gwoza-gwoza, ma isi m, m k'e mẹ i gba okpokoro nọkẹ atụ, ebe ịhịan bilẹni!

Jerimaya 4:26

E lee m ẹnya, alị nwẹn te e mẹ ihiẹn e họnringụọ atụ; obodo ile ịhịan te bi e mẹ mkpọkọ-mkpọkọ, makẹ ihiẹn Osolobuẹ mẹ; makẹ okẹn-olulu ọ rị e bu.

Jerimaya 51:43

Obodo ndị rịn'a k'a gba okpokoro, họnrinsọnmẹ alị ọkpọ-nkụn lẹ atụ; alị ịhịan bilẹni alị wẹ ghalẹni a gha.

Jerimaya 51:5

Makẹni Chuku ndị Izrẹlụ lẹ ndị Juda, hụn wụ Osolobuẹ ihiẹn ile rị okpuru ẹ alanị wẹ tọ, ọsụọn'a njọ jun alị wẹ, njọ wẹ rị e mẹ Onyẹ-Nsọ Izrẹlụ.

Izikẹlụ 16:22

Hụn ahụn ile ị rị e bi obibi rụnị, a gba ịgbaraja, y'a nyanhandẹni ogẹn hụ i gi rị nwata; ogẹn hụ i gi gba ọtọ, gba ẹhụ oghe, dinẹ imẹ ẹdeke i, e se ụkụ lẹ ẹka.

Izikẹlụ 19:13

Wẹ gbọ a nwan ye alị ọkpọ-nkụn, alị mirin rịlẹni.

Hosia 13:15

Ọsụọn'a n'ọ masịgụọnị Izrẹlụ karị umunẹ ẹ, ufere ẹbamịn ọwụwa ẹnyanwụn lala alala, ufere Osolobuẹ k'e zihẹ, o k'a gha alị-ọkpọnkụn fehẹ, isi-mirin ẹ ile a tahị, mirin ẹ ile a la; o k'a zarị ihiẹn ile o butọ, ihiẹn ile rị mkpa.

Hosia 2:10

“M k'a gba a nwan ọtọ ihun ndị ya lẹ wẹ rị a sụọ, onwọnni onyẹ k'a gbapụha a ẹka m.

Rẹvẹleshọnụ 17:16

“Nke mpịn iri hụ ị hụn, ize ịgbaraja hụ k'a ban wẹ lẹ eje-anụ ufie hụ; wẹ k'a napụchanrịn a ihiẹn ile, gbarị a ọtọ, ripụ uru-ẹhụ a, kpọ a ọkụn,

Ndị Han Eṅẹn 15:18

Ẹgụn mirin rị a gụn a ọda-ọda, ya ọ nọ kpọku Osolobuẹ, sị, “Y'e gigụọ odibo i mẹri okẹn mmẹrini. Nị ẹgụn mirin gbu m nwan, a danye m ẹka ndịnị ghalẹni e fe i?”